Cryotherapy : వెన్నునొప్పి బాధితులకు‘క్రయోథెరపీ’తో పర్ఫెక్ట్ సొల్యూషన్..!

సాక్షి లైఫ్ : తీవ్రమైన వెన్నునొప్పి, వెన్నెముక బిగుసుకుపోవడం వంటి లక్షణాలతో ఇబ్బంది పెట్టే 'యాంకైలోజింగ్ స్పాండిలైటిస్' (AS) బాధితులకు సరికొత్త చికిత్స విధానం ఆశాజనకంగా కనిపిస్తోంది. సాధారణంగా వాడే మందులతో పాటు 'హోల్ బాడీ క్రయోథెరపీ' (WBC)ని అనుబంధ చికిత్సగా అందించడం వల్ల మెరుగైన ఫలితాలు వస్తున్నట్లు తాజా పరిశోధనలో వెల్లడైంది.

ఇది కూడా చదవండి..డిప్రెషన్ ఉన్న వారిలో ఎలాంటి మార్పులు కనిపిస్తాయి..?

ఇది కూడా చదవండి..Weight loss : బరువు తగ్గడం కోసం 'ఫేక్ ఫాస్టింగ్' ఉపయోగపడుతుందా..?

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

క్రయోథెరపీ అంటే..?

అత్యల్ప ఉష్ణోగ్రతల వద్ద (సుమారు -10°C నుంచి -60°C వరకు) అతి తక్కువ సమయం పాటు 80 సెకన్ల నుంచి 3 నిమిషాలు శరీరాన్ని ఉంచడాన్నే 'హోల్ బాడీ క్రయోథెరపీ' అంటారు. ఇది శరీరంలోని వాపును తగ్గించడమే కాకుండా, నొప్పి నుంచి ఉపశమనం కలిగిస్తుందని పరిశోధకులు గుర్తించారు.

పరిశోధనలోని ముఖ్యాంశాలు..

310 మంది రోగులపై జరిపిన 5 విభిన్న అధ్యయనాలను విశ్లేషించగా.. ఈ థెరపీ ద్వారా వెన్నునొప్పి తీవ్రత గణనీయంగా తగ్గినట్లు తేలింది. వెన్నెముక కదలికలు మెరుగుపడటంతో పాటు, రోగులు తమ రోజువారీ పనులను మరింత సులభంగా చేసుకోగలుగుతున్నారు. వ్యాధి తీవ్రతలో మార్పు: బాత్ యాంకైలోజింగ్ స్పాండిలైటిస్ డిసీజ్ యాక్టివిటీ ఇండెక్స్ (BASDAI) వంటి ప్రమాణాల ప్రకారం వ్యాధి తీవ్రత తగ్గుముఖం పట్టినట్లు స్పష్టమైంది.

ఈ థెరపీ వల్ల నొప్పి, కదలికల్లో మార్పు వచ్చినప్పటికీ.. రక్తంలోని సిరియాక్టివ్ ప్రోటీన్ (CRP) వంటి ఇన్ఫ్లమేటరీ మార్కర్లపై ఇది పెద్దగా ప్రభావం చూపలేదని శాస్త్రవేత్తలు పేర్కొన్నారు. అంటే, ఇది నొప్పిని తగ్గించడంలో తోడ్పడినప్పటికీ, శరీరంలోని అంతర్గత వాపును తగ్గించే విషయంలో మరిన్ని పరిశోధనలు జరగాల్సి ఉంది. మందులతో పాటు ఈ సహజ సిద్ధమైన చికిత్సను జోడించడం వల్ల రోగుల జీవన ప్రమాణాలు మెరుగుపడతాయని నిపుణులు అభిప్రాయపడుతున్నారు. అయితే, దీనిని క్లినికల్ విధానంలో పూర్తిగా ప్రవేశపెట్టే ముందు మరింత లోతైన అధ్యయనాలు అవసరమని పరిశోధక బృందం సూచించింది.

ఇది కూడా చదవండి.. ఎసిడిటీని అంతమొందించే ఇంటి చిట్కాలు..  

ఇది కూడా చదవండి.. రసాయనాలతో పండిన పుచ్చకాయను ఎలా కనుక్కోవచ్చు..

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..?  

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.