జికా వైరస్ నుంచి రక్షించడానికి 'నీడిల్ ఫ్రీ వ్యాక్సిన్ ప్యాచ్'..
సాక్షి లైఫ్ : దోమల ద్వారా వ్యాపించే జీకా వైరస్‌కు కొంతకాలంగా టీకా అందుబాటులో ఉన్నప్పటికీ దాని వాడకంలో కొన్ని ఇబ్బందులున్నాయి. ఈ సమస్యను అధిగమించేందుకు క్వీన్స్‌ల్యాండ్, అడిలైడ్‌లోని ఆస్ట్రేలియన్ విశ్వవిద్యాలయాల పరిశోధకులు ఓ కొత్త రకం డెలివరీ వ్యవస్థను సిద్ధం చేశారు. సూది ద్వారా గుచ్చి ఇవ్వడం కాకుండా.. గాయాలైతే మనం వేసుకునే బ్యాండేజీ వంటి పట్టీ ద్వారా వ్యాక్సీన్‌ను అందించేలా చేశారు. ఈ ప్యాచ్‌లోనూ సూదులు ఉంటాయి. కానీ అతిసూక్ష్మంగా ఉండటం తక్కువ ప్రాంతంలో చాలా ఎక్కువ ఉండటం వంటి కారణాల వల్ల వీటిని వాడినప్పుడు నొప్పి అస్సలు తెలియదు.
నమూనా వ్యాక్సీన్‌...
ఇలా అధికసాంద్రతతో సూదులన్న పరికరాన్ని హైడెన్సిటీ మైక్రో అరే ప్యాచ్ (HD-MAP) అని పిలుస్తారు. క్వీన్స్‌ల్యాండ్, అడిలైడ్‌లోని ఆస్ట్రేలియన్ విశ్వవిద్యాలయాల పరిశోధకులు ఈ HD-MAPలను ఉపయోగించి జీకా వైరస్ నిరోధానికి ఓ నమూనా వ్యాక్సీన్‌ తయారు చేశారు. వాక్స్‌క్సస్ అనే ఫార్మా కంపెనీ దీన్ని మార్కెట్లోకి తీసుకొచ్చింది. HD-MAPలో వేలకొద్దీ చిన్న చిన్న సూదులు చర్మ ఉపరితలంకింద ఉన్న రోగనిరోధక కణాలకు వ్యాక్సిన్‌ను అందిస్తాయి.
డెంగ్యూ జ్వరం..
"ఈ వ్యాక్సిన్ ప్రత్యేకమైనది ఎందుకంటే ఇది వైరస్ వెలుపల కాకుండా లోపల ఉన్న ప్రోటీన్‌ను లక్ష్యంగా చేసుకుంటుంది, అంటే టీకాలు వేసిన వ్యక్తులలో డెంగ్యూ జ్వరంతో సంబంధం ఉన్న వైరస్‌ల లక్షణాలను నిరోధిస్తుంది" అని యూనివర్సిటీ ఆఫ్ అసోసియేట్ ప్రొఫెసర్ బ్రాంకా గ్రుబోర్ బాక్ చెప్పారు.
వేగవంతమైన రక్షణ..
"మేము HD-MAP ప్యాచ్‌తో జికా వైరస్‌తో పోరాడే విధానాన్ని మార్చేశాము. ఇది సమర్థవంతమైంది మాత్రమే కాదు... నొప్పి లేకుండా మందు ఇచ్చేందుకు ఉపయోగపడుతుంది. టీకాలను రవాణా చేసేందుకు, సులువుగా నిల్వ చేయడమూ సులభం." అని Vaxxus పరిశోధకురాలు డాక్టర్ దనుష్క విజేసుందర చెప్పారు. ఈ ప్యాచ్ తాలూకూ ప్రీ-క్లినికల్ ట్రయల్‌ వివరాలు ‘మాలిక్యులర్ థెరపీ న్యూక్లియిక్ యాసిడ్స్’ జర్నల్‌లో ప్రచురితమయ్యాయి. ఈ ప్రయోగాల్లో జీకావైరస్‌ను ఈ వ్యాక్సీన్‌ సమర్థంగా ఎదుర్కొన్నట్లు స్పష్టమైంది. వేగవంతమైన రక్షణను అందించిందని విజేసుందర తెలిపారు.
రక్షించే సామర్థ్యాన్ని..
టీకా ప్యాచ్ వాడకం అనేది సంప్రదాయ సూదిమందుతో పోలిస్తే 270 శాతం బాగా పనిచేస్తుంది. రోగ నిరోధక వ్యవస్థకు చెందిన T- సెల్స్‌ స్పందనలను ఎక్కువ చేసిందని పరిశోధకులు చెబుతున్నారు. మైక్రోఅరే ప్యాచ్, వ్యాక్సిన్ జికా వైరస్ నుంచి రక్షించే సామర్థ్యాన్ని మించిన ప్రయోజనాలను కలిగి ఉంటాయని యూనివర్సిటీ ఆఫ్ క్వీన్స్‌లాండ్ స్కూల్ ఆఫ్ కెమిస్ట్రీ అండ్ మాలిక్యులర్ బయోసైన్సెస్ నుంచి డాక్టర్ డేవిడ్ ముల్లర్ చెప్పారు.
ప్రోటీన్ ఫ్లేవివైరస్లు..
"మేము లక్ష్యంగా చేసుకున్న ప్రోటీన్ ఫ్లేవివైరస్లు అని పిలిచే వైరస్ కుటుంబంలో ప్రతిరూపణలో ప్రధాన పాత్ర పోషిస్తుంది కాబట్టి, డెంగ్యూ లేదా జపనీస్ ఎన్సెఫాలిటిస్ వంటి ఇతర ఫ్లేవివైరస్లను లక్ష్యంగా చేసుకోవడానికి మా విధానాన్ని వర్తించే అవకాశం ఉంది" అని ముల్లర్ చెప్పారు.
ప్రయోజనం ఏమిటంటే..?
“HD MAPల వలకల టీకాలపై ఉష్ణోగ్రతల ప్రభావం తక్కువ అంటే అధిక ఉష్ణోగ్రతల వద్ద కూడా వ్యాక్సీన్‌ సమర్థంగా పనిచేస్తుంది. 40 డిగ్రీల సెల్సియస్‌ ఉష్ణోగ్రతల్లోనూ నాలుగు వారాల వరకు వ్యాక్సీన్‌ను నిల్వ ఉంచవచ్చునని మేము గుర్తించాము’’ ఇంకోలా చెప్పాలంటే ఈ కొత్త రకం టీకాలను నిల్వ చేసేందుకు ఫ్రిడ్జ్‌ల వంటివి అవసరం లేదన్నమాట. పేద దేశాల్లోనూ టీకాలు రవాణా చేయడం, నిల్వ చేయడం సులువు అవుతుంది కాబట్టి ఎక్కువ మందికి వ్యాక్సీన్‌ అందిచే వీలేర్పడుతుంది." అని ముల్లర్ చెప్పారు.
గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.
Related Articles
ఫిజికల్ హెల్త్
కిడ్స్ హెల్త్
Newsletter
Please subscribe for more updates...!
గమనిక: సాక్షి లైఫ్ వెబ్ సైట్ ద్వారా అందించే ఆర్టికల్స్ ను డాక్టర్ల సలహాలను కేవలం సమాచారంగా మాత్రమే భావించండి. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం తప్పనిసరిగా వైద్య నిపుణులను సంప్రదించండి.
Get In Touch
Door No 6-3-249/1, Sakshi Towers, Beside Care Hospital, Near City Center, Road No 1, Banjara Hills-500034
040 2325 6000
life@sakshi.com
Categories
© News. All Rights Reserved. by sakshi.com