రోజుకు ఎంత చక్కెర ఆరోగ్యానికి మంచిది..?  

సాక్షి లైఫ్ : స్వీట్స్‌తో పాటు, మీ రోజువారీ ఆహారంలో చాలా ఇతర పదార్థాలు కూడా మీ డైలీ షుగర్ ఇన్ టేక్ ను పెంచుతున్నాయని మీకు తెలుసా? ఒక రోజులో ఎంత చక్కెర ఆరోగ్యానికి మంచిదో మీకు తెలుసా..? మనం తెలియకుండానే తినే కొన్ని ఆహార పదార్థాల వల్ల శరీరానికి అవసరానికి మించి చక్కెర ఎలా అందుతుందో ఇప్పుడు తెలుసుకుందాం..

ఇది కూడా చదవండి.. ఎలాంటి కొలెస్ట్రాల్ ఆరోగ్యానికి మంచిది..?

ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..? 

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..? 

రోజుకు ఎంత చక్కెర మంచిది..?

ప్రపంచ ఆరోగ్య సంస్థ సూచించిన ప్రకారం, మన మొత్తం కేలరీలలో 10శాతం కన్నా తక్కువ చక్కెర తీసుకోవాలి. మీరు ఇంకా ఆరోగ్యంగా ఉండాలనుకుంటే, ఈ పరిమాణం 5శాతం కంటే తక్కువగా ఉండాలి. అంటే, ఒక రోజులో మీరు 25 గ్రాముల (సుమారు 5 టీస్పూన్లు) కంటే ఎక్కువ చక్కెర తినకూడదు.

 
ఒక జలేబి లేదా సోడా సరిపోతుంది.. !

అంటే మీరు ఆశ్చర్యపోవచ్చు, కానీ కేవలం ఒక టిన్ సోడా లేదా ఒక జలేబి తింటేనే మీరు ఈ 25 గ్రాముల చక్కెర పరిమితిని దాటి పోయినట్లే. ఆలోచించండి, మనం రోజంతా ఇంకా ఎన్ని పదార్థాలు తింటామో, వాటిలో ఎంత చక్కెర దాగి ఉంటుందో అనేది. మనం 'యాడెడ్ షుగర్' అంటే అదనంగా కలిపిన చక్కెర పదార్థాల గురించి చాలా జాగ్రత్తగా ఉండాలని వైద్యనిపుణులు చెబుతున్నారు.

సహజ చక్కెర vs అదనపు చక్కెర.. 

పండ్లు, కూరగాయలలో ఉండే సహజ చక్కెర కూడా అంతే హానికరమా అని మీ మనసులో ప్రశ్న రావచ్చు? వరల్డ్ హెల్త్ ఆర్గనైజేషన్ సూచనలమేరకు  పండ్లు, కూరగాయలలో సహజంగా లభించే చక్కెరకు మనం తీసుకునే అదనపు షుగర్ లెక్క కిందకు రాదు.

గ్లూకోజ్, ఫ్రక్టోజ్ వంటి పండ్ల నుంచి లభించే చక్కెర, ఫైబర్, ఇతర పోషకాలతో కలిసి ఉంటుంది, ఇవి మన శరీరానికి ప్రయోజనకరమైనవి. తేనెలో కూడా సహజ చక్కెర ఉంటుంది, దీన్ని పరిమితంగా తీసుకోవడం మంచిది.

మనం ఎక్కువగా దృష్టి పెట్టవలసింది చక్కెర అదనంగా కలిపే పదార్థాలపై, అవి ఏమిటంటే..?  
 
కూల్డ్ డ్రింక్స్
ప్యాక్డ్ జ్యూస్‌
కుకీస్, బిస్కెట్లు
కేకులు, పేస్ట్రీలు
చాక్లెట్లు
స్వీట్లు, సాస్, బ్రెడ్‌లు.

దాగి ఉన్న చక్కెరను ఎలా గుర్తించాలి..?

మీ షుగర్ తీసుకోవడాన్ని తగ్గించుకోవడానికి, ఎల్లప్పుడూ ప్యాక్ చేసిన పదార్థాల లేబుల్స్ చదవండి. పదార్థాల జాబితాలో "షుగర్," "గ్లూకోజ్," "ఫ్రక్టోజ్," "సుక్రోజ్," "కార్న్ సిరప్" వంటి పేర్లను తప్పకుండా చూడండి, ఎందుకంటే ఇవన్నీ చక్కెర రూపాలే.

ఇది కూడా చదవండి.. టాటూ వేయించుకున్న వాళ్లు రక్తదానంచేయకూడదా..?

ఇది కూడా చదవండి.. హిమోఫిలియాకు ప్రధాన కారణాలు తెలుసా..?

ఇది కూడా చదవండి.. లివర్ సంబంధిత సమస్యలను ఎలా గుర్తించాలి..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.