ఆటిజానికి జీర్ణ వ్యవస్థకు, బ్రెయిన్ కు ఏంటి లింక్..? 

సాక్షి లైఫ్ : "గట్ బ్రెయిన్ యాక్సిస్" అనే భావన ఆటిజం లక్షణాలను అర్థం చేసుకోవడంలో కీలకమైనదని పరిశోధకులు చెబుతున్నారు. "మెదడు, జీర్ణవ్యవస్థ ఆరోగ్యం, ఆటిజంతో సంబంధం ఉన్న ప్రవర్తనల మధ్య ఒక మధ్యవర్తిగా పనిచేస్తుంది," అని యూఎస్‌సీ డార్న్‌సైఫ్ కాలేజ్ ఆఫ్ లెటర్స్, ఆర్ట్స్ అండ్ సైన్సెస్‌లోని బ్రెయిన్ అండ్ క్రియేటివిటీ ఇన్‌స్టిట్యూట్‌లో ప్రొఫెసర్ అయిన లిసా అజీజ్-జాదేహ్ వివరించారు. "గత అధ్యయనాలు ఆటిజం ఉన్నవారిలో జీర్ణవ్యవస్థ బ్యాక్టీరియా, మెదడు నిర్మాణంలో తేడాలను చూపించాయి, కానీ మా పరిశోధన ఈ రెండింటికి ఉన్న సంబంధాన్ని స్పష్టం చేసింది," అని ఆమె తెలిపారు.

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

ఇది కూడా చదవండి..మంచి కొలెస్ట్రాల్ ను పెంచే దానిమ్మ.. 

ఇది కూడా చదవండి..రోజూ బెల్లం తింటే బరువు పెరుగుతారా..?

ఆటిజం ఉన్న పిల్లలలో జీర్ణవ్యవస్థలో అసమతుల్యత మెదడు సంకేతాలను అడ్డుకుని, ప్రవర్తన సమస్యలకు కారణమవుతుందని తాజా అధ్యయనంలో వెల్లడైంది. యూనివర్సిటీ ఆఫ్ సదరన్ కాలిఫోర్నియా (యూఎస్‌సీ) పరిశోధకులు జీర్ణవ్యవస్థలోని బ్యాక్టీరియా ఉత్పత్తి చేసే పదార్థాలు అంటే మెటబొలైట్స్ మెదడుపై ప్రభావం చూపిస్తాయని, ఇది ప్రవర్తనను ప్రభావితం చేస్తుందని కనుగొన్నారు. ఈ అధ్యయనం 'నేచర్ కమ్యూనికేషన్స్' జర్నల్‌లో ప్రచురితమైంది.

ఈ అధ్యయనం కోసం, 8 నుంచి17 సంవత్సరాల వయస్సు గల 43 మంది ఆటిజం ఉన్న పిల్లలు, 41 మంది ఆటిజం లేని పిల్లల నుంచి ప్రవర్తన డేటా, మెదడు ఇమేజింగ్ డేటా, మల నమూనాలను సేకరించారు. మల నమూనాల నుంచి జీర్ణవ్యవస్థలో ఆహారాన్ని విచ్ఛిన్నం చేసే బ్యాక్టీరియా ఉత్పత్తి చేసే పదార్థాలను విశ్లేషించారు. ఈ పదార్థాలను ఆటిజం ఉన్న పిల్లలలో కనిపించే మెదడు తేడాలు, వారి ప్రవర్తన లక్షణాలతో పోల్చారు.

పరిశోధకులు ప్రత్యేకంగా "ట్రిప్టోఫాన్ మార్గం"పై దృష్టి సారించారు. ట్రిప్టోఫాన్ అనేది అనేక ఆహారాలలో లభించే ఒక అమైనో ఆమ్లం, ఇది సెరోటోనిన్‌తో సహా వివిధ పదార్థాలుగా విచ్ఛిన్నమవుతుంది. సెరోటోనిన్ భావోద్వేగ నియంత్రణ, సామాజిక పరస్పర చర్యలు, నేర్చుకోవడం వంటి మెదడు విధులకు కీలకం. శరీరంలోని సెరోటోనిన్ ఎక్కువ భాగం జీర్ణవ్యవస్థలో ఉత్పత్తి అవుతుంది కాబట్టి, జీర్ణవ్యవస్థ ఆరోగ్యంలో మార్పులు సెరోటోనిన్ ఉత్పత్తిని ప్రభావితం చేస్తాయని పరిశోధకులు తెలిపారు.

"ఆటిజం ఉన్న పిల్లలు తరచూ మలబద్ధకం, కడుపు నొప్పి వంటి జీర్ణ సమస్యలను ఎదుర్కొంటారు. అదనంగా, ఆటిజం పునరావృత ప్రవర్తనలు, సామాజిక ఇబ్బందులతో సంబంధం కలిగి ఉంటుంది," అని అజీజ్-జాదేహ్ తెలిపారు.

ఈ అధ్యయనం జీర్ణవ్యవస్థ ఆరోగ్యాన్ని లక్ష్యంగా చేసుకుని మెదడు కార్యకలాపాలను, ప్రవర్తనను మెరుగుపరిచే చికిత్సల అభివృద్ధికి అవకాశం ఉంటుందని పరిశోధకులు ఆశాభావం వ్యక్తం చేస్తున్నారు. ఈ కొత్త ఆవిష్కరణ ఆటిజం ఉన్న పిల్లల జీవన నాణ్యతను మెరుగుపరచడంలో సహాయపడవచ్చని చెబుతున్నారు.

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఇది కూడా చదవండి..కిడ్నీలు పనిచేయడం లేదని ఎలా తెలుసుకోవాలి..?

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.