Liver Damage : కాలేయం దెబ్బతింటోందని తెలిపే హెచ్చరికల గురించి మీకు తెలుసా..?
సాక్షి లైఫ్ : జీర్ణక్రియ, పోషకాల నిల్వ, రక్తంలోని వ్యర్థాలను తొలగించడం, కొవ్వులను కరిగించేందుకు అవసరమైన పైత్యరసాన్ని (Bile) ఉత్పత్తి చేయడం వంటి కీలక విధులను కాలేయం (Liver) నిర్వర్తిస్తుంది. అయితే మారిన జీవనశైలి, అసమతుల్య ఆహారపు అలవాట్ల వల్ల నేడు యువతలోనూ ఫ్యాటీ లివర్, హెపటైటిస్, లివర్ సిర్రోసిస్ వంటి సమస్యలు తీవ్రమవుతున్నాయి. కాలేయ వ్యాధులు (Liver diseases) ఆరంభంలో ఎలాంటి ప్రత్యేక లక్షణాలను చూపించకుండా గుట్టుచప్పుడు కాకుండా ముదురుతుంటాయి. అందుకే శరీరం ఇచ్చే కొన్ని ముందస్తు సంకేతాలపై అప్రమత్తంగా ఉండాలని నిపుణులు సూచిస్తున్నారు.
ఇది కూడా చదవండి..డిప్రెషన్ ఉన్న వారిలో ఎలాంటి మార్పులు కనిపిస్తాయి..?
ఇది కూడా చదవండి..మార్నింగ్ వాక్ చేసేటపుడు ఈ ఆరు విషయాలు గుర్తుంచుకోండి..ఎందుకంటే..?
ఇది కూడా చదవండి..గుండె నొప్పిని ఎలా గుర్తించవచ్చు..?
శరీరంలో కనిపించే ముఖ్య హెచ్చరికలు..
నిరంతర అలసట, నీరసం..రాత్రివేళ సరిపడా నిద్రపోయినా పగటిపూట విపరీతమైన నీరసం, అలసట వేధిస్తుంటే నిర్లక్ష్యం చేయకూడదు. కాలేయం సరిగ్గా పనిచేయకపోతే శరీరంలో ఇన్సులిన్ నిరోధకత పెరిగి, ఆహారం శక్తిగా మారే ప్రక్రియ మందగిస్తుంది. కళ్లు, చర్మం పసుపు రంగులోకి మారడం..కంటిలోని తెల్లగుడ్డు, చర్మం పసుపు వర్ణంలోకి మారుతుంటే అది రక్తంలో 'బిలిరుబిన్' స్థాయిలు పెరిగినట్లు సంకేతం (jaundice). బిలిరుబిన్‌ను కాలేయం ఫిల్టర్ చేయలేనప్పుడు లేదా పైత్యరస వాహికల్లో అడ్డంకులు ఏర్పడినప్పుడు ఈ సమస్య కనిపిస్తుంది.
పొత్తికడుపులో నొప్పి, వాపు.. పొట్ట కుడివైపు పైభాగంలో విపరీతమైన నొప్పి లేదా బరువుగా అనిపించడం లివర్ వాపునకు సంకేతం కావచ్చు. సమస్య ముదిరితే పొట్టలో ద్రవాలు చేరి విపరీతమైన ఉబ్బు (Ascites) ఏర్పడుతుంది. జీర్ణ సమస్యలు - ఆకలి మందగించడం.. కాలేయం విడుదల చేసే బైల్ పరిమాణం తగ్గితే కొవ్వులు సరిగ్గా జీర్ణం కావు. ఫలితంగా అజీర్ణం, ఎక్కిళ్ళు, తరచూ వికారం, వాంతులు, ఆకలి పూర్తిగా తగ్గిపోవడం వంటివి ఎదురవుతాయి.
నిర్ధారణకు ఎలాంటి పరీక్షలు అవసరం..?
లక్షణాలు అనుమానాస్పదంగా ఉంటే ఆలస్యం చేయకుండా వైద్యులను సంప్రదించాలి. లివర్ ఫంక్షన్ టెస్ట్ (LFT).. రక్తంలో బిలిరుబిన్, ఆల్బుమిన్, ఎంజైమ్‌ల (SGOT, SGPT) స్థాయిలను అంచనా వేసి కాలేయం పనితీరును, వాపును గుర్తిస్తారు. అల్ట్రాసౌండ్ స్కాన్..పొట్ట అల్ట్రాసౌండ్ స్కానింగ్ ద్వారా కాలేయం పరిమాణం పెరిగిందా, కొవ్వు పేరుకుపోయిందా (fatty liver), లేదా సిర్రోసిస్ వంటి మార్పులు వచ్చాయా అనేది స్పష్టంగా తెలుస్తుంది.
జీవనశైలిలో మార్పులు, సమతుల్య ఆహారం, పరిమిత బరువు, క్రమం తప్పకుండా వ్యాయామం చేయడం ద్వారా కాలేయాన్ని ఆరోగ్యంగా ఉంచుకోవచ్చు.
ఇది కూడా చదవండి.. మీరు ఆరోగ్యంగా బరువు తగ్గాలంటే..?
ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..?
ఇది కూడా చదవండి..కొరియన్ డైట్ తో వేగంగా బరువు తగ్గడం ఎలా..?
గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.
