బ్రెయిన్ ఈటింగ్ అమీబా వ్యాధి లక్షణాలు ఎలా ఉంటాయి..? 

సాక్షి లైఫ్ : మెదడును తినే అమీబా వ్యాధి వ్యాధికారక శరీరంలోకి ప్రవేశించిన తర్వాత ఒకటి నుంచి తొమ్మిది రోజుల తర్వాత లక్షణాలు కనిపిస్తాయి. తలనొప్పి, జ్వరం, వికారం, వాంతులు, మెడ గట్టి పడడం, మానసిక స్థితిలో మార్పులు వంటి లక్షణాలు కనిపిస్తాయి. వ్యాధి చాలా త్వరగా తీవ్రమవుతుంది. ఆయా వ్యాధి లక్షణాలు ప్రారంభమైన 1-12 రోజులలోపు చనిపోయే ప్రమాదం ఉంది.

  ఇది కూడా చదవండి.. థైరాయిడ్ సమస్యలు ఎందుకు పెరుగుతున్నాయి..? 

ఈ వ్యాధి బారిన పడకుండా ఉండాలంటే..?  

అపరిశుభ్రమైన నీటి కొలనుల్లో స్నానం చేయకూడదు. ఈత కొలనులను బాగా క్లోరినేషన్ చేయాలి. పిల్లలు ఎక్కువగా ఈ వ్యాధి బారిన పడుతున్నారు. కాబట్టి పిల్లలు చెరువుల్లోగానీ, ఇతర గుంటల్లో గానీ దిగేటప్పుడు జాగ్రత్తగా ఉండాలి. కొలనులలో ఈత కొట్టేటప్పుడు స్విమ్మింగ్ నోస్ క్లిప్‌లను ఉపయోగించడం ద్వారా కూడా ఇన్ఫెక్షన్‌ను నివారించవచ్చు.  

అమీబా ముక్కు ద్వారా శరీరంలోకి ప్రవేశిస్తుంది కాబట్టి నీటిలో మునగకుండా ఉండాలి. ముక్కులో నీరు వెళ్లకుండా జాగ్రత్తపడాలి.  నీటిలోకి దూకినప్పుడు లేదా డైవ్ చేసినప్పుడు నీరు చాలా గట్టిగా  తాకినప్పుడు అమీబా మెదడులోకి ప్రవేశిస్తుంది. ఈ వ్యాధి పిల్లలు, యువకులలో ఎక్కువగా కనిపిస్తుంది. కాబట్టి ఈ వయస్సు ఉన్నవారిని   కొలనులు మొదలైన వాటిలోకి దిగకుండా ఉండడం ఉత్తమం.

ఇది కూడా చదవండి.. మెంటల్ హెల్త్, ఫిజికల్ హెల్త్ కు ఇవి చాలా అవసరం.. 

 
ఇలాంటి కచ్చితమైన ఆరోగ్య సమాచారాన్ని అనుభవజ్ఞులైన వైద్య నిపుణులు అందించే మరిన్ని విషయాలను గురించి మీరు తెలుసుకోవాలంటే సాక్షి లైఫ్ ను ఫాలో అవ్వండి..

ఇది కూడా చదవండి.. మందులతో పని లేకుండా బ్యాడ్ కొలెస్ట్రాల్ తగ్గేదెలా..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.