Blood Sugar : బ్లడ్ షుగర్పై కాఫీ ప్రభావం.. ఈ 4 అంశాలే కీలకం.. !
సాక్షి లైఫ్ : ఉదయాన్నే వేడివేడి కప్పు కాఫీ పడకపోతే చాలామందికి రోజు గడవదు. అలసటను పోగొట్టి, మెదడును చురుగ్గా ఉంచే ఈ 'మత్తు' పానీయం.. రక్తంలో చక్కెర (Blood Sugar) స్థాయిలను కూడా ప్రభావితం చేస్తుందని మీకు తెలుసా? ముఖ్యంగా మధుమేహం ఉన్నవారు లేదా ప్రీ-డయాబెటిస్ దశలో ఉన్నవారు కాఫీ విషయంలో కొన్ని జాగ్రత్తలు తీసుకోవాలని నిపుణులు సూచిస్తున్నారు.
ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..?
ఇది కూడా చదవండి..Weight loss : బరువు తగ్గడం కోసం 'ఫేక్ ఫాస్టింగ్' ఉపయోగపడుతుందా..?
కాఫీలోని కెఫీన్ నేరుగా చక్కెరను పెంచకపోయినా, మనం దాన్ని తీసుకునే విధానం, అందులో కలిపే పదార్థాలు మన ఆరోగ్యంపై ప్రభావం చూపుతాయి. అసలు కాఫీ తాగినప్పుడు శరీరంలో ఇన్సులిన్ ప్రతిస్పందన ఎలా మారుతుంది? మీ గ్లూకోజ్ లెవల్స్ హెచ్చుతగ్గులకు లోనవ్వకుండా ఉండాలంటే కాఫీ విషయంలో గమనించాల్సిన ఆ 4 కీలక అంశాలు ఏమిటో ఇప్పుడు తెలుసుకుందాం..
డయాబెటిస్ ఉన్నవారు లేదా షుగర్ పెరగకుండా జాగ్రత్త పడేవారు కాఫీ విషయంలో కొన్నివిషయాలను ఖచ్చితంగా గమనించాలి.
స్వీటెనర్లు (Sweeteners).. కాఫీ వల్ల షుగర్ పెరగడానికి ప్రధాన కారణం అందులో కలిపే పంచదార లేదా సిరప్లు. చక్కెర, తేనె వాడటం వల్ల రక్తంలో గ్లూకోజ్ వెంటనే పెరుగుతుంది. స్టీవియా (Stevia) వంటి సహజమైన, కేలరీలు లేని స్వీటెనర్లు వాడటం వల్ల షుగర్ పెరగకుండా చూసుకోవచ్చు.
క్రీమ్ లేదా పాలు (Creamers).. కాఫీలో మీరు కలిపే పాలు లేదా క్రీమ్ రకాన్ని బట్టి ప్రభావం మారుతుంది.ఫ్లేవర్డ్ క్రీమ్స్ లో అధిక మొత్తంలో చక్కెరలు, కొవ్వులు ఉంటాయి, ఇవి ఇన్సులిన్ నిరోధకతను పెంచుతాయి. చక్కెర లేని ప్లాంట్-బేస్డ్ మిల్క్ (Almond milk) లేదా తక్కువ కొవ్వు ఉన్న పాలను మితంగా వాడటం మంచిది.
కెఫీన్ పట్ల మీ శరీర స్పందన..ప్రతి వ్యక్తి శరీరం కెఫీన్కు ఒకేలా స్పందించదు. కొందరిలో కెఫీన్ వల్ల 'అడ్రినలిన్' వంటి హార్మోన్లు విడుదలవుతాయి. ఇది తాత్కాలికంగా ఇన్సులిన్ పనితీరును తగ్గించి, షుగర్ లెవల్స్ను స్వల్పంగా పెంచుతుంది. బ్లాక్ కాఫీ.. పాలు, చక్కెర లేని బ్లాక్ కాఫీ మితంగా తీసుకుంటే దీర్ఘకాలంలో టైప్-2 డయాబెటిస్ ప్రమాదాన్ని తగ్గిస్తుందని కొన్ని అధ్యయనాలు చెబుతున్నాయి.
కాఫీ తాగే సమయం, ఆహారం..
కాఫీ ఎప్పుడు తాగుతున్నారనేది కూడా చాలా ముఖ్యం. ఉదయాన్నే పరగడుపున కాఫీ తాగడం వల్ల కొందరిలో కార్టిసాల్ (స్ట్రెస్ హార్మోన్) పెరిగి చక్కెర స్థాయిల్లో హెచ్చుతగ్గులు రావచ్చు. ప్రోటీన్ లేదా ఆరోగ్యకరమైన కొవ్వులు ఉన్న అల్పాహారంతో కలిపి కాఫీ తాగితే, రక్తంలో చక్కెర నిదానంగా విడుదలవుతుంది.
డయాబెటిస్ ఉన్నవారు తరచూ తమ గ్లూకోజ్ స్థాయిలను పరీక్షించుకుంటూ, కాఫీ తాగినప్పుడు శరీరం ఎలా స్పందిస్తుందో గమనించాలి. ఒకవేళ కాఫీ తాగిన తర్వాత షుగర్ లెవల్స్ ఎక్కువగా పెరుగుతుంటే వైద్యుడిని సంప్రదించడం ఉత్తమం.
ఇది కూడా చదవండి.. టాటూ వేయించుకున్న వాళ్లు రక్తదానంచేయకూడదా..?
ఇది కూడా చదవండి..Shock for Tattoo Lovers..! టాటూస్ తో 29శాతం స్కిన్ క్యాన్సర్ ముప్పు..
ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..?
ఇది కూడా చదవండి..మీరు ఆరోగ్యంగా బరువు తగ్గాలంటే..?
గమనిక: ఇది కేవలం సమాచారంగా మాత్రమే భావించండి. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.
