Gas Trouble : గ్యాస్ సమస్య అనుకుని నిర్లక్ష్యంచేస్తున్నారా..? ప్రాణాంతక క్యాన్సర్‌గా మారే ప్రమాదం ఇది జాగ్రత్త..!

సాక్షి లైఫ్ : అజీర్ణం, కడుపు ఉబ్బరం, గుండెమంట, కడుపు నొప్పి.. నేటి కాలంలో ప్రతి ఒక్కరినీ వేధించే సాధారణ సమస్యలివి. అయితే, తరచూ వచ్చే ఇలాంటి జీర్ణకోశ ఇబ్బందులను కేవలం ‘గ్యాస్’ లేదా ‘ఎసిడిటీ’ అని సరిపెట్టుకుని సొంత వైద్యం చేసుకోవడం ఎంత ప్రమాదకరమో హెచ్చరించే సంఘటన ఒకటి వెలుగులోకి వచ్చింది. బ్రిటన్‌కు చెందిన లూసీ డ్రైవర్ అనే మహిళ కథ ఇప్పుడు ప్యాంక్రియాటిక్ క్యాన్సర్ (pancreatic cancer) పట్ల ప్రతి ఒక్కరూ అప్రమత్తంగా ఉండాలని గుర్తుచేస్తోంది.

ఇది కూడా చదవండి..Vitamin B12 and Vitamin B9 Deficiency : భారతీయుల్లో వేగంగా పెరుగుతున్న విటమిన్ ‘బి12’, ‘విటమిన్ బి9’ లోపాలు..! కారణాలు ఏమిటంటే..? 

 ఇది కూడా చదవండి..Signs of Diabetes : చాలామంది పట్టించుకోని మధుమేహం ముందస్తు హెచ్చరికలు ఇవే..!

ఇది కూడా చదవండి.. తినే ఆహారానికి, అనారోగ్య సమస్యలకు లింక్ ఏంటి..? 

 ఇది కూడా చదవండి.. శరీరంలో ప్లేట్‌లెట్స్‌ కౌంట్‌ ఎంత ఉండాలి..? 

గ్యాస్ సమస్య అనుకుంటే.. క్యాన్సర్ అని తేలింది..!

యూకే మీడియా నివేదికల ప్రకారం.. 57 ఏళ్ల లూసీ డ్రైవర్ గతంలో రొమ్ము క్యాన్సర్ (Breast Cancer) బారిన పడి, విజయవంతంగా కోలుకున్నారు. అయితే, 2022 మే నెల నుంచి ఆమెకు తరచూ పైపొట్టలో, ఛాతీలో మంట, విపరీతమైన కడుపు నొప్పి రావడం ప్రారంభమైంది. మసాలా ఆహారాలు అస్సలు జీర్ణం కాకపోయేవి. గతంలో క్యాన్సర్ తగ్గినందున, ఇది సాధారణ అజీర్ణం లేదా ప్యాంక్రియాటైటిస్ (క్లోమగ్రంథి వాపు) అయి ఉంటుందని ఆమె భావించారు.

కానీ, సమస్య తీవ్రమవడంతో చేసిన రక్త పరీక్షలు తదుపరి స్కానింగ్‌లో ఆమెకు 'స్టేజ్-2 ప్యాంక్రియాటిక్ క్యాన్సర్' ఉన్నట్లు నిర్ధారణ అయింది. సాధారణ కడుపు నొప్పే కదా అని ప్రాథమిక దశలోనే గుర్తించకపోవడంతో, ఆ ప్రాణాంతక వ్యాధి చివరికి ఆమెను బలితీసుకుంది. "ఆ చిన్నపాటి కడుపు నొప్పులను తేలికగా తీసుకోకుండా, సకాలంలో సరైన పరీక్షలు చేయించి ఉంటే నా భార్య ఈ రోజు బతికే ఉండేదేమో" అని ఆమె భర్త జాసన్ తీవ్ర ఆవేదన వ్యక్తం చేశారు.

నిశ్శబ్దంగా విస్తరించే క్లోమగ్రంథి క్యాన్సర్..

ప్రపంచవ్యాప్తంగా అత్యంత వేగంగా విస్తరిస్తున్న క్యాన్సర్లలో ప్యాంక్రియాటిక్ క్యాన్సర్ 12వ స్థానంలో ఉంది. ప్రతి ఏటా దాదాపు 5.10 లక్షల కొత్త కేసులు నమోదవుతుండగా, 4.67 లక్షల మంది దీనివల్ల మరణిస్తున్నారు. సకాలంలో గుర్తించకపోవడం వల్లే ఇందులో మరణాల రేటు ఎక్కువగా ఉంటోందని వైద్యులు చెప్తున్నారు.

పొత్తికడుపు వెనుక భాగంలో ఉండే క్లోమగ్రంథి (ప్యాంక్రియాస్).. ఆహార జీర్ణక్రియకు అవసరమైన ఎంజైమ్‌లను, రక్తంలో చక్కెరను నియంత్రించే ఇన్సులిన్ వంటి హార్మోన్లను ఉత్పత్తి చేస్తుంది. ఈ భాగంలో క్యాన్సర్ కణాలు చేరినప్పుడు, ప్రారంభ దశలో ఎలాంటి స్పష్టమైన లక్షణాలు కనిపించవు. వ్యాధి ముదిరి ఇతర అవయవాలకు పాకే వరకు దీని తీవ్రత బయటపడదు.

ఈ సంకేతాలను నిర్లక్ష్యం చేయకండి..!

సాధారణ గ్యాస్ నొప్పులకు, క్లోమగ్రంథి సమస్యలకు తేడాను గమనించడం ముఖ్యం. పలు లక్షణాలు సుదీర్ఘకాలంగా వేధిస్తుంటే వెంటనే వైద్యులను సంప్రదించాలి:

నడుముకు పాకే నొప్పి..పొట్ట పైభాగంలో మొదలై, క్రమంగా పక్కలకు లేదా వీపు భాగానికి పాకే నిరంతర కడుపు నొప్పి. కారణం లేకుండా బరువు తగ్గడం.. ఆకలి మందగించడం, ఆహారం సరిగ్గా తీసుకోకపోయినా బరువు వేగంగా తగ్గిపోవడం.

కామెర్లు (Jaundice).. కళ్లు, చర్మం పసుపు రంగులోకి మారడం. పదేపదే కామెర్ల లక్షణాలు కనిపించడం. మల, మూత్రాలలో మార్పులు.. ముదురు రంగులో మూత్రం రావడం, లేత బూడిద రంగులో మలం వెళ్లడం.చర్మంపై దురద.. ఒంటిపై ఎటువంటి అలర్జీ లేకపోయినా విపరీతమైన దురద రావడం. రక్తం గడ్డకట్టడం..కాళ్లు లేదా చేతుల్లో నొప్పితో కూడిన వాపులు రావడం (రక్తనాళాల్లో రక్తం గడ్డకట్టడం వల్ల).

ఒకసారి క్యాన్సర్ నయమైన రోగులలో భవిష్యత్తులో రెండోసారి ఇతర క్యాన్సర్లు వచ్చే ముప్పు ఎక్కువగా ఉంటుంది. కాబట్టి, ఏ చిన్న శారీరక మార్పు కనిపించినా నిర్లక్ష్యం చేయకూడదు. సాధారణ గ్యాస్ టాబ్లెట్లు వాడినా కడుపు నొప్పి లేదా అజీర్ణం తగ్గకపోతే, వెంటనే గ్యాస్ట్రోఎంటరాలజిస్ట్‌ను సంప్రదించి అవసరమైన పరీక్షలు చేయించుకోవడమే సురక్షితం. వ్యాధిని ముందే గుర్తిస్తే చికిత్స సులువవుతుంది.

ఇది కూడా చదవండి.. టీబీని సకాలంలో గుర్తించకపోతే ఏమౌతుంది..? 

ఇది కూడా చదవండి.. తినే ఆహారానికి, అనారోగ్య సమస్యలకు లింక్ ఏంటి..? 

 ఇది కూడా చదవండి.. శరీరంలో ప్లేట్‌లెట్స్‌ కౌంట్‌ ఎంత ఉండాలి..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.