Best Foods : రాత్రి భోజనంలో చేర్చుకోవాల్సిన "ఆహారపదార్థాలు"..

సాక్షి లైఫ్ : రోజంతా ఎంత ఆరోగ్యకరమైన ఆహారం తీసుకున్నా.. రాత్రి పూట తినే భోజనంపైనే మన సంపూర్ణ ఆరోగ్యం ఆధారపడి ఉంటుంది. రాత్రి వేళల్లో జీర్ణక్రియ మందగిస్తుంది. అందువల్ల ఈ సమయంలో తీసుకునే ఆహారం తేలికగా, పోషకాలతో కూడి ఉండటం ఎంతో అవసరం. రాత్రి భోజనంలో ఏముండాలి..? ఏవి తీసుకోకూడదు..? నిపుణులు సూచిస్తున్న సరైన ఆహార ప్రణాళిక మీ కోసం..

ఇది కూడా చదవండి..లవ్ హార్మోన్ అంటే ఏమిటి..?

ఇది కూడా చదవండి..ఎలాంటి కొలెస్ట్రాల్ ఆరోగ్యానికి హానికరం..?

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

 ఇది కూడా చదవండి..లవ్ హార్మోన్ అంటే ఏమిటి..?

1. రాత్రి భోజనంలో చేర్చుకోవాల్సిన 'సూపర్ ఫుడ్స్'..

రాత్రి భోజనం శరీరానికి శక్తిని ఇవ్వడంతో పాటు, కండరాల పునరుద్ధరణకు (Muscle Recovery) తోడ్పడాలి. అందుకోసం పలు ఆహార పదార్థాలను మీ ప్లేట్‌లో భాగం చేసుకోండి.. నాణ్యమైన ప్రోటీన్లు..పప్పుధాన్యాలు, పనీర్, గుడ్లు, పుట్టగొడుగులు, సోయా చంక్స్ లేదా తక్కువ నూనెతో వండిన చికెన్, చేపలను ఎంచుకోవచ్చు. ఇవి కడుపును ఎక్కువ సేపు నిండుగా ఉంచి, అర్ధరాత్రి ఆకలి వేయకుండా చూస్తాయి. పీచు పదార్థాలు (Fiber)..పచ్చి కూరగాయల సలాడ్లు, దోసకాయ, క్యారెట్, బ్రోకలీ, పాలకూర, సొరకాయ వంటి కూరగాయలు జీర్ణక్రియను సులభతరం చేసి మలబద్ధకం సమస్యను నివారిస్తాయి.

సంపూర్ణ ధాన్యాలు (Complex Carbs)..తెల్లటి అన్నానికి బదులుగా జొన్న రొట్టెలు, మల్టీగ్రెయిన్ చపాతీలు, బ్రౌన్ రైస్, రాగులు లేదా ఓట్స్ వంటి తృణధాన్యాలను ఎంచుకోవడం వల్ల రక్తంలో చక్కెర స్థాయిలు అదుపులో ఉంటాయి. ఆరోగ్యకరమైన కొవ్వులు..వంటల్లో ఆలివ్ ఆయిల్ లేదా గానుగ నూనెలను మితంగా వాడాలి. అలాగే కొద్దిగా బాదం, వాల్‌నట్స్ వంటి డ్రై ఫ్రూట్స్ తీసుకోవచ్చు.

2. రాత్రి వేళ అస్సలు ముట్టకూడని ఆహారాలు..

రాత్రి పూట కొన్ని రకాల ఆహారాలకు దూరంగా ఉండకపోతే బరువు పెరగడంతో పాటు గుండె ఆరోగ్యం కూడా దెబ్బతింటుంది. దూరంగా ఉంచాల్సినవి.. ఫాస్ట్ ఫుడ్, నూనెలో వేయించిన పదార్థాలు, బేకరీ ఐటమ్స్, ప్రాసెస్ చేసిన ప్యాకేజ్డ్ ఫుడ్స్. చక్కెర, కెఫిన్ వద్దు..రాత్రి పూట స్వీట్లు, ఐస్‌క్రీమ్‌లు, కూల్ డ్రింక్స్ ,పడుకునే ముందు టీ, కాఫీలు తాగడం వల్ల నిద్ర తీవ్రంగా భంగం వాటిల్లుతుంది. భోజనం చేసిన వెంటనే పరుపుపై వాలిపోవడం అత్యంత ప్రమాదకరం. దీనివల్ల యాసిడ్ రిఫ్లక్స్, గ్యాస్, అజీర్తి సమస్యలు తలెత్తుతాయి. భోజనం ముగిశాక కనీసం 15 నిమిషాల పాటు ఇంట్లోనే నెమ్మదిగా నడవడం (Vajrasana లేదా Light Walking) ఎంతో మేలు చేస్తుంది.

3. భోజనానికి సరైన సమయం ఏది..?

ఆరోగ్య సూత్రాల ప్రకారం, రాత్రి పడుకోవడానికి కనీసం 2 నుంచి 3 గంటల ముందే డిన్నర్ పూర్తి చేయాలి. ఉదాహరణకు మీరు రాత్రి 10 గంటలకు నిద్రపోవాలనుకుంటే, 7 నుంచి 8 గంటల లోపే భోజనం ముగించడం ఉత్తమం. ఇది జీర్ణవ్యవస్థకు తగినంత విశ్రాంతిని ఇస్తుంది, అలాగే నిద్ర నాణ్యతను పెంచుతుంది. నైట్ షిఫ్ట్ చేసేవారు సైతం తమ నిద్ర సమయానికి అనుగుణంగా 3 గంటల ముందే తేలికపాటి ఆహారం తీసుకోవాలి. "రాత్రి భోజనం పేదవాడిలా తినాలి" అంటారు పెద్దలు. అంటే రాత్రి వేళల్లో ఎంత తక్కువగా, తేలికగా తింటే అంత ఆరోగ్యంగా ఉంటారు. మితమైన భోజనం, సరైన సమయం.. ఈ రెండే మీ ఫిట్‌నెస్ రహస్యాలు..!

ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..?

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

ఇది కూడా చదవండి..ఎలాంటి కొలెస్ట్రాల్ ఆరోగ్యానికి హానికరం..?

ఇది కూడా చదవండి..వేగంగా బరువు తగ్గించే ఓట్జెంపిక్ డ్రింక్ ట్రెండ్.. డైటీషియన్లు ఏమంటున్నారంటే..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.