ప్లాస్టిక్ బాటిల్స్ లో కొబ్బరి నీళ్లు తాగడం ఎందుకు ప్రమాదకరం..?

సాక్షి లైఫ్ : కొబ్బరి నీళ్లు ఆరోగ్యానికి ఎంతో మంచివి. ఇవి శరీరాన్ని హైడ్రేట్ గా ఉంచి, అనేక పోషకాలను అందిస్తాయి. అయితే, కొబ్బరి నీళ్లు తాగే విధానంపై చాలా మందికి సరైన అవగాహన ఉండదు. ముఖ్యంగా ప్లాస్టిక్ బాటిల్స్ లో కొబ్బరి నీళ్లు తాగడం వల్ల కలిగే ప్రమాదాల గురించి తెలుసుకోవడం చాలా అవసరం.

ఇది కూడా చదవండి..లవ్ హార్మోన్ అంటే ఏమిటి..?

ఇది కూడా చదవండి..పచ్చకామెర్లు ప్రాణాలకు ప్రమాదమా..?

ఇది కూడా చదవండి..కిడ్నీడ్యామేజ్ అయ్యే ముందు కనిపించే 5 లక్షణాలు.. 

మైక్రోప్లాస్టిక్స్..  

ప్లాస్టిక్ బాటిల్స్, ముఖ్యంగా ఎండ తగిలినప్పుడు లేదా ఎక్కువ కాలం నిల్వ ఉంచినప్పుడు, వాటి నుంచి మైక్రోప్లాస్టిక్స్ (సూక్ష్మ ప్లాస్టిక్ కణాలు) నీటిలోకి విడుదలవుతాయి. ఈ మైక్రోప్లాస్టిక్స్ మన శరీరంలోకి ప్రవేశించి వివిధ ఆరోగ్య సమస్యలకు దారితీస్తాయి. అధ్యయనాల ప్రకారం, బాటిల్ వాటర్‌లో ఊహించిన దాని కంటే వంద రెట్ల మైక్రోప్లాస్టిక్స్ ఉండవచ్చు.

రసాయనాల లీకేజ్.. 

ప్లాస్టిక్ బాటిల్స్ తయారీలో ఉపయోగించే బిస్ ఫినాల్ ఏ (BPA), థాలేట్స్ (Phthalates) వంటి రసాయనాలు నీటిలో కరిగిపోతాయి. ఈ రసాయనాలు శరీరంలో హార్మోన్ల అసమతుల్యతకు, పునరుత్పత్తి సమస్యలకు, గుండె సంబంధిత వ్యాధులకు, క్యాన్సర్ వంటి ప్రాణాంతక వ్యాధులకు కారణం కావచ్చని నిపుణులు హెచ్చరిస్తున్నారు.

బ్యాక్టీరియా.. 

 కొబ్బరి నీళ్లు సహజంగానే పోషకాలతో నిండి ఉంటాయి. ప్లాస్టిక్ బాటిల్స్ లో ఎక్కువ సమయం నిల్వ ఉంచినప్పుడు, ముఖ్యంగా సరైన ఉష్ణోగ్రతలో లేకపోతే, బ్యాక్టీరియా సులభంగా వృద్ధి చెందుతుంది. ఇది ఫుడ్ పాయిజనింగ్, కడుపు సంబంధిత సమస్యలకు దారితీస్తుంది. డెన్మార్క్ లో ఒక వ్యక్తి రూమ్ టెంపరేచర్ లో బయట ఉంచిన కొబ్బరి నీళ్లు తాగి అస్వస్థతకు గురై మరణించాడు.

పోషకాల విషయంలో.. 

ప్లాస్టిక్ బాటిల్స్ లో నిల్వ ఉంచడం వల్ల కొబ్బరి నీళ్లలోని సహజ పోషకాలు, విటమిన్లు, ఎలక్ట్రోలైట్స్ వాటి ప్రభావాన్ని కోల్పోతాయి.

ఇది కూడా చదవండి..గుండె స్పందన తగ్గినప్పుడు కనిపించే లక్షణాలు..

ఇది కూడా చదవండి..హిమోగ్లోబిన్‌ పెంచే బెస్ట్ ఫుడ్..?

ఇది కూడా చదవండి..కొత్తిమీర ఆరోగ్యానికి ఒక అద్భుతమైన ఔషధం..

ఇది కూడా చదవండి..గుండె జబ్బులు పెరగడానికి ఇవే కారణం..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.