Coconut Water : కొబ్బరి బొండం నీళ్లతో బరువు తగ్గొచ్చా..?

సాక్షి లైఫ్ : ప్రజెంట్ జనరేషన్ లో ఒబెసిటీ అనేది ఒక పెద్ద సవాలుగా మారింది. జిమ్‌లు, డైటింగ్‌లు చేస్తున్నా ఆశించినా ఫలితం రావడంలేదని చాలామంది బాధపడుతున్నారు. అయితే, మనకు అతి తక్కువ ధరలో, సహజ సిద్ధంగా లభించే కొబ్బరి నీళ్లు బరువు తగ్గడంలో 'గేమ్ ఛేంజర్'గా పనిచేస్తాయని వైద్యనిపుణులు చెబుతున్నారు.

ఇది కూడా చదవండి..డిప్రెషన్ ఉన్న వారిలో ఎలాంటి మార్పులు కనిపిస్తాయి..?

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..?

ఇది కూడా చదవండి..బ్లడ్ క్యాన్సర్ ను గుర్తించడానికి ఎలాంటి పరీక్షలు చేస్తారు..?

బరువు తగ్గడంలో ..

మార్కెట్లో దొరికే కూల్ డ్రింక్స్‌లో కేలరీలు, చక్కెరలు అధికంగా ఉంటాయి. కానీ ఒక కప్పు 250 ఎం ఎల్ కొబ్బరి నీళ్లలో కేవలం 45 - 60 కేలరీలు మాత్రమే ఉంటాయి. దీనివల్ల అనవసరమైన కేలరీలు శరీరంలో చేరకుండా బరువును అదుపులో ఉంచుకోవచ్చు.

మెటబాలిజం..  

 కొబ్బరి నీళ్లలో ఉండే ఎంజైమ్‌లు, బయో యాక్టివ్ సమ్మేళనాలు శరీర జీవక్రియను వేగవంతం చేస్తాయి. మెటబాలిజం వేగంగా ఉంటే శరీరంలో కొవ్వు త్వరగా కరిగి శక్తిగా మారుతుంది. భోజనానికి ముందు ఒక గ్లాసు కొబ్బరి నీళ్లు తాగడం వల్ల కడుపు నిండుగా ఉన్న అనుభూతి కలుగుతుంది. దీనివల్ల మీరు అతిగా తినకుండా (Overeating) నియంత్రించుకోవచ్చు.

నేచురల్ డిటాక్స్..

 వ్యాయామం చేసినప్పుడు శరీరం నుంచి చెమట రూపంలో సోడియం, పొటాషియం వంటి ఖనిజాలు బయటకు పోతాయి. కొబ్బరి నీళ్లు వీటిని తక్షణమే భర్తీ చేసి శరీరాన్ని హైడ్రేటెడ్‌గా ఉంచుతాయి. దీనివల్ల అలసట లేకుండా ఎక్కువ సేపు వర్కౌట్స్ చేయవచ్చు. శరీరంలోని వ్యర్థాలను (Toxins) బయటకు పంపడంలో ఇది 'నేచురల్ డిటాక్స్'లా పనిచేస్తుంది.

కిడ్నీల పనితీరును మెరుగుపరచి, నీటి నిల్వ (Water Retention) వల్ల వచ్చే ఉబ్బరాన్ని తగ్గిస్తుంది. బరువు వేగంగా తగ్గాలనుకునే వారు కొబ్బరి నీటిలో ఒక చెంచా నానబెట్టిన సబ్జా విత్తనాలను కలుపుకుని తాగితే ఇంకా మంచిది. సబ్జాలో ఉండే ఫైబర్ ఎక్కువ సేపు ఆకలి వేయకుండా చూస్తుంది.

ఏ సమయంలో తాగితే మంచిది అంటే..?

బరువు తగ్గాలనుకునే వారు ఉదయం ఖాళీ కడుపుతో లేదా వర్కౌట్ చేసిన తర్వాత కొబ్బరి నీళ్లు తాగడం ఉత్తమమని వైద్యనిపుణులు చెబుతున్నారు. ఇది శరీరానికి రోజంతా అవసరమైన శక్తిని అందిస్తుంది. మధుమేహం (Diabetes) ఉన్నవారు లేదా కిడ్నీ సమస్యలతో బాధపడేవారు కొబ్బరి నీళ్లను డైట్‌లో చేర్చుకునే ముందు తప్పనిసరిగా డాక్టర్‌ని సంప్రదించాలి. ఎందుకంటే ఇందులో పొటాషియం అధికంగా ఉంటుంది.

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..