Herbal tea : కడుపుబ్బరం, గ్యాస్‌ సమస్యకు ఈ హెర్బల్‌ టీలతో ఉపశమనం పొందండిలా..!

సాక్షి లైఫ్ : మారుతున్న జీవనశైలి, వేళకాని వేళల్లో భోజనం చేయడం, శారీరక శ్రమ తగ్గడం వంటి కారణాలతో నేడు చాలామందిని కడుపుబ్బరం (Bloating), గ్యాస్ సమస్యలు వేధిస్తున్నాయి. ఆహారం తీసుకున్న వెంటనే కడుపు భారంగా మారడం, అసౌకర్యం కలగడం వంటివి రోజువారీ పనులపై ప్రభావం చూపుతాయి. ఇలాంటి సమయాల్లో వంటింట్లో దొరికే సహజసిద్ధమైన దినుసులతో తయారుచేసుకునే హెర్బల్ టీలు జీర్ణక్రియను మెరుగుపరచడంలో చక్కగా తోడ్పడతాయి.

ఇది కూడా చదవండి.. ఎలాంటి ఆసనాలు, ముద్రలు వేస్తే జ్ఞాపకశక్తి పెరుగుతుంది..?

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి.. మీరు ఆరోగ్యంగా బరువు తగ్గాలంటే..? 

ఇది కూడా చదవండి.. చల్లని వాతావరణం వల్ల సైనస్ సమస్యలు పెరుగుతాయా..? 

ఉపశమనం కలిగించే సహజ హెర్బల్ టీలు..తయారీ విధానం..

1. అల్లం టీ (Ginger Tea)..

అల్లంలో ఉండే జింజరాల్‌ వంటి సమ్మేళనాలు జీర్ణవ్యవస్థ పనితీరును వేగవంతం చేసి, వికారం, కడుపులో అసౌకర్యాన్ని తగ్గించడంలో తోడ్పడతాయి.

తయారీ విధానం.. ఒక పాత్రలో కప్పు నీటిని మరిగించి, అందులో కొన్ని అల్లం ముక్కలు వేసి 5 నుంచి 7 నిమిషాలు మరిగించాలి. ఆ తర్వాత వడకట్టి గోరువెచ్చగా తాగాలి.

2. పుదీనా టీ (Peppermint Tea)

తయారీ విధానం..పుదీనాలో ఉండే మెంథాల్ జీర్ణవ్యవస్థలోని కండరాలను సడలించి, కడుపులో పట్టిన గ్యాస్‌, తిమ్మిర్ల నుంచి ఉపశమనం కలిగిస్తుంది. గమనిక: ఎసిడిటీ లేదా గుండెల్లో మంటతో బాధపడేవారు పుదీనా టీని పరిమితంగా తీసుకోవాలి.

తయారీ విధానం..: మరిగించిన కప్పు నీటిలో 5 నుంచి 6 తాజా పుదీనా ఆకులను వేసి మూతపెట్టి 5 నిమిషాలు ఉంచాలి. అనంతరం వడకట్టి తాగాలి.

3. సోంపు టీ (Fennel Seeds Tea)..

సాధారణంగా భోజనం తర్వాత సోంపు నమలడం అలవాటు. సోంపులోని నూనెలు పేగుల్లోని గ్యాస్‌ను సులభంగా బయటకు పంపడానికి సహాయ పడతాయి. తయారీ విధానం.. ఒక కప్పు నీటిలో అర చెంచా సోంపు గింజలు వేసి 5-7 నిమిషాలు సన్నని మంటపై మరిగించాలి. తర్వాత వడకట్టి గోరువెచ్చగా సేవించాలి.

ఎప్పుడు తీసుకోవాలి..?

అల్లం, సోంపు టీ.. భోజనం చేసిన అరగంట తర్వాత తీసుకోవడం వల్ల ఆహారం సులభంగా జీర్ణమవుతుంది. పుదీనా టీ..పగటి సమయంలో ఎప్పుడైనా అసౌకర్యంగా అనిపించినప్పుడు తాగవచ్చు. హెర్బల్ టీలు కేవలం తాత్కాలిక ఉపశమనం కోసం మాత్రమే; వీటిని అతిగా తాగకూడదు.

వైద్యుడిని ఎప్పుడు సంప్రదించాలి..?

కడుపుబ్బరం సమస్య రోజుల తరబడి కొనసాగినా, దానితో పాటు తీవ్రమైన కడుపునొప్పి, వాంతులు, మలంలో రక్తం పడటం, ఆకస్మికంగా బరువు తగ్గడం వంటి హెచ్చరిక లక్షణాలు కనిపిస్తే నిర్లక్ష్యం చేయకుండా వెంటనే వైద్య నిపుణులను సంప్రదించాలి.

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..Detox Water : కాపర్ బాటిల్‌లో 'డిటాక్స్ వాటర్' ఎందుకు ప్రమాదకరం..?

ఇది కూడా చదవండి..Dangerous Diabetes : మధుమేహం విషయంలో టైప్ 1 లేదా టైప్ 2, ఏది ఎక్కువ ప్రమాదకరం..?

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.