ఆటిజం స్పెక్ట్రమ్ డిజార్డర్ అంటే..? ఎలాంటివారికి వస్తుంది..? 

సాక్షి లైఫ్ : "ఆటిజం స్పెక్ట్రమ్ డిజార్డర్" నే "ఆటిజమ్" అని కూడా అంటారు. ఇది నాడీ సంబంధిత సమస్య. ఇది రెండు లేదా మూడు  సంవత్సరాల వయస్సులో గుర్తించవచ్చు. ఆటిజంఉన్న చిన్నారులు ఇతర పిల్లలా వెంటనే స్పందించలేరు. వారు చెప్పాలనుకున్నది వెంటనే చెప్పలేరు. కమ్యూనికేట్ చేయడంలో సమస్య ఉంటుంది. ముఖ్యంగా మాట్లాడటం, రాయడం వంటి అనేక సమస్యలు కనిపిస్తాయి. 

 ఇది కూడా చదవండి.. పిల్లలలో థైరాయిడ్ లక్షణాలు ఎలా ఉంటాయి..?  

ఆటిస్టిక్ పిల్లలకు భిన్నమైన సామర్థ్యాలు, అవసరాలు ఉంటాయి. ఈ పిల్లలకు ప్రత్యేక శ్రద్ధ అవసరం. ఆటిజం ఉన్న పిల్లలు సాధారణ పిల్లలలాగా తమ ఆలోచనలను, భావాలను వ్యక్తం చేయలేరు. పలుమార్లు మాట్లాడాలని ఒత్తిడి తెచ్చినా వారికి కోపం వస్తుంది. ఇక్కడ తల్లిదండ్రులు సహనం పాటించాలి. వారి కోపాన్ని ప్రేరేపించే కారకాలను గుర్తించండి ,కోపాన్ని సురక్షితమైన మార్గంలో ఎలా తగ్గించాలో ఆయా మార్గాల ద్వారా వారిని అదుపు చేయండి. 

ఆటిస్టిక్ పిల్లల కోపానికి కారణాలు.. 

ఆటిజం ఉన్న పిల్లవాడు తన ఆలోచనలను, భావోద్వేగాలను ఇతరులకు తెలియజేయలేనప్పుడు, అది అతనికి కోపం తెప్పిస్తుంది.

ఆటిస్టిక్ పిల్లలు నిర్ణీత దినచర్యను అనుసరిస్తారు. కాబట్టి దానిలో ఏదైనా మార్పు వారికి కోపం తెప్పిస్తుంది.

 పిల్లలు హైపర్యాక్టివ్‌గా ఉన్నట్లయితే, వారిని నియంత్రించాలని చూస్తే కోపం రావచ్చు.

పిల్లలు అలసిపోయినప్పుడు లేదా బలహీనంగా అనిపించినప్పుడు, వారు కూడా కోపంగా ఉంటారు.

కోపంతో ఉన్న పిల్లలతో ఎలా ఉండాలి..?  

ఆటిజంతో బాధపడేవారి సమస్యలను గుర్తించండి.. ముఖ్యంగా వాళ్లకు  కోపం తెప్పించే విషయాలను గుర్తించడానికి ప్రయత్నించండి, అప్పుడే మీరు వారిని శాంతింపజేయడానికి మార్గాలను కనుగొనడానికి అవకాశం ఉంటుంది. తిట్టడం, బలవంతం చేయడం, దినచర్యలో మార్పులపై నిఘా ఉంచండి.

పిల్లలకు వివరించడానికి, బోధించడానికి ఎప్పుడూ సరళమైన, సృజనాత్మక పద్ధతులను ఉపయోగించండి. దీనితో మీరు వారికి పెద్ద పెద్ద విషయాలను కూడా సులభంగా వివరించవచ్చు. ఆటిస్టిక్ పిల్లల విషయంలో ఇది మరింత ముఖ్యమైనది. ఇందులో మీరు పజిల్స్ లేదా ఇతర ఆటల ద్వారా కూడా వారికి చెప్పవచ్చు.

ఆటిస్టిక్ పిల్లల కోపాన్ని శాంతపరచడానికి మీరు అనుసరించిన పద్దతిని పిల్లవాడు అనుసరిస్తుంటే, అతన్ని ప్రశంసించండి. ఇది అతని మనోధైర్యాన్ని పెంచుతుంది.

 కోపాన్ని తగ్గించండి

వారి కోపాన్ని వెళ్లగక్కేందుకు వారికి సురక్షితమైన స్థలం ఇవ్వండి. మీరు ఇంట్లో మృదువైన బొమ్మను ఉంచి తన కోపాన్ని వెళ్లగక్కేందుకు వీటిని ఎలా ఉపయోగించాలో కూడా చెప్పండి.

ఇది కూడా చదవండి.. బ్యాడ్ హ్యాబిట్స్ లేకపోయినా క్యాన్సర్ రావడానికి కారణాలేంటి..?  

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.