Night Eating Syndrome : అర్ధరాత్రిళ్లు ఆకలి దంచేస్తోందా..? అది 'నైట్ ఈటింగ్ సిండ్రోమ్' కావొచ్చు.. జాగ్రత్త..!

సాక్షి లైఫ్ : రాత్రి హాయిగా నిద్రపోయిన కొన్ని గంటల తర్వాత హఠాత్తుగా ఆకలి వేస్తోందా? అప్పుడప్పుడూ ఇలా జరగడం సహజమే. కానీ, తరచూ అర్ధరాత్రి ఆకలితో మెలకువ రావడం, ఏదైనా తింటే తప్ప తిరిగి నిద్ర పట్టకపోవడం లాంటివి జరుగుతుంటే మాత్రం దాన్ని తేలిగ్గా తీసుకోకూడదు. ఇది 'నైట్ ఈటింగ్ సిండ్రోమ్' (Night Eating Syndrome) కు సంకేతం కావొచ్చని ఆరోగ్య నిపుణులు హెచ్చరిస్తున్నారు. మీ నిద్రను, దైనందిన జీవితాన్ని దెబ్బతీసే ఈ సమస్య ఎందుకు వస్తుంది..? దీని నుంచి ఎలా బయటపడాలో తెలుసుకుందాం..

ఇది కూడా చదవండి..కాలేయ ఆరోగ్యాన్ని నిర్లక్ష్యం చేస్తున్నారా..? మౌనంగా పెరుగుతున్న ఈ వ్యాధి గురించి తెలుసా..?

ఇది కూడా చదవండి..లవ్ హార్మోన్ అంటే ఏమిటి..?

ఇది కూడా చదవండి..రోజూ బెల్లం తింటే బరువు పెరుగుతారా..? 

ఇది కూడా చదవండి..Don’t Ignore Fever : సాధారణ జ్వరమే కదా అని నిర్లక్ష్యం చేస్తే ప్రాణాలకే ముప్పు..! ఈ 5 లక్షణాలపై అవగాహన అవసరం.. 

అర్ధరాత్రి ఆకలికి ప్రధాన కారణాలు..

పగటిపూట సరిగ్గా తినకపోవడం.. బరువు తగ్గాలనే ఉద్దేశంతో డైటింగ్ పేరుతో కొందరు పగటిపూట భోజనం మానేయడం లేదా చాలా తక్కువగా తినడం చేస్తుంటారు. దీనివల్ల శరీరానికి తగినంత శక్తి అందక, అర్ధరాత్రి వేళల్లో విపరీతమైన ఆకలి వేస్తుంది.

ఒత్తిడి, ఆందోళన..

 నిరంతర మానసిక ఒత్తిడి మన ఆహారపు అలవాట్లపై తీవ్ర ప్రభావం చూపుతుంది. ఒత్తిడికి గురైనప్పుడు కొందరిలో రాత్రివేళల్లో విపరీతంగా ఏదైనా తినాలనే కోరిక అంటే ఎమోషనల్ ఈటింగ్ పెరుగుతుంది.

నిద్రలేమి, వేళాపాళా లేని నిద్ర: రోజూ వేర్వేరు సమయాల్లో నిద్రపోవడం, అర్ధరాత్రి దాటే వరకు మెలకువగా ఉండటం వల్ల శరీర జీవక్రియల గడియారం (body's biological clock) దెబ్బతింటుంది. ఇది నేరుగా మన ఆకలిని, నిద్రను ప్రభావితం చేస్తుంది.

ఇది వ్యాధి అని ఎలా గుర్తించాలి..?

వారంలో చాలాసార్లు అర్ధరాత్రి నిద్రలేచి తినడం, రాత్రి భోజనం చేసినప్పటికీ మళ్లీ కడుపు నిండా తినాలనిపించడం, కడుపులో ఏదైనా పడితేనే మళ్లీ నిద్ర పడుతుందనే భావన కలగడం వంటివి 'నైట్ ఈటింగ్ సిండ్రోమ్' ముఖ్య లక్షణాలు. అప్పుడప్పుడూ ఆకలి వేయడాన్ని ఈ సిండ్రోమ్‌గా పరిగణించలేం.

ఈ సమస్య నుంచి బయటపడాలంటే..?

సమతుల్య ఆహారం..

పగటిపూట ఎట్టి పరిస్థితుల్లోనూ భోజనం మానేయకూడదు. మీ ఆహారంలో ప్రొటీన్లు, ఫైబర్, పండ్లు, కూరగాయలు తగిన మోతాదులో ఉండేలా చూసుకోవాలి. రాత్రి భోజనం మరీ తక్కువగా కాకుండా, శరీరానికి సరిపడా తీసుకోవాలి.

నిద్ర..

రోజూ ఒకే సమయానికి నిద్రపోవడం, ఉదయం ఒకే సమయానికి నిద్రలేవడం అలవాటు చేసుకోవాలి. పడుకునే ముందు మొబైల్ వాడకాన్ని కచ్చితంగా కట్టడి చేయాలి.

ఒత్తిడికి చెక్..

 మానసిక ప్రశాంతత కోసం రోజూ యోగా, ధ్యానం, లేదా తేలికపాటి వ్యాయామాలు చేయాలి. మీకు ఇష్టమైన వ్యాపకాల్లో సమయం గడపడం ద్వారా ఒత్తిడిని జయించవచ్చు.

ఇది కూడా చదవండి.. ఎసిడిటీని అంతమొందించే ఇంటి చిట్కాలు..  

ఇది కూడా చదవండి.. రసాయనాలతో పండిన పుచ్చకాయను ఎలా కనుక్కోవచ్చు..

ఇది కూడా చదవండి..  షుగర్ ఉన్నవాళ్లు పైనాపిల్ తినకూడదా..? 

గమనిక: ఇది కేవలం సమాచారంగా మాత్రమే భావించండి..ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.