Boost your Immunity : రోగనిరోధక శక్తి పెరగాలంటే రోజుకు ఎన్ని గంటలు నిద్రపోవాలి..?

సాక్షి లైఫ్ : రోగనిరోధక శక్తి (immunity) అనగానే ముందుగా మనకు గుర్తొచ్చేది పౌష్టికాహారం, విటమిన్లు, వ్యాయామం. కానీ, ఇన్ఫెక్షన్లతో పోరాడే సామర్థ్యం శరీరానికి కలగాలంటే తగినంత నిద్ర కూడా అత్యవసరమని నిపుణులు చెబుతున్నారు. నిద్రలేమి వల్ల ఇమ్యూనిటీ ఎలా దెబ్బతింటుందో, ఆరోగ్యంగా ఉండటానికి ఎన్ని గంటల నిద్ర అవసరమో ఇప్పుడు తెలుసుకుందాం..

ఇది కూడా చదవండి..గుండె జబ్బులు రాకుండా ఉండడానికి వైద్య నిపుణులు చెప్పిన చిట్కాలు..

ఇది కూడా చదవండి..గుండె స్పందన తగ్గినప్పుడు కనిపించే లక్షణాలు..

నిద్ర కేవలం విశ్రాంతి మాత్రమే కాదు..

రాత్రిళ్లు ఎక్కువసేపు మొబైల్ చూడటం, పని ఒత్తిడి, నిద్ర వేళలు మారడం వల్ల నేడు చాలామంది నిద్రలేమితో బాధపడుతున్నారు. దీని ప్రభావం కేవలం మరుసటి రోజు అలసటకు మాత్రమే పరిమితం కాదు. నిద్రలో శరీరం విశ్రాంతి తీసుకోవడమే కాకుండా, రోగనిరోధక వ్యవస్థను బలోపేతం చేసే అనేక అంతర్గత ప్రక్రియలను క్రమబద్ధీకరిస్తుంది.

నిద్రకు, రోగనిరోధక శక్తికి ఉన్న సంబంధం..

మనం గాఢ నిద్రలో ఉన్నప్పుడు శరీరంలోని ఇమ్యూనిటీ వ్యవస్థ చురుగ్గా పనిచేస్తుంది.

అప్పుడప్పుడు ఒక రోజు నిద్ర సరిగ్గా లేకపోతే ఇబ్బంది లేదు కానీ, దీర్ఘకాలికంగా నిద్రలేమి వేధిస్తుంటే మాత్రం మన రోగనిరోధక వ్యవస్థ పనితీరు తీవ్రంగా మందగిస్తుంది.

వైరస్ లేదా ఇతర ఇన్ఫెక్షన్లు దాడి చేసినప్పుడు, ఇమ్యూనిటీ సిస్టమ్ వాటిని గుర్తించి పోరాడటానికి నిద్ర ఎంతో అవసరం.

నిద్ర తగ్గితే పెరిగే ముప్పులు..

తగినంత నిద్రపోని వారు తరచుగా జలుబు, ఫ్లూ వంటి ఇన్ఫెక్షన్ల బారిన పడే ప్రమాదం ఎక్కువగా ఉంటుందని ఆరోగ్య నిపుణులు హెచ్చరిస్తున్నారు. సెంటర్స్ ఫర్ డిసీజ్ కంట్రోల్ (CDC) ప్రకారం, రోజుకు 7 గంటల కంటే తక్కువ నిద్రపోయే వారిలో అధిక రక్తపోటు (high blood pressure), గుండె జబ్బులు, ఊబకాయం, మధుమేహం (diabetes) వంటి సమస్యలు వచ్చే ప్రమాదం ఉంది.

నిద్రలేమి వల్ల ఏకాగ్రత, జ్ఞాపకశక్తి, ఆలోచనా సామర్థ్యం కూడా క్షీణిస్తాయి.

రోజుకు ఎన్ని గంటల నిద్ర అవసరం..?

వయోజనులు (Adults)..ప్రతిరోజూ రాత్రి కనీసం 7 నుంచి 8 గంటలు నిద్రపోవాలి.

పిల్లలు, టీనేజర్లు..వీరికి పెద్దల కంటే ఎక్కువ గంటల నిద్ర అవసరం.

ఎనిమిది గంటలు పడుకున్నా మధ్యమధ్యలో మెలకువ రావడం లేదా ఉదయం లేవగానే నీరసంగా అనిపిస్తే అది నాణ్యమైన నిద్ర లోపానికి సంకేతం. ఇలాంటి సమస్యలు ఉన్నవారు వెంటనే వైద్యులను సంప్రదించడం ఉత్తమం. నిద్ర అనేది మన ఆరోగ్యానికి ఒక అద్భుతమైన ఔషధం. రోజూ సరైన సమయానికి నిద్రపోవడం ద్వారా ఇమ్యూనిటీని పెంచుకుని సంపూర్ణ ఆరోగ్యంతో జీవించవచ్చు.

ఇది కూడా చదవండి..పేస్‌మేకర్ హార్ట్ పేషెంట్లకు ఎప్పుడు అవసరం..?

ఇది కూడా చదవండి.. గుండె స్పందన తగ్గినప్పుడు కనిపించే లక్షణాలు..

ఇది కూడా చదవండి..స్పాండిలోసిస్ సమస్యలు - పరిష్కార మార్గాలు..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.