Tuberculosis (TB) : క్షయ వ్యాప్తి గురించి అపోహలు.. వాస్తవాలు.. 

సాక్షి లైఫ్ : మన దేశంలో క్షయవ్యాధి (TB) అనగానే అది ఒక అంటువ్యాధి అని, రోగిని తాకినా లేదా వారితో కలిసి భోజనం చేసినా సోకుతుందని చాలామంది భయపడుతుంటారు. ఈ భయం వల్ల రోగులను దూరం పెట్టడం, వారిని మానసిక వేదనకు గురిచేయడం చూస్తుంటాం. అయితే, క్షయ వ్యాప్తిపై ఉన్న ఈ నమ్మకాల్లో నిజమెంత..? పల్మనాలజిస్టులు ఏమంటున్నారో ఇప్పుడు తెలుసుకుందాం..

ఇది కూడా చదవండి..Obesity and inflammation : ఒబెసిటీకి ఇన్‌ఫ్లమేషన్‌కు లింక్ ఏమిటి..?

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఇది కూడా చదవండి..Brain health : మీ బ్రెయిన్ కంప్యూటర్ లాగా పనిచేయాలంటే ఈ ఆహారపదార్థాలు తినండి..

ఇది కూడా చదవండి..Prediabetes : ప్రీడయాబెటిస్‌ కు గుండె జబ్బుల ప్రమాదానికి లింక్ ఏంటి..?

తాకడం వల్ల టీబీ వ్యాపిస్తుందా..?

సాధారణంగా ఇంట్లో ఎవరికైనా క్షయ సోకిందని తెలియగానే.. వారి పాత్రలను వేరు చేయడం, వారితో కరచాలనం (Handshake) ఆపేయడం, వారిని ఒక గదికే పరిమితం చేయడం చేస్తుంటారు. అయితే, క్షయవ్యాధి తాకడం వల్ల కానీ, ఆహారం లేదా పాత్రలను పంచుకోవడం వల్ల కానీ అస్సలు వ్యాపించదు. రోగి వాడే బట్టలు, పరుపులు ముట్టుకున్నా ఈ ఇన్ఫెక్షన్ సోకదు. ఇవి కేవలం అపోహలు మాత్రమేనని వైద్యులు స్పష్టం చేస్తున్నారు.

అసలు ఎలా వ్యాపిస్తుంది..?

క్షయ అనేది గాలి ద్వారా (Airborne) వ్యాపించే వ్యాధి. ఊపిరితిత్తుల క్షయ ఉన్న వ్యక్తి దగ్గినప్పుడు, తుమ్మినప్పుడు లేదా గట్టిగా మాట్లాడినప్పుడు వారి నోరు, ముక్కు నుంచి వెలువడే అతి సూక్ష్మమైన తుంపరల ద్వారా బాక్టీరియా గాలిలోకి చేరుతుంది. ఆరోగ్యంగా ఉన్న వ్యక్తి ఆ గాలిని పీల్చినప్పుడు, ఆ బాక్టీరియా వారి ఊపిరితిత్తులకు చేరుతుంది. ముఖ్యంగా గాలి వెలుతురు సరిగా లేని ఇరుకైన గదుల్లో రోగితో కలిసి ఎక్కువ సమయం గడిపేవారికి ఈ ప్రమాదం ఎక్కువగా ఉంటుంది.

వివక్ష వల్ల కలిగే నష్టాలు.. 

రోగిని అంటరానివారిగా చూడటం వల్ల వారి ఆరోగ్యం కంటే మానసిక స్థితిపై తీవ్ర ప్రభావం పడుతుంది.  సామాజిక ఒంటరితనం: అవమాన భారంతో రోగి తన అనారోగ్యాన్ని దాచిపెట్టే ప్రయత్నం చేస్తాడు.
సమాజం ఏమనుకుంటుందో అన్న భయంతో పరీక్షలకు దూరంగా ఉంటారు, దీనివల్ల ప్రాణాపాయం పెరగవచ్చు. కుటుంబ సభ్యుల ఆదరణ లేకపోతే రోగి మానసిక ఆందోళనకు గురవుతారు.

ముందస్తు జాగ్రత్తలు.. నివారణ.. 

రోగి దగ్గినప్పుడు లేదా తుమ్మినప్పుడు రుమాలును అడ్డు పెట్టు కోవాలి. ఇంట్లోకి సూర్యరశ్మి, తాజా గాలి వచ్చేలా కిటికీలు తెరిచి ఉంచాలి. సూర్యరశ్మికి క్షయ బాక్టీరియా నశిస్తుంది. వైద్యుల సలహా మేరకు మందులు వాడుతూ, బలవర్ధకమైన ఆహారం తీసుకుంటే క్షయను పూర్తిగా నయం చేయవచ్చు. క్షయ రోగులకు సామాజిక దూరం కాదు.. సరైన చికిత్స, కుటుంబ సభ్యుల మద్దతు చాలా అవసరం.

ఇది కూడా చదవండి..Shock for Tattoo Lovers..! టాటూస్ తో 29శాతం స్కిన్ క్యాన్సర్ ముప్పు..

ఇది కూడా చదవండి..Coconut Water : కొబ్బరి బొండం నీళ్లతో బరువు తగ్గొచ్చా..?

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

గమనిక: ఇది కేవలం సమాచారంగా మాత్రమే భావించండి. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.