ఢిల్లీలో 'విషపు గాలి' బీభత్సం.. ! 7 ఏళ్ల చిన్నారి కళ్లు చూసి డాక్టర్లు షాక్!

సాక్షి లైఫ్ : దేశ రాజధాని ఢిల్లీని కమ్మేసిన భయంకరమైన వాయు కాలుష్యం ప్రజల, ముఖ్యంగా చిన్నారుల ఆరోగ్యంపై తీవ్ర ప్రభావం చూపుతోంది. 'విషపు గాలి' (Toxic Air) ప్రభావంతో అనారోగ్యంతో ఆసుపత్రికి వచ్చిన ఏడేళ్ల చిన్నారి కళ్ల పరిస్థితి చూసి వైద్యులు సైతం దిగ్భ్రాంతికి గురయ్యారు. ఉదయం పూట ఆరు బయట ఆడుకుంటున్న బాలల కళ్లలో కాలుష్య రేణువులు పేరుకుపోయి, ప్రమాదకరమైన ఇన్ఫెక్షన్లకు దారితీస్తుండటం ఆందోళన కలిగిస్తోంది.

ఇది కూడా చదవండి.. క్యాన్సర్ మహమ్మారిపై పోరాడి గెలిచిన విజేత.. 

ఇది కూడా చదవండి.. కొత్తగా దంతాలు వచ్చిన పిల్లలకూ బ్రష్ చేయాలా..? 

ఢిల్లీలో గాలి నాణ్యత (AQI) అత్యంత ప్రమాదకర స్థాయికి చేరడంతో, ఊపిరితిత్తుల సమస్యలతో పాటు కంటి సమస్యలు కూడా తీవ్రమవుతున్నాయి. ఆసుపత్రికి వచ్చిన ఏడేళ్ల బాలుడి కళ్లను పరీక్షించిన వైద్యులు షాకయ్యారు. బాలుడి కళ్లలో ఎరుపుదనం, విపరీతమైన మంటతో పాటు, గాలిలోని కాలుష్య కణాలు (Pollutant Particles) పేరుకుపోయి స్పష్టంగా కనిపించడం పరిస్థితి తీవ్రతను తెలియజేస్తోంది.

చిన్నారుల్లో శ్వాసకోశ సమస్యలతో పాటు కళ్ల ఇన్ఫెక్షన్లు, కంజెక్టివైటిస్ వంటి సమస్యలు విపరీతంగా పెరిగాయని వైద్యులు హెచ్చరిస్తున్నారు. దేశ రాజధాని గాలి, ఒక వ్యక్తి రోజుకు 20 సిగరెట్లు తాగితే కలిగే నష్టంతో సమానమని నిపుణులు చెబుతున్నారు. అత్యవసరమైతే తప్ప చిన్నారులు, వృద్ధులు ఇళ్ల నుంచి బయటకు రావడం క్షేమం కాదని వైద్యులు తల్లిదండ్రులకు సూచిస్తున్నారు.

చిన్నారుల భవిష్యత్తుపై ఆందోళన.. 

ఢిల్లీని చుట్టుముట్టిన ఈ పొగమంచు (స్మోగ్) కారణంగా పిల్లలు స్కూళ్లకు వెళ్లడానికి కూడా ఇబ్బంది పడుతున్నారు. ఇది కేవలం ఆరోగ్య సమస్యే కాదు, దేశ భవిష్యత్తుగా భావించే చిన్నారుల ఎదుగుదలపై కూడా తీవ్ర ప్రభావం చూపుతుందని నిపుణులు ఆందోళన వ్యక్తం చేస్తున్నారు.  

ఇది కూడా చదవండి..బ్లడ్ క్యాన్సర్‌లో ఎన్ని రకాలు ఉన్నాయి..?

ఇది కూడా చదవండి..పనీర్ తినడం వల్ల ఎన్ని ఆరోగ్య ప్రయోజనాలున్నాయో తెలుసా..? 

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..