Protein : వయసు పెరిగేకొద్దీ ప్రొటీన్ తప్పనిసరి.. ఖర్చు లేకుండా ఇలా పెంచుకోండి..

సాక్షి లైఫ్ : పోషకాలు సరిగాలేకపోతే శరీరంలో పలురకాల లోపాలు తలెత్తుతాయి. ముఖ్యంగా వయసు పైబడే కొద్దీ శరీరంలో కండరాల శక్తి క్రమంగా తగ్గుతుంది. దీనివల్ల నీరసం, నడకలో ఇబ్బంది, తరచూ అనారోగ్యం వంటి సమస్యలు మొదలవుతాయి. వీటిని అడ్డుకోవాలంటే రోజువారీ ఆహారంలో తగినంత ప్రొటీన్ ఉండేలా చూసుకోవడం ఎంతో ముఖ్యం. అయితే దీని కోసం ఖరీదైన పదార్థాల వైపు చూడాల్సిన పనిలేదని, ఇంట్లో రోజూ తినే వంటకాల్లోనే చిన్న మార్పులు చేస్తే సరిపోతుందని పోషకాహార నిపుణులు సూచిస్తున్నారు.

ఇది కూడా చదవండి..గుండె నొప్పిని ఎలా గుర్తించవచ్చు..?

ఇది కూడా చదవండి..కొరియన్ డైట్ తో వేగంగా బరువు తగ్గడం ఎలా..?  

ఇది కూడా చదవండి..బ్లడ్ క్యాన్సర్‌లో ఎన్ని రకాలు ఉన్నాయి..?

కండరాలకు ప్రొటీన్ ఎందుకు కీలకం..?

ప్రొటీన్ శరీర కణాల నిర్మాణానికి, కండరాల మరమ్మతుకు, రోగనిరోధక శక్తికి తోడ్పడుతుంది. వృద్ధాప్యంలో కండర ద్రవ్యరాశి తగ్గిపోకుండా కాపాడుకోవడానికి ఇది అత్యవసరం. తగినంత ప్రొటీన్ తీసుకుంటే శరీరంలో శక్తి నిలిచి, రోజువారీ పనులు సులభంగా చేసుకోగలుగుతారు. కింద పడిపోయే ప్రమాదం కూడా తగ్గుతుంది.

అల్పాహారంలో చిన్న మార్పులు.. 

చాలామంది ఉదయం పోహా తింటుంటారు. అందులో ఉడికించిన పప్పు, పనీర్ ముక్కలు లేదా వేయించిన వేరుశెనగలు కలిపితే ప్రొటీన్ శాతం పెరుగుతుంది. రుచి కూడా మెరుగవుతుంది. ఇలాంటి చిన్న జోడింపులతో అదే వంటకం మరింత పోషకభరితంగా మారుతుంది.

టీ సమయంలో స్నాక్స్.. 

టీతో పాటు బిస్కెట్లు తినడం చాలామందికి అలవాటు. వాటికి బదులు వేయించిన శనగలు తీసుకుంటే మంచిది. బిస్కెట్లలో చక్కెర, పిండి పదార్థాలు ఎక్కువగా ఉంటాయి. శనగల్లో మాత్రం ప్రొటీన్, పీచు పదార్థాలు లభిస్తాయి. ఇవి కడుపు నిండిన భావన కలిగించి, అనవసర చిరుతిళ్లను తగ్గిస్తాయి.

మధ్యాహ్న, సాయంత్రం భోజనాలు..

మధ్యాహ్న భోజనంలో చికెన్ లేదా పనీర్ వంటకాలను చేర్చు కోవచ్చు. శాకాహారులకు పనీర్, మాంసాహారులకు చికెన్ మంచి ఎంపికలు. సాయంత్రం వేళ ఉడికించిన గుడ్డు లేదా శనగపిండితో చేసిన దోశ తీసుకోవచ్చు. ఇవి తేలికగా జీర్ణమవుతూ, తగినంత ప్రొటీన్‌ను అందిస్తాయి.

కిచిడీని ఇలా మార్చండి.. 

కిచిడీ తయారీలో బియ్యం పరిమాణాన్ని తగ్గించి, పప్పులు, గింజలు, కూరగాయలను ఎక్కువగా వేయాలని నిపుణులు చెబుతున్నారు. దీనివల్ల పిండి పదార్థాలు తగ్గి, ప్రొటీన్, పీచు, విటమిన్లు పెరుగుతాయి. ఇది వృద్ధులకు సులభంగా తినదగిన, పోషకాలున్న ఆహారం.

రోజుకు ఎంత అవసరం..?

ఇలాంటి సాధారణ మార్పులను పాటిస్తే రోజువారీ ప్రొటీన్ తీసుకోవడం సుమారు 80 గ్రాముల వరకు పెరిగే అవకాశం ఉందని నిపుణులు అంటున్నారు. అదనపు ఖర్చు లేకుండానే ఆహార నాణ్యతను పెంచుకోవచ్చు.

ఎవరు జాగ్రత్త వహించాలి..?

అందరికీ ఒకే విధానం సరిపోదు. కిడ్నీ సంబంధిత వ్యాధులు ఉన్నవారు, కడుపు సమస్యలతో బాధపడేవారు ప్రొటీన్ మోతాదు పెంచే ముందు తప్పనిసరిగా వైద్యుడిని సంప్రదించాలి. ఆరోగ్య పరిస్థితికి తగినట్లుగా ఆహార ప్రణాళిక రూపొందించుకోవడం సురక్షితం. 

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఇది కూడా చదవండి..మార్నింగ్ వాక్ చేసేటపుడు ఈ ఆరు విషయాలు గుర్తుంచుకోండి..ఎందుకంటే..?

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

గమనిక: ఇది కేవలంసమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..