Latest Study : హెచ్ పీవీ టీకాతో గర్భాశయ క్యాన్సర్‌కు 90% చెక్..! కొత్త పరిశోధనలో వెల్లడి..!

సాక్షి లైఫ్ : మహిళలకు ప్రాణాంతకమైన గర్భాశయ క్యాన్సర్ (Cervical Cancer)ను నివారించడంలో హ్యూమన్ పాపిల్లోమావైరస్ (HPV) వ్యాక్సిన్ అత్యంత శక్తివంతమైనదని, దీని ప్రభావం పట్ల ఏమాత్రం సందేహం అక్కర్లేదని తాజా ప్రపంచస్థాయి అధ్యయనాలు నిరూపించాయి. ఈ టీకా సురక్షితత్వం, దీర్ఘకాలిక రక్షణపై వస్తున్న అపోహలను ఈ పరిశోధనలు పూర్తిగా పటాపంచలు చేశాయి.

ఇది కూడా చదవండి..కిడ్నీలు పనిచేయడం లేదని ఎలా తెలుసుకోవాలి..?

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..?

ఇది కూడా చదవండి..హార్ట్ ఎటాక్ తర్వాత తొలి 60 నిమిషాలు ఎందుకంత కీలకం..?

యూకేలోని నేషనల్ ఇన్‌స్టిట్యూట్ ఫర్ హెల్త్ అండ్ కేర్ రీసెర్చ్ (NIHR) సహకారంతో జరిగిన రెండు విస్తృతమైన కోక్రాన్ రివ్యూలు (Cochrane Reviews)... ప్రపంచవ్యాప్తంగా వందల కొద్దీ క్లినికల్ ట్రయల్స్ వాస్తవ-ప్రపంచ డేటాను విశ్లేషించి, కీలకమైన ఫలితాలను వెల్లడించాయి.

 పరిశోధనలో కీలక అంశాలు.. 

16 సంవత్సరాల కంటే ముందుగా HPV టీకా తీసుకున్న బాలికల్లో, టీకా తీసుకోని వారితో పోలిస్తే, గర్భాశయ క్యాన్సర్ వచ్చే ప్రమాదం 80% నుంచి 90% వరకు గణనీయంగా తగ్గినట్లు తాజా డేటా స్పష్టం చేసింది. గర్భాశయ క్యాన్సర్‌కు దారితీసే 'ప్రీ-క్యాన్సరస్ లెషన్స్' (CIN2+ and CIN3+) ఏర్పడటాన్ని టీకా సమర్థవంతంగా నిరోధించినట్లు నిరూపితమైంది. ఇది దీర్ఘకాలంలో క్యాన్సర్‌గా మారకుండా కాపాడుతుంది.

టీకా తీసుకున్న తర్వాత దాదాపు 15 నుంచి 20 సంవత్సరాల పాటు కూడా దాని రక్షణ ప్రభావం బలంగా కొనసాగుతున్నట్లు శాస్త్రవేత్తలు గుర్తించారు.
టీకా వల్ల వంధ్యత్వం (Infertility) వస్తుందనే లేదా ఇతర తీవ్రమైన దుష్ప్రభావాలు (Side Effects) ఉంటాయనే వాదనలకు ఎటువంటి శాస్త్రీయ ఆధారం లేదని ఈ అధ్యయనాలు తేల్చిచెప్పాయి. టీకా వల్ల సాధారణంగా ఇంజెక్షన్ ఇచ్చిన చోట చిన్న నొప్పి లేదా వాపు మాత్రమే కనిపిస్తుందని ధృవీకరించాయి.

 ఎందుకు చిన్న వయసులోనే టీకా తీసుకోవాలి..?

గర్భాశయ క్యాన్సర్‌కు ప్రధాన కారణమైన హ్యూమన్ పాపిల్లోమావైరస్ (HPV) సంక్రమించడానికి ముందే టీకా తీసుకోవడం వల్ల అత్యధిక రక్షణ లభిస్తుంది. అందుకే, లైంగిక చర్య ప్రారంభానికి ముందే, అంటే 9 నుంచి 12 సంవత్సరాల మధ్య వయస్సులో బాలికలకు టీకా ఇవ్వాలని వైద్య నిపుణులు బలంగా సిఫార్సు చేస్తున్నారు. ప్రపంచవ్యాప్తంగా మహిళల్లో కనిపించే క్యాన్సర్లలో గర్భాశయ క్యాన్సర్ నాలుగో స్థానంలో ఉండగా, భారతదేశంలో రొమ్ము క్యాన్సర్ తర్వాత ఇదే అత్యంత సాధారణంగా కనిపిస్తోంది.

స్వదేశీ HPV వ్యాక్సిన్ 'సర్వావాక్' (CERVAVAC) అందుబాటులోకి రావడంతో, ప్రభుత్వం కూడా ఈ నివారణ చర్యకు అత్యంత ప్రాధాన్యత ఇస్తోంది. కేవలం బాలికలకే కాకుండా, HPV సంబంధిత ఇతర క్యాన్సర్లు పురుషాంగం, పాయువు, గొంతు క్యాన్సర్లు  నుంచి రక్షణ కోసం బాలురు కూడా ఈ టీకా తీసుకోవాలని నిపుణులు సూచిస్తున్నారు.

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

ఇది కూడా చదవండి..Tamarind : మైక్రోప్లాస్టిక్స్‌ ముప్పును తొలగించే అస్త్రం.. 'చింతపండు'.. తాజా పరిశోధనలో వెల్లడి..

ఇది కూడా చదవండి..Revisiting Old Books: మానసిక ఆరోగ్యానికి ' చదివిన పుస్తకాలు మళ్లీ చదవడం' దివ్యౌషధం..

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.