ఆల్కహాల్ దీర్ఘకాలంలో ఎలాంటి ప్రభావం చూపిస్తుంది..? 

సాక్షి లైఫ్ : మొదట్లో మద్యం తాగడం వల్ల కొంత మనశ్శాంతి లభిస్తుంది, కానీ తరువాత అది ఆందోళనను పెంచుతుంది. ఆల్కహాల్ మెదడులోని రసాయనాల సమతుల్యతను దెబ్బతీస్తుంది కాబట్టి ఇలా జరుగుతుందని పరిశోధకులు చెబుతున్నారు. మెదడులో సెరోటోనిన్, డోపమైన్ అనే కొన్ని రసాయనాలు ఉంటాయి. 

ఇవి మన మానసిక స్థితిని ప్రశాంతంగా ఉంచుతాయి. మద్యం ఎక్కువగా సేవించడం వల్ల ఈ రసాయనాల సమతుల్యత దెబ్బతింటుంది. తద్వారా ఆందోళన పెరుగుతుంది. మద్యం సేవించిన తర్వాత, మత్తు తగ్గిన తర్వాత ఆందోళన మరింతగా పెరుగుతుందని పలు అధ్యయనాలు వెల్లడిస్తున్నాయి.

ఇది కూడా చదవండి.. బ్యాక్టీరియా ఎలా సంక్రమిస్తుంది..?

ఇది కూడా చదవండి..  ప్రీ-మెనోపాజ్ కారణంగా ఎలాంటి సమస్యలు వస్తాయి..? అవేంటి..?

ఇది కూడా చదవండి.. ఆరోగ్యంగా ఉన్నవాళ్లకు ప్రోటీన్ సప్లిమెంట్లు అవసరంలేదంటున్న వైద్యులు..

 ఆందోళనతో బాధపడేవారు మద్యానికి బానిసలయ్యే ప్రమాదం ఎక్కువగా ఉంటుంది. అలాంటి వ్యక్తులు మద్యం తాగడం ద్వారా తమ ఆందోళనను తగ్గించుకోవడానికి ప్రయత్నిస్తారు. కానీ ఇది వారి పరిస్థితిని మరింత దిగజార్చుతుంది. ఆందోళన, మద్యపాన వ్యసనంగా మార్చుతుంది.

 కొన్నిసార్లు తమ ఆందోళనను తగ్గించుకోవడానికి కొందరు మద్యం వైపు మొగ్గు చూపుతారు. కానీ ఇది ఒక వ్యసనంగా మారవచ్చు. మద్యం సేవించడం వల్ల ఆందోళన కొంత సమయం తగ్గవచ్చు, కానీ దీర్ఘకాలంలో అది మరింతగా పెరుగుతుందని శాస్త్రవేత్తలు చెబుతున్నారు. ఇది ఎక్కువ మద్యం సేవించే అలవాటుకు దారితీస్తుంది. 

రోజూ మద్యం సేవించడం వల్ల ఆందోళన పెరగడమేకాకుండా పలు అనారోగ్య సంబంధిత సమస్యలకు, మానసిక ఒత్తిడికి దారితీస్తుందని పరిశోధనలు  స్పష్టంగా చెబుతున్నాయి. కాబట్టి మీరు ఒత్తిడికి గురై మద్యం తాగాలని ఆలోచించినప్పుడు, అది మీకు మంచిది కాదని గుర్తుంచుకోండి.

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.