హెచ్‌ఐవి సోకిన వారిలో గుండె జబ్బులు కూడా వస్తాయా..?  

సాక్షి లైఫ్ : ప్రపంచంలో ఎనిమిది కోట్ల మందికి హెచ్‌ఐవీ సోకిందని వైద్యనిపుణులు వెల్లడిస్తున్నారు.  ఇందులో నాలుగు కోట్ల మందికి పైగా మరణించారు. ఈ రోజు వరల్డ్ ఎయిడ్స్ డే సందర్భంగా ఈ ప్రాణాంతక వ్యాధికి సంబంధించిన మరిన్ని వివరాలు...

ఎనిమిది కోట్ల మంది.. 

 ప్రపంచంలో సుమారు ఎనిమిది కోట్ల మంది హెచ్‌ఐవి బారిన పడ్డారని, వారిలో నాలుగు కోట్ల మందికి పైగా మరణించారని ఎయిడ్స్ కంట్రోల్ సొసైటీ మాజీ ప్రాజెక్ట్ డైరెక్టర్, చర్మ , వెనిరియల్ డిసీజ్ స్పెషలిస్ట్ డాక్టర్ దినేష్ మాథుర్ తెలిపారు. ప్రపంచ ఎయిడ్స్ దినోత్సవం సందర్భంగా ఏర్పాటు చేసిన కార్యక్రమంలో డాక్టర్ మాథుర్ మాట్లాడుతూ..  అంతర్జాతీయ స్థాయిలో హెచ్‌ఐవీ ఎయిడ్స్‌ నివారణలో భారత్‌ ఎంతో కీలకపాత్ర పోషిస్తోంది. ప్రపంచవ్యాప్తంగా హెచ్‌ఐవీకి వ్యతిరేకంగా పోరాటంలో ఏకం కావడం, హెచ్‌ఐవీతో జీవిస్తున్న వారికి మద్దతు తెలపడం, ఎయిడ్స్ సంబంధిత వ్యాధుల నివారణ ప్రపంచ ఎయిడ్స్ దినోత్సవంలోని ప్రధాన అంశాలు.

12 లక్షల మంది గర్భిణులు..

 ప్రపంచవ్యాప్తంగా 12 లక్షల మంది గర్భిణులు హెచ్ ఐవీ బారిన పడ్డారని, అందుకే హెచ్ ఐవీ సోకిన మహిళలు గర్భం దాల్చే ముందు వైద్యులను సంప్రదించాలని గైనకాలజిస్టులు చెబుతున్నారు. టిబి రోగులలో హెచ్‌ఐవి వ్యాప్తి చాలా సాధారణం, 18 శాతం కంటే ఎక్కువ మందిలో హెచ్‌ఐవి-టిబి కో-ఇన్‌ఫెక్షన్ ఉన్నట్లు నిర్ధారణ అయిందని శ్వాసకోశ వ్యాధి నిపుణులు వెల్లడిస్తున్నారు.

 గుండె జబ్బులు..

రక్తపోటు, గుండె జబ్బులు 10 నుంచి 30 శాతానికి పైగా హెచ్‌ఐవి సోకిన వారిలో కనిపిస్తాయని కార్డియాలజిస్టులు చెబుతున్నారు.  

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.