Brain health : మీ బ్రెయిన్ కంప్యూటర్ లాగా పనిచేయాలంటే ఈ ఆహారపదార్థాలు తినండి..  

సాక్షి లైఫ్ : మీరు కూడా ఈ డిజిటల్ ప్రపంచంలో మీ మెదడును కంప్యూటర్ లాగా షార్ప్ గా చేసుకోవాలనుకుంటున్నారా..? ముఖ్యంగా జ్ఞాపకశక్తిని మెరుగుపరచు కోవాలనుకుంటున్నారా..? దృష్టిని మెరుగుపరచుకోవాలనుకుంటున్నారా..? మానసిక అలసట నుంచి ఉపశమనం పొందాలనుకుంటున్నారా? అయితే ఇవన్నిటికీ ఒకటే సమాధానం.. ఒమేగా-3 కొవ్వు ఆమ్లాలు ఎక్కువగా కలిగిన ఆహారపదార్థాలు తీసుకోవాలి.. 

ఇది కూడా చదవండి..Weight loss : బరువు తగ్గడం కోసం 'ఫేక్ ఫాస్టింగ్' ఉపయోగపడుతుందా..?

ఇది కూడా చదవండి..ఒత్తిడిని ఫుడ్ చేంజెస్ చేయడం ద్వారా తగ్గించవచ్చా..? 

ఇది కూడా చదవండి..నోటి దుర్వాసనను తగ్గించే చిట్కాలు 

ఇది కూడా చదవండి.. టాటూ వేయించుకున్న వాళ్లు రక్తదానంచేయకూడదా..? 

ఒమేగా-3 కొవ్వు ఆమ్లాలు మెదడుకు సూపర్‌ఫుడ్‌గా పనిచేస్తాయి. అవి మెదడు కణాలను బలోపేతం చేయడమేకాకుండా, మెదడు పనితీరును మెరుగుపరుస్తాయి. అంతేకాదు మానసిక అనారోగ్యాలతో పోరాడటానికి సహాయపడతాయి. ఒమేగా-3 సమృద్ధిగా ఉండే  అద్భుతమైన ఆహారపదార్థాలను గురించి ఇప్పుడు తెలుసుకుందాం.. 

అవిసె గింజలు..

 అవిసె గింజలు ఒమేగా-3కి అద్భుతమైన మూలం. వీటిలో శరీరానికి అవసరమైన ఆల్ఫా-లినోలెనిక్ ఆమ్లం (ALA) పుష్కలంగా ఉంటుంది.పెరుగు, స్మూతీలు లేదా సలాడ్‌లతో కలిపిన అవిసె గింజల పొడిని తినడం ద్వారా గుండె, మెదడు రెండింటికీ ఎంతో ఆరోగ్యం.

చియా సీడ్స్..  

ఇవి చూడడానికి చిన్నగా కనిపిస్తాయి కానీ పోషకాహారానికి శక్తివంతమైనవిగా భావిస్తారు. ఫైబర్, ప్రోటీన్, ఒమేగా-3 కొవ్వు ఆమ్లాలు చియా సీడ్స్ లో సమృద్ధిగా ఉంటాయి. అవి మనస్సును ప్రశాంతపరచడానికి, దృష్టిని మెరుగుపరచడానికి, మానసిక ఒత్తిడిని తగ్గించడానికి కూడా సహాయపడతాయి. మీరు వాటిని నీటిలో నానబెట్టి లేదా ఓట్స్‌తో తినవచ్చు.

చేప.. 

 సాల్మన్, మాకేరెల్ లేదా ట్యూనా వంటి కొవ్వు చేపల్లో ఒమేగా-3 ఎక్కువగా ఉంటుంది. డోకోసాహెక్సానోయిక్ యాసిడ్ (DHA) ఐకోసాపెంటానోయిక్ యాసిడ్(EPA) అనేవి కణాల నిర్మాణం, మెదడు పనితీరు, దృష్టి గుండె ఆరోగ్యం కోసం అవసరమైన కీలకమైన ఒమేగా-3 కొవ్వు ఆమ్లాలు. ఇవి మెదడు ఆరోగ్యాన్ని ప్రత్యక్షంగా ప్రభావితం చేస్తాయి. చేపలను క్రమం తప్పకుండా తీసుకోవడం వల్ల మెదడులో రక్త ప్రసరణ సాఫీగా జరిగి, బ్రెయిన్ షార్ప్ గా పనిచేస్తుంది.

సోయాబీన్స్, టోఫు.. 

సోయాబీన్స్ ఒమేగా-3 కొవ్వు ఆమ్లాలకు కూడా మంచి మూలం. అవి మెదడు కణాలను బలోపేతం చేయడానికి, జ్ఞాపకశక్తిని మెరుగుపరచడంలో సహాయపడతాయి. రోజువారీ ఆహారంలో సోయాబీన్‌లను కూరగాయలుగా లేదా టోఫు (సోయా చీజ్)గా చేర్చుకోవచ్చు.

వాల్‌నట్స్.. 

వాల్‌నట్స్ మెదడు ఆకారంలో ఉంటాయి. మీ మెదడుకు నిజంగా ప్రయోజనకరంగా ఉంటాయి. వాటిలో ఒమేగా-3లు, యాంటీఆక్సిడెంట్లు, విటమిన్ "ఇ"పుష్కలంగా ఉంటాయి. ఇవి నాడీ కణాలను చురుగ్గా ఉంచడంలో సహాయపడతాయి. ప్రతిరోజూ 2 నుంచి 3 వాల్‌నట్స్ తినడం వల్ల మెదడు పనితీరు మెరుగై జ్ఞాపకశక్తి పెరుగుతుంది. ఇలాంటి ఆహారాలను రోజువారీ ఆహారంలో చేర్చుకోవడం ద్వారా, మీరు మీ మెదడును షార్ప్ గా ఉంచుకోవచ్చు.

ఇది కూడా చదవండి..Prediabetes : ప్రీడయాబెటిస్‌ కు గుండె జబ్బుల ప్రమాదానికి లింక్ ఏంటి..?

ఇది కూడా చదవండి..Shock for Tattoo Lovers..! టాటూస్ తో 29శాతం స్కిన్ క్యాన్సర్ ముప్పు..

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి..మీరు ఆరోగ్యంగా బరువు తగ్గాలంటే..? 

గమనిక: ఇది కేవలం సమాచారంగా మాత్రమే భావించండి. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.