నవర బియ్యంతో ఎలాంటి ఆరోగ్య ప్రయోజనాలు ఉన్నాయి..? 

సాక్షి లైఫ్ : మధుమేహం ఉన్నవారు అన్నం తినాలంటే భయపడతారు. ఎందుకంటే అన్నంలో ఉండే అధిక గ్లైసెమిక్ ఇండెక్స్ (GI) రక్తంలో చక్కెర స్థాయిలను వేగంగా పెంచుతుంది కాబట్టి. అయితే, కొన్ని రకాల బియ్యం మధుమేహులకు ఎంతో మేలు చేస్తాయి. వాటిలో ఒకటి కేరళకు చెందిన అరుదైన 'నవర బియ్యం'. దీనికి ఆయుర్వేదంలో కూడా ఎంతో ప్రాధాన్యత ఉంది.

ఇది కూడా చదవండి..రోజూ బెల్లం తింటే బరువు పెరుగుతారా..? 

ఇది కూడా చదవండి..కిడ్నీలు పనిచేయడం లేదని ఎలా తెలుసుకోవాలి..?

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

 గ్లైసెమిక్ ఇండెక్స్ తక్కువ: నవర బియ్యంలో గ్లైసెమిక్ ఇండెక్స్ చాలా తక్కువగా ఉంటుంది. దీని వల్ల అన్నం తిన్న తర్వాత రక్తంలో చక్కెర స్థాయిలు నెమ్మదిగా విడుదలవుతాయి, తద్వారా షుగర్ స్థాయిలు అదుపులో ఉంటాయి.

అధిక ఫైబర్: ఈ బియ్యంలో పీచు పదార్థం (ఫైబర్) పుష్కలంగా ఉంటుంది. ఇది జీర్ణక్రియను మెరుగుపరచి, ఎక్కువసేపు కడుపు నిండిన భావన కలిగేలా చేస్తుంది. దీంతో ఆహారం తక్కువగా తీసుకునే అవకాశం ఉంటుంది.

పోషకాల గని: నవర బియ్యంలో యాంటీఆక్సిడెంట్లు, విటమిన్లు, మినరల్స్ వంటి పోషకాలు అధికంగా ఉంటాయి. ఇవి శరీర రోగనిరోధక శక్తిని పెంచడంలో సహాయపడతాయి.

గుండె ఆరోగ్యానికి మేలు: దీనిలో ఉండే ఫైబర్, యాంటీఆక్సిడెంట్లు చెడు కొలెస్ట్రాల్‌ను తగ్గించడంలో సహాయపడతాయి, తద్వారా గుండె జబ్బుల ప్రమాదాన్ని తగ్గిస్తాయి.

నవర బియ్యాన్ని వండుకునే ముందు కనీసం ఒక గంట పాటు నానబెట్టడం మంచిది. ఇలా చేయడం వల్ల పోషకాలు మరింత మెరుగ్గా శరీరానికి అందుతాయి. డాక్టర్ సలహా మేరకు సరైన మోతాదులో దీన్ని ఆహారంలో చేర్చుకోవడం వల్ల మధుమేహాన్ని నియంత్రణలో ఉంచుకోవచ్చని వైద్యనిపుణులు సూచిస్తున్నారు.

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

ఇది కూడా చదవండి..మంచి కొలెస్ట్రాల్ ను పెంచే దానిమ్మ.. 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.