సోడియం లోపిస్తే ఎలాంటి లక్షణాలు కనిపిస్తాయంటే..? 

సాక్షి లైఫ్ : శరీరానికి కావాల్సిన సోడియం చాలా వరకు మనం రోజూ తినే ఉప్పు ద్వారానే లభిస్తుంది. శరీరంలో ఉప్పు తక్కువగా ఉన్నా లేదా ఎక్కువ అయినా ఆరోగ్యంపై ప్రతికూల ప్రభావాన్ని చూపుతుంది. శరీరంలో సోడియం తక్కువగా ఉంటే ఏమి జరుగుతుందో తెలుసా..? రోజుకు ఎంత ఉప్పు అవసరమో తెలుసా..? శరీరంలో సోడియం లోపిస్తే ఎలా గుర్తించవచ్చు..?  

ఇది కూడా చదవండి..కొత్తగా దంతాలు వచ్చిన పిల్లలకూ బ్రష్ చేయాలా..? 

తలనొప్పి.. 

నాడీ వ్యవస్థ పనిచేయడానికి సోడియం అవసరం. సోడియం స్థాయిలు తగ్గడం వల్ల తీవ్రమైన తలనొప్పి వస్తుంది. 

వికారం-వాంతులు.. 

వికారం, వాంతులు సోడియం స్థాయిలలో అసమతుల్యత ఉన్నప్పుడు అదనపు నీటిని బయటకు పంపే ప్రక్రియ సరిగా జరగదు. దీంతో  వాంతులు, వికారం కలిగే అవకాశం ఉంది. 

గందరగోళం.. 

నాడీ వ్యవస్థ దాని న్యూరాన్ల ద్వారా సందేశాలను పంపడానికి సోడియం స్థాయిలపై ఆధారపడి ఉంటుంది. శరీరంలో సోడియం తక్కువగా ఉంటే, మెదడు సందేశాన్ని అందుకోలేక మరింత గందరగోళానికి గురవుతుంది.

అలసట.. 

శరీరంలో సోడియం తక్కువగా ఉంటే, పోషకాలను అందించడానికి ,వ్యర్థాలను తొలగించే రక్తం సామర్థ్యం బలహీనపడుతుంది. దీంతో శరీరం మరింత అలసిపోయే అవకాశం ఉంది.

కండరాల బలహీనత.. 

 రక్తంలో సోడియం స్థాయిలు తక్కువగా ఉన్నప్పుడు, అదనపు లాక్టిక్ యాసిడ్ వంటి వ్యర్థ ఉత్పత్తులను కండరాలు తొలగించలేవు. ఈ అవశేషాలు శరీరంలోని వివిధ భాగాలలో నొప్పిని కలిగించే అవకాశం ఉంది.

రోజుకు ఎంత ఉప్పు అవసరం..? 

సోడియం శరీరంలో ముఖ్యమైన ఎలక్ట్రోలైట్. ఇది చాలా అవసరం. నిజానికి సోడియం కంటే ముఖ్యమైన ఖనిజం లేదు. ఇది శరీరం సహజంగా ఉత్పత్తి చేయలేని పోషకాహారం. ఒక వ్యక్తి రోజుకు 2300 మిల్లీగ్రాముల ఉప్పు కంటే ఎక్కువ తినకూడదని ప్రపంచ ఆరోగ్య సంస్థతో సహా ప్రధాన ఆరోగ్య సంస్థల లన్నీ చెబుతున్నాయి. 

ఇది కూడా చదవండి.. లివర్ సంబంధిత సమస్యలను ఎలా గుర్తించాలి..?  

ఇలాంటి కచ్చితమైన ఆరోగ్య సమాచారాన్ని అనుభవజ్ఞులైన వైద్య నిపుణులు అందించే మరిన్ని విషయాలను మీరు తెలుసుకోవాలంటే సాక్షి లైఫ్ ను ఫాలో అవ్వండి..

ఇది కూడా చదవండి.. 40 ఏళ్ల తర్వాత ప్రెగ్నెన్సీకి ప్లాన్ చేసుకోవచ్చా..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.