Banana : అరటిపండు తింటున్నారా..? అయితే ఈ సరైన పద్ధతులు తెలుసుకోండి..!

సాక్షి లైఫ్ : అరటిపండు రుచికరమైనదే కాకుండా, సులభంగా లభించే అద్భుతమైన పోషకాల గని. ఇందులో కార్బోహైడ్రేట్లు, ఫైబర్, పొటాషియం, విటమిన్ బి6 వంటి ముఖ్యమైన పోషకాలు పుష్కలంగా ఉంటాయి. వీటిని రోజూవారీ ఆహారంలో భాగం చేసుకోవడం వల్ల శరీరానికి తక్షణ శక్తితో పాటు ఎంతో పోషణ అందుతుంది. అయితే, అరటిపండును ఏ సమయంలో తినాలి..? పరగడుపున తినొచ్చా..? రాత్రిపూట తినకూడదా..? లాంటి సందేహాలు చాలామందికి ఉంటాయి. వాస్తవానికి అరటిపండు తినడానికి ఒక నిర్దిష్టమైన 'పర్ఫెక్ట్' సమయం అంటూ ఏమీ లేదు. మీ జీవనశైలి, అవసరాలను బట్టి దీనిని మీ డైట్‌లో చేర్చుకోవచ్చు. అయితే, దీనిని సరైన పద్ధతిలో ఎలా తినాలో ఇప్పుడు తెలుసుకుందాం..

ఇది కూడా చదవండి..చిన్నారులలో అరుదైన జన్యుపరమైన వ్యాధుల నిర్ధారణకు సరికొత్త రక్త పరీక్ష.. 

ఇది కూడా చదవండి..Don’t Ignore Fever : సాధారణ జ్వరమే కదా అని నిర్లక్ష్యం చేస్తే ప్రాణాలకే ముప్పు..! ఈ 5 లక్షణాలపై అవగాహన అవసరం.. 

ఇది కూడా చదవండి..రోజూ బెల్లం తింటే బరువు పెరుగుతారా..? 

బాగా పండిన పండ్లనే ఎంచుకోండి..

అరటిపండు కొనేటప్పుడు, తినేటప్పుడు అది ఎంతవరకు పండిందనేది ముఖ్యం. బాగా పండిన అరటిపండు మృదువుగా ఉండటమే కాకుండా చాలా రుచిగా, తియ్యగా ఉంటుంది. పచ్చి అరటికాయల్లో 'రెసిస్టెంట్ స్టార్చ్' ఎక్కువగా ఉంటుంది, పండే కొద్దీ అది చక్కెరగా మారుతుంది. అయితే, పచ్చివి చెడ్డవి అని కాదు, కానీ జీర్ణక్రియకు పండినవి మరింత అనుకూలంగా ఉంటాయి.

శరీర అవసరాలను బట్టి..

కార్బోహైడ్రేట్లకు అరటిపండు మంచి మూలం. అందుకే దీన్ని రోజంతా శక్తినిచ్చే స్నాక్‌గా వాడుకోవచ్చు. ఉదయం అల్పాహారంతో పాటు, మధ్యాహ్నం స్నాక్‌గా లేదా వ్యాయామానికి ముందు, తర్వాత తినడం చాలా మంచి ఎంపిక. అయితే రోజుకు ఎన్ని తినాలనేది వ్యక్తుల వయసు, వారు చేసే శారీరక శ్రమ, వారి శరీరానికి అవసరమైన క్యాలరీల ఆధారంగా మారుతుంది.

పాలు, అరటిపండు కలిపి తీసుకోవచ్చా..?

పాలు, అరటిపండు కాంబినేషన్ చాలా పాపులర్. ఈ రెండింటితో మిల్క్ షేక్ లేదా స్మూతీలు చేసుకొని తాగుతుంటారు. అరటిపండు నుండి కార్బోహైడ్రేట్లు, పాల నుండి ప్రొటీన్లు శరీరానికి అందుతాయి. ఈ కాంబినేషన్ సులభంగా జీర్ణమయ్యే వారు నిరభ్యంతరంగా తీసుకోవచ్చు. కానీ కొంతమందికి పాలు, అరటిపండు కలిపి తీసుకుంటే కడుపు ఉబ్బరం, గ్యాస్ లేదా అజీర్తి సమస్యలు రావచ్చు. అలాంటివారు వీటికి దూరంగా ఉండటం మేలు.

రాత్రిపూట తినడం సురక్షితమేనా..?

అరటిపండు ఉదయం మాత్రమే తినాలి, రాత్రి తింటే నష్టం జరుగుతుంది అనే దానికి ఎలాంటి శాస్త్రీయ ఆధారాలు లేవు. ఆరోగ్యవంతమైన వ్యక్తులు పగలు లేదా రాత్రి ఏ సమయంలోనైనా దీనిని తినవచ్చు. కానీ, రాత్రిపూట అరటిపండు తిన్న తర్వాత కడుపు బరువుగా అనిపించినా, గ్యాస్ లేదా ఇతర అసౌకర్యం కలిగినా.. నిద్రపోయే ముందు దీనిని తినకపోవడమే మంచిది.

సమతుల్య ఆహారంగా..

అరటిపండు పోషకాలు నిండిన పండు అనడంలో ఎలాంటి సందేహం లేదు. కానీ, దీన్ని ఏదో అద్భుత ఔషధంగా భావించి కేవలం దీనిపైనే ఆధారపడకూడదు. మెరుగైన ఆరోగ్యం కోసం రకరకాల పండ్లు, ఆకుకూరలు, కూరగాయలు, తృణధాన్యాలు, పప్పులు, తగినంత ప్రొటీన్ ఉన్న సమతుల్య ఆహారాన్ని (Balanced Diet) తీసుకోవాలి.

గుర్తుంచుకోవాల్సిన ముఖ్య విషయాలు..

మీకు ఏదైనా ఆహార పదార్థాల వల్ల ఎలర్జీ ఉంటే, అరటిపండు తిన్న తర్వాత శరీరంలో వచ్చే మార్పులను గమనించండి. మధుమేహం, కిడ్నీ వ్యాధులు లేదా ఇతర దీర్ఘకాలిక ఆరోగ్య సమస్యలు ఉన్నవారు తమ డైట్‌లో మార్పులు చేసుకునే ముందు తప్పనిసరిగా వైద్యుడిని లేదా డైటీషియన్‌ను సంప్రదించాలి.ఏదైనా ఒకే పండును అతిగా తినడం కంటే, అన్ని రకాల పండ్లను మితంగా తినడం ఆరోగ్యానికి శ్రేయస్కరం.

ఇది కూడా చదవండి..Chest Pain : ఛాతీలో నొప్పా..? అది గుండెపోటా..? లేక పానిక్ అటాకా..? తేడా ఎలా గుర్తించాలి..?

ఇది కూడా చదవండి..కాలేయ ఆరోగ్యాన్ని నిర్లక్ష్యం చేస్తున్నారా..? మౌనంగా పెరుగుతున్న ఈ వ్యాధి గురించి తెలుసా..?

ఇది కూడా చదవండి.. టీబీని సకాలంలో గుర్తించకపోతే ఏమౌతుంది..? 

 ఇది కూడా చదవండి.. ఎర్ర రక్త కణాలు, తెల్ల రక్త కణాల మధ్య వ్యత్యాసం..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.