పచ్చి బఠానీతో ఆరోగ్య ప్రయోజనాలు ఇవే.. 

సాక్షి లైఫ్ : పచ్చి బఠానీలలో పిండి పదార్థాలు, ప్రొటీన్లు,ఫైబర్, విటమిన్ "ఏ",  విటమిన్ "కె", వంటి అనేక ప్రయోజనకరమైన పోషకాలతోపాటు యాంటీఆక్సిడెంట్లు కూడా ఉంటాయి. గుండె జబ్బులు,క్యాన్సర్ వంటి కొన్ని దీర్ఘకాలిక వ్యాధుల నుంచి  రక్షించడంలో సహాయపడతాయని పలు పరిశోధనలు వెల్లడిస్తున్నాయి. 

కరిగే విటమిన్.. 

విటమిన్ B1.. దీనినే థయామిన్ అని కూడా అంటారు. ఇది నీటిలో కరిగే విటమిన్. ఇది శరీరం కార్బోహైడ్రేట్‌లను శక్తిగా ఉపయోగించడానికి సహాయపడుతుంది. విటమిన్ B1 లోపిస్తే బెరిబెరి వ్యాధి వస్తుంది. అంతేకాదు నరాల సంబంధిత రుగ్మతలు కూడా  తలెత్తుతాయి. పచ్చి బఠానీలో విటమిన్ B1 పుష్కలంగా లభిస్తుంది. 

ముఖ్యమైన ఖనిజాలు.. 

100 గ్రాముల పచ్చి బఠానీలలో 0.282 mg విటమిన్ B1 ఉంటుంది. ఇవి  కాకుండా  కాల్షియం, ఐరన్, మెగ్నీషియం, ఫాస్పరస్, పొటాషియం, సోడియం, సెలీనియం వంటి ముఖ్యమైన ఖనిజాలు కూడా ఉన్నాయి. పచ్చి బఠానీలను ఆహారంలో చేర్చుకోవడం ద్వారా థయామిన్ (విటమిన్ B1) పొందవచ్చని ఆరోగ్య నిపుణులు అంటున్నారు.

తృణధాన్యాలలో..  

థయామిన్ సహజంగా మాంసం, చేపలు, తృణధాన్యాలలో లభిస్తుంది. థయామిన్ (విటమిన్ B1) పొందడానికి మీ ఆహారంలో చేపలు, బీన్స్, పప్పులు,పెరుగును కూడా భాగం చేసుకోవచ్చు.

ఇది కూడా చదవండి.. చెడు కొలెస్ట్రాల్ తగ్గాలంటే ఇవి అస్సలు తినొద్దు..  

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..