Osteoarthritis vs Osteoporosis : ఆర్థరైటిస్, ఆస్టియో ఆర్థరైటిస్, ఆస్టియోపొరోసిస్.. తేడాలేంటి..? 

సాక్షి లైఫ్ : ప్రజెంట్ జనరేషన్ లో ఉరుకుల పరుగుల జీవనశైలి, శారీరక శ్రమ లోపించడం, సరైన పోషకాహారం తీసుకోకపోవడం వల్ల ఎముకలు, కీళ్ల సమస్యలు రోజురోజుకూ పెరుగుతున్నాయి. గతంలో వృద్ధాప్యంలో మాత్రమే కనిపించే కీళ్ల నొప్పులు, బలహీనమైన ఎముకల సమస్యలు ఇప్పుడు యువతలోనూ సాధారణమై పోయాయి. కీళ్లు, ఎముకల సమస్యల గురించి మాట్లాడేటప్పుడు ప్రధానంగా ఆర్థరైటిస్ (Arthritis), ఆస్టియో ఆర్థరైటిస్ (Osteoarthritis), ఆస్టియోపొరోసిస్ (Osteoporosis) అనే పేర్లు తరచూ వినిపిస్తుంటాయి. చాలామంది వీటిని ఒకటే సమస్యగా భావిస్తుంటారు. అయితే, ఈ మూడూ వేర్వేరు సమస్యలు. వాటి మధ్య ఉన్న ప్రధాన తేడాలు, లక్షణాలు, ఎముకలపై చూపే ప్రభావాన్ని పరిశీలిద్దాం..

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..?

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..Knee Cartilage Damage : మోకాళ్లలో ‘జిగురు’ తగ్గుతోందా..? ఈ లక్షణాలు కనిపిస్తే అస్సలు నిర్లక్ష్యం వద్దు..!

ఇది కూడా చదవండి..Detox Water : కాపర్ బాటిల్‌లో 'డిటాక్స్ వాటర్' ఎందుకు ప్రమాదకరం..?

1. ఆర్థరైటిస్ అంటే ఏమిటి..?

ఆర్థరైటిస్ అనేది ఒక్క వ్యాధి పేరు కాదు; కీళ్లలో వాపు, నొప్పి, బిగుతుతనం కలిగించే 100కు పైగా సమస్యలను కలిపి సాధారణంగా 'ఆర్థరైటిస్' అంటారు. ఎలాంటి ప్రభావం చూపుతుంది అంటే..? కీళ్లలో వాపు రావడం, కదలికలు కష్టమవడం, విపరీతమైన నొప్పి కలగడం ప్రధాన లక్షణాలు. కారణాలు..? వయసు పెరగడం, వంశపారంపర్య కారణాలు, రోగనిరోధక వ్యవస్థలో లోపాలు ఉదాహరణకు రుమటాయిడ్ ఆర్థరైటిస్, జీవనశైలి లోపాల వల్ల ఇది తలెత్తుతుంది.

2. ఆస్టియో ఆర్థరైటిస్..

ఆర్థరైటిస్‌లోని అనేక రకాల్లో అత్యంత సాధారణమైనది ఆస్టియో ఆర్థరైటిస్. కీళ్ల చివర ఎముకలు ఒకదానితో ఒకటి రాసుకోకుండా రక్షించే 'కార్టిలేజ్' అంటే మృదులాస్థి కాలక్రమేణా అరిగిపోవడం వల్ల ఈ సమస్య వస్తుంది.

ఎలాంటి ప్రభావం చూపుతుంది..?

కార్టిలేజ్ అరిగిపోవడంతో ఎముకలు ఒకదానికొకటి రాసుకుంటాయి. దీనివల్ల కీళ్లలో తీవ్రమైన నొప్పి, వాపు, బిగుతుతనం వస్తాయి. ఇది ఎక్కువగా మోకాళ్లు, తుంటి (hits), వెన్నెముక, చేతి వేళ్లపై ప్రభావం చూపుతుంది.

ఎవరిలో కనిపిస్తుంది..?

సాధారణంగా వయసు పైబడిన వారిలో కనిపిస్తుంది. అయితే, కీళ్లకు పాత గాయాలు ఉండటం, అధిక బరువు వల్ల యువతలోనూ ఇది వచ్చే ప్రమాదం ఉంది. నివారణ, నిర్వహణ.. బరువు నియంత్రణలో ఉంచుకోవడం, తక్కువ శ్రమతో కూడిన వ్యాయామాలు,నడక, ఈత, సరైన వైద్య సలహాతో మందులు వాడటం ద్వారా దీని తీవ్రతను తగ్గించవచ్చు.

3. ఆస్టియోపొరోసిస్.. 

ఇది కీళ్ల సమస్య కాదు; పూర్తిగా ఎముకలకు సంబంధించిన వ్యాధి. ఇందులో ఎముకల సాంద్రత (Bone Density) తగ్గిపోయి, అవి గుల్లబారిపోతాయి.

ఎలాంటి ప్రభావం చూపుతుంది..? 

ఎముకలు ఎంత బలహీన పడతాయంటే.. చిన్నపాటి దెబ్బ లేదా సాధారణ ఒత్తిడికే విరిగిపోయే (Fracture) ప్రమాదం ఉంటుంది. సాధారణంగా 35 ఏళ్ల తర్వాత ఎముకల సాంద్రత క్రమంగా తగ్గడం సహజం. లక్షణాలు.. ప్రారంభంలో దీనికి ఎలాంటి స్పష్టమైన లక్షణాలు కనిపించవు. అందుకే దీనిని 'నిశ్శబ్ద వ్యాధి' (Silent Disease) అని కూడా పిలుస్తారు.

ఎవరికి ముప్పు ఎక్కువ..? మహిళల్లో మెనోపాజ్ తర్వాత హార్మోన్ల మార్పుల వల్ల, శారీరక శ్రమ లేకపోవడం వల్ల ఈ ముప్పు పెరుగుతుంది. జాగ్రత్తలు.. ఆహారంలో కాల్షియం, విటమిన్-డి సమృద్ధిగా తీసుకోవడం, క్రమం తప్పకుండా వ్యాయామం చేయడం, ధూమపానానికి దూరంగా ఉండటం ద్వారా ఎముకలను దృఢంగా ఉంచుకోవచ్చు.

క్లుప్తంగా చెప్పాలంటే, కీళ్లలో వాపు, నొప్పి కలిగించే వందకు పైగా సమస్యలకు ఆర్థరైటిస్ ఒక సాధారణ నామం కాగా, అందులో భాగమైన ఆస్టియో ఆర్థరైటిస్ ప్రధానంగా కీళ్లలోని కుషన్ లాంటి కార్టిలేజ్ అరిగిపోవడం వల్ల వస్తుంది. దీనివల్ల ఎముకలు ఒకదానితో ఒకటి రాసుకుని తీవ్రమైన నొప్పి, బిగుతుతనం ఏర్పడతాయి.

మరోవైపు, ఆస్టియోపొరోసిస్ కీళ్లకు కాకుండా నేరుగా ఎముకల అంతర్గత నిర్మాణానికి సంబంధించిన సమస్య. ఇందులో ఎముకల సాంద్రత తగ్గిపోయి అవి లోపల గుల్లబారి, బలహీనపడటం వల్ల చిన్న దెబ్బలకే సులభంగా విరిగిపోయే ప్రమాదం పెరుగుతుంది. అందుకే కీళ్లలో నిరంతరం నొప్పి, కదలికల్లో ఇబ్బంది లేదా ఎముకలు బలహీనపడినట్లు అనిపిస్తే ఏమాత్రం నిర్లక్ష్యం చేయకుండా వెంటనే ఆర్థోపెడిక్ వైద్య నిపుణులను సంప్రదించి అవసరమైన స్కానింగ్‌లు, వైద్య పరీక్షలు చేయించుకోవడం ఎంతో ఉత్తమం.

ఇది కూడా చదవండి.. కాలేయ ఆరోగ్యాన్ని నిర్లక్ష్యం చేస్తున్నారా..? మౌనంగా పెరుగుతున్న ఈ వ్యాధి గురించి తెలుసా..?

ఇది కూడా చదవండి.. మీరు ఆరోగ్యంగా బరువు తగ్గాలంటే..? 

ఇది కూడా చదవండి..Dangerous Diabetes : మధుమేహం విషయంలో టైప్ 1 లేదా టైప్ 2, ఏది ఎక్కువ ప్రమాదకరం..?

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.