పురుషుల్లో బ్రెస్ట్ క్యాన్సర్ లక్షణాలను ఎలా గుర్తించాలి..?
సాక్షి లైఫ్ : పురుషుల్లో రొమ్ము క్యాన్సర్ అవకాశాలు తక్కువగా ఉన్నప్పటికీ, ఈ వ్యాధి ఎవరికి వస్తుందో ఎవరికీ తెలియదు. కాబట్టి పురుషులు రొమ్ము క్యాన్సర్ లక్షణాలను, సంకేతాలను ముందుగా గమనించాలి. తద్వారా ప్రాణాపాయ స్థితి నుంచి బయటపడవచ్చని వైద్య నిపుణులు వెల్లడిస్తున్నారు.
మహిళలకు రొమ్ము క్యాన్సర్ వచ్చే ప్రమాదం ఉందని మనందరికీ తెలుసు. పురుషులలో రొమ్ము క్యాన్సర్ వచ్చే అవకాశం ఉందని గుర్తించలేము. రొమ్ము క్యాన్సర్లలో 1శాతం వరకు పురుషులలో సంభవిస్తుందని అధ్యయనాలు చెబుతున్నాయి.
అయితే బ్రెస్ట్ క్యాన్సర్ వచ్చే అవకాశాలు తక్కువే అయినా ఈ వ్యాధి ఎవరికి వస్తుందో ఎవరికీ తెలియదు. అటువంటి పరిస్థితిలో, పురుషులు రొమ్ము క్యాన్సర్ లక్షణాలను, ఆయా సంకేతాలను గుర్తించాలని వైద్యనిపుణులు సూచిస్తున్నారు.
రొమ్ము క్యాన్సర్ ఉందో లేదో తెలుసుకోవడం ఎలా..?
"రొమ్ము క్యాన్సర్ ప్రమాదం వయస్సు పెరిగే కొద్దీ పెరుగుతుందని సెంటర్స్ ఫర్ డిసీజ్ కంట్రోల్ అండ్ ప్రివెన్షన్ సంస్థ వెల్లడిస్తోంది." చాలా వరకు రొమ్ము క్యాన్సర్‌లు 50 ఏళ్ల వయస్సు దాటినవారిలోనే ఎక్కువగా వస్తున్నాయని, పురుషులలో రొమ్ము క్యాన్సర్ ప్రమాదానికి సంబంధించిన ఏవైనా సంకేతాలను గుర్తించడానికి సాధారణ రొమ్ము పరీక్షలు అవసరమని సెంటర్స్ ఫర్ డిసీజ్ కంట్రోల్ అండ్ ప్రివెన్షన్ సంస్థ సూచిస్తుంది.
పురుషులలో రొమ్ము క్యాన్సర్ లక్షణాలు..
పురుషులలో రొమ్ము క్యాన్సర్ లక్షణాలు చాలా ఉన్నాయి. ఐతే అమెరికన్ క్యాన్సర్ సొసైటీ (ఏసీఎస్) కొన్నిరకాల లక్షణాలను గుర్తించింది. అవేంటంటే..?
- రొమ్ములో నొప్పి లేని ముద్దలా అనిపించడం..
- చనుమొనల్లో మార్పులు..
- రొమ్ము గుంటలు పడినట్లు ఉండటం
- రొమ్ము లేదా చనుమొన చర్మం రంగులో మార్పు
ఈ సంకేతాలు రొమ్ము క్యాన్సర్ వచ్చే ముందస్తు హెచ్చరిక సంకేతాలు అయితే, క్యాన్సర్ వ్యాప్తి చెందుతుందని సూచించే కొన్ని సంకేతాలు ఉన్నాయి. అదెలా అంటే..? రొమ్ము నొప్పి ,ఎముక నొప్పి తీవ్రంగా అనిపిస్తుంది.
పురుషులలో రొమ్ము క్యాన్సర్‌ను గుర్తించవచ్చా..?
పురుషులలో మూడు రకాల రొమ్ము క్యాన్సర్‌లను గుర్తించి, నిర్ధారణ చేయవచ్చని సీడీసీ టెస్టు ద్వారా తెలుసుకోవచ్చు. సూచిస్తుంది.
- ఇన్వాసివ్ డక్టల్ కార్సినోమా: ఈ రకమైన రొమ్ము క్యాన్సర్ నాళాలలో మొదలై తర్వాత రొమ్ము కణజాలంలోని ఇతర భాగాలకు నాళాల వెలుపల పెరుగుతుంది.
- ఇన్వాసివ్ లోబ్యులర్ కార్సినోమా: క్యాన్సర్ కణాలు గడ్డల్లా ప్రారంభమవుతాయి. ఆ తరువాత రొమ్ము కణజాలంలోకి వ్యాపిస్తాయి.
- డక్టల్ కార్సినోమా ఇన్ సిటు (DCIS): ఇవి రొమ్ము క్యాన్సర్‌కు దారితీయవచ్చు, ఎందుకంటే అవి నాళాలలో మాత్రమే సంభవిస్తాయి. ఇతర రొమ్ము కణజాలాలకు వ్యాపించవు.
పురుషులు- స్త్రీలలో రొమ్ము క్యాన్సర్‌ను మామోగ్రామ్, అల్ట్రాసౌండ్, నిపిల్ డిస్చ్ర్జ్ టెస్ట్ లేదా బయాప్సీ సహాయంతో నిర్ధారించవచ్చు.
పురుషుల రొమ్ము క్యాన్సర్‌లో జన్యువుల పాత్ర..?
జన్యు పరివర్తన వల్ల కూడా బ్రెస్ట్ క్యాన్సర్ రావచ్చు. రొమ్ము క్యాన్సర్ అనేది ఫ్యామిలీ హిస్టరీ, అసాధారణమైన BRCA1 లేదా BRCA2 జన్యువులను వారసత్వంగా పొందిన పురుషులకు రొమ్ము క్యాన్సర్ వచ్చే ప్రమాదం ఎక్కువగా ఉండవచ్చు. అయినప్పటికీ, పురుషులలో రొమ్ము క్యాన్సర్‌కు కారణమయ్యే కారకాలు జన్యు ఉత్పరివర్తనలు మాత్రమే కాదు. ఒక్కోసారి వేరే కారణాలు కూడా కావచ్చు.
పురుషులలో రొమ్ము క్యాన్సర్ చికిత్స.. ?
కణితి పరిమాణాన్ని బట్టి వైద్యులు చికిత్సను సూచిస్తారు. శస్త్రచికిత్స, కీమోథెరపీ, రేడియేషన్ థెరపీ, హార్మోన్ థెరపీ వంటి చికిత్సలు రొమ్ము క్యాన్సర్‌కు అందుబాటులో ఉన్న కొన్ని చికిత్సలు.
గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.
Tags :Related Articles
ఫిజికల్ హెల్త్
కిడ్స్ హెల్త్
Newsletter
Please subscribe for more updates...!
గమనిక: సాక్షి లైఫ్ వెబ్ సైట్ ద్వారా అందించే ఆర్టికల్స్ ను డాక్టర్ల సలహాలను కేవలం సమాచారంగా మాత్రమే భావించండి. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం తప్పనిసరిగా వైద్య నిపుణులను సంప్రదించండి.
Get In Touch
Door No 6-3-249/1, Sakshi Towers, Beside Care Hospital, Near City Center, Road No 1, Banjara Hills-500034
040 2325 6000
life@sakshi.com
Categories
© News. All Rights Reserved. by sakshi.com