Healthy Eyesight : కంటి చూపు పదిలంగా ఉండాలంటే ఎలాంటి పోషకాలు అవసరం..? 

సాక్షి లైఫ్ : కంప్యూటర్లు, స్మార్ట్‌ఫోన్ల వాడకం విపరీతంగా పెరిగిన ఈ రోజుల్లో కళ్లపై తీవ్ర ఒత్తిడి పడుతోంది. కళ్లు పొడిబారడం, మసకబారడం, తలనొప్పి, చిన్న వయసులోనే దృష్టి లోపాలు వంటి సమస్యలు సర్వసాధారణమయ్యాయి. అయితే, కళ్లజోడు లేదా ఐ డ్రాప్స్‌తో మాత్రమే కాకుండా.. తీసుకునే ఆహారంలో సరైన విటమిన్లు, యాంటీఆక్సిడెంట్లు చేర్చుకుంటే కంటి ఆరోగ్యాన్ని దీర్ఘకాలం కాపాడుకోవచ్చు. 

 ఇది కూడా చదవండి..చెడు కొలెస్ట్రాల్ ను నియంత్రించే పనస పండు.. 

ఇది కూడా చదవండి..నోటి దుర్వాసనను తగ్గించే చిట్కాలు 

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

కంటి వెలుగును పెంచి, కంటి కండరాలను బలంగా ఉంచేందుకు రోజూ తీసుకోవాల్సిన ముఖ్యమైన పోషకాహారాలు..

1. విటమిన్-ఎ , బీటా కెరోటిన్ కంటి రెటీనా సరిగ్గా పనిచేయడానికీ, రేచీకటి రాకుండా నిరోధించడానికీ విటమిన్-ఎ అత్యంత ముఖ్యం. ఇందులోని బీటా కెరోటిన్ కంటి ఉపరితలాన్ని (cornea) రక్షిస్తుంది.

ఆహారాలు..క్యారెట్లు, చిలగడదుంపలు, గుమ్మడికాయ, బొప్పాయి, మామిడి పండ్లు.ఎలా తినాలి: క్యారెట్లను పచ్చిగా సలాడ్లలో గానీ లేదా తేలికపాటి కూరగా గానీ రోజువారీ ఆహారంలో భాగం చేసుకోవచ్చు.

2. ల్యూటిన్, జియాక్సంతిన్ .. బ్లూ లైట్ నుంచి రక్షణ..డిజిటల్ తెరల నుంచి వచ్చే హానికరమైన నీలి కాంతి ప్రభావం రెటీనాపై పడకుండా అడ్డుకునే సహజ సన్‌స్క్రీన్‌లు ల్యూటిన్, జియాక్సంతిన్. ఇవి వయసుతో వచ్చే మాక్యులర్ క్షీణత (AMD), శుక్లాలు (cataract) వచ్చే ముప్పును తగ్గిస్తాయి. 

ఆహారాలు..పాలకూర, తోటకూర, మెంతికూర, బ్రకోలీ, బఠానీలు, గుడ్డులోని పచ్చసొన.చిట్కా: వారంలో కనీసం మూడు నుంచి నాలుగు రోజులు ఏదో ఒక రూపంలో ఆకుకూరలు తీసుకోవడం శ్రేయస్కరం.

3. ఒమేగా-3 ఫ్యాటీ యాసిడ్లు ..కళ్లు పొడిబారకుండా స్క్రీన్ల వైపు ఎక్కువసేపు చూసేవారికి కళ్లలోని తేమ తగ్గి కళ్లు మంటలు, దురదలు వస్తుంటాయి. డ్రై ఐ సిండ్రోమ్. ఒమేగా-3 కొవ్వు ఆమ్లాలు కంటి కన్నీటి పొర నాణ్యతను పెంచి, తేమ ఆరిపోకుండా చూస్తాయి.

ఆహారాలు.. సాల్మన్, ట్యూనా, నెత్తళ్ళు వంటి చేపలు..శాకాహారులైతే అవిసె గింజలు, చియా గింజలు, వాల్‌నట్స్.చిట్కా.. రోజూ ఉదయం ఒక టీస్పూన్ వేపిన అవిసె గింజల పొడిని మజ్జిగలో లేదా ఓట్స్, సలాడ్లలో కలిపి తీసుకోవచ్చు.

4. విటమిన్-సి, విటమిన్-ఇ..యాంటీ ఆక్సిడెంట్ కవచం..కంటి రక్తనాళాలను పటిష్టం చేయడానికి, కంటి కణాలను ఫ్రీ రాడికల్స్ వల్ల కలిగే ఆక్సీకరణ ఒత్తిడి నుంచి రక్షించడానికి ఈ విటమిన్లు అవసరం.

విటమిన్-సి.. ఉసిరికాయ, నారింజ, బత్తాయి, నిమ్మ, జామపండు, కివీ, టమాటాలు. ఉసిరి రోజూ తీసుకోవడం వల్ల కంటి చూపుకు అమితమైన మేలు జరుగుతుంది.

విటమిన్-ఇ..బాదం పప్పులు, పొద్దుతిరుగుడు గింజలు, వేరుశనగలు. రాత్రిపూట నానబెట్టిన 4-5 బాదం పప్పులను రోజూ ఉదయం పరగడుపున తింటే కంటి నరాల బలానికి మంచిది

5. జింక్ .. జింక్ కాలేయం నుంచి విటమిన్-ఎను కంటి రెటీనాకు చేరవేయడంలో కీలక పాత్ర పోషిస్తుంది. ఇది కంటిలోని మెలనిన్ అనే సహజ రక్షణ వర్ణద్రవ్యం ఉత్పత్తికి తోడ్పడుతుంది.

ఇది కూడా చదవండి..లవ్ హార్మోన్ అంటే ఏమిటి..?

ఇది కూడా చదవండి..గుండె నొప్పిని ఎలా గుర్తించవచ్చు..?

ఇది కూడా చదవండి..మీరు ఆరోగ్యంగా బరువు తగ్గాలంటే..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.