Prevent dental problems : దంత సమస్యలు రాకుండా సరైన పరిష్కార మార్గాలు.. 

సాక్షి లైఫ్ : మన చిరునవ్వు ముఖ సౌందర్యాన్ని పెంచడమే కాకుండా ఆత్మవిశ్వాసం, వ్యక్తిత్వాన్ని కూడా పెంచుతుంది. ఆరోగ్యకరమైన, బలమైన దంతాలు నమలడం, మాట్లాడటం, జీర్ణక్రియను సులభతరం చేయడంలో కీలక పాత్ర వహిస్తాయి. అయితే, ఒక్కోసారి దంత సంరక్షణ పరంగా తగిన జాగ్రత్తలు తీసుకోకపోతే పుచ్చుదంతాలు, చిగుళ్ల వాపు, బలహీనపడటం, దంతాలు పసుపు రంగులోకి మారడం వంటి అనేక నోటి సమస్యలు తలెత్తుతాయి.

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..?

ఇది కూడా చదవండి..ఒక వ్యక్తికి రోజుకి ఎన్ని కేలరీస్ అవసరం..? 

ఇది కూడా చదవండి..సిండ్రోమ్ Xకు ప్రారంభ దశలో ఎలాంటి చికిత్సను అందిస్తారు..?

అయితే, ఈ సమస్యలను నివారించడానికి బ్రష్ చేయడం మాత్రమే సరిపోదు. సరైన దంత సంరక్షణ కోసం, కొన్ని ఆరోగ్యకరమైన అలవాట్లను అలవర్చుకోవడం చాలాముఖ్యం. మీ జీవితాంతం మీ దంతాలను ఆరోగ్యంగా ఉంచడంలో సహాయపడే కొన్ని ఆరోగ్యకరమైన అలవాట్ల గురించి ఇప్పుడు తెలుసుకుందాం.. 

మీ దంతాలను ఎలా సరిగ్గా చూసుకోవాలి..?

రోజుకు రెండుసార్లు బ్రష్ చేయాలి.. ఉదయం, పడుకునే ముందు ముందుగా బ్రష్ చేయాలి. రాత్రి పూట పళ్ళు తోముకోకుండా పడుకోవడం వల్ల బ్యాక్టీరియా పెరుగుదలను ప్రోత్సహిస్తుంది. కావిటీస్ ప్రమాదం పెరుగుతుంది.

సరైన టెక్నిక్ .. 2 నుంచి 3 నిమిషాలు వృత్తాకార కదలికలలో సున్నితంగా బ్రష్ చేయాలి. మరీ ఎక్కువగా బ్రష్ చేయడం వల్ల, గట్టి బ్రష్‌ను ఉపయోగించడం వల్ల దంతాల ఎనామిల్, చిగుళ్ళు దెబ్బతింటాయి.

రోజువారీ ఫ్లాసింగ్ దంతాల మధ్య చిక్కుకున్న మురికిని తొలగిస్తుంది, దంతాలని ఒక్కొక్కటిగా బ్రష్ చేయడం వల్ల తొలగించలేము. ఇది చిగుళ్ల ఆరోగ్యానికి కూడా ప్రయోజనకరంగా ఉంటుంది.

మౌత్ వాష్ ఉపయోగించాలి.. యాంటీ బాక్టీరియల్ మౌత్ వాష్ బ్యాక్టీరియాను చంపుతుంది. శ్వాసను తాజాగా చేస్తుంది. దుర్వాసన ఉన్నవారికి ఇది చాలా ముఖ్యం.

పరిమితంగా చక్కెర తీసుకోవాలి.. ఎక్కువ చక్కెర తినడం వల్ల మీ దంతాలపై బ్యాక్టీరియా పేరుకుపోతుంది, ఇది ఆమ్లాన్ని ఉత్పత్తి చేయడం ద్వారా వాటిని బలహీనపరుస్తుంది. శీతల పానీయాలు, క్యాండీలకు దూరంగా ఉండడం ఉత్తమం.

పోషకాలు అధికంగా ఉండే ఆహారం తీసుకోండి.. కాల్షియం, భాస్వరం ,విటమిన్ "డి" వంటివి దంతాలకు చాలా అవసరం. అందుకోసం పాలు, పెరుగు, జున్ను, బాదం, ఆకుకూరలు, నువ్వులు మంచి వనరులు.

 పుష్కలంగా నీరు తాగాలి.. భోజనం తర్వాత నీరు తాగడం వల్ల మీ దంతాల నుంచి కణాలను తొలగిస్తుంది. నోటి pH సమతుల్యతను కాపాడుతుంది. నీరు లాలాజలాన్ని కూడా యాక్టివేట్ చేస్తుంది, ఇది సహజ క్లిన్సర్‌గా పనిచేస్తుంది.

పొగాకు, ధూమపానం చేయవద్దు.. ఇవి మీ దంతాల రంగును మార్చడమే కాకుండా చిగుళ్ల వ్యాధి, నోటి క్యాన్సర్ ప్రమాదాన్ని కూడా పెంచుతాయి.

 దంతాలతో సీసాలు తెరవకండి, ఏదైనా ప్యాకింగ్ లను చింపివేయవద్దు.   దంతాలతో పెన్నులను కొరకకండి. దీనివల్ల దంతాలు విరిగిపోతాయి లేదా పగుళ్లు ఏర్పడతాయి.

క్రమం తప్పకుండా.. 

ప్రతి ఆరు నెలలకు ఒకసారి దంతవైద్యుడిని సంప్రదించడం ముఖ్యం. ఇది ప్రారంభ సమస్యలను త్వరగా గుర్తించడంలో,పెద్ద నష్టాన్ని నివారించడంలో సహాయపడుతుంది.

ఇది కూడా చదవండి..ఒత్తిడిని ఫుడ్ చేంజెస్ చేయడం ద్వారా తగ్గించవచ్చా..? 

ఇది కూడా చదవండి..నోటి దుర్వాసనను తగ్గించే చిట్కాలు 

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి..మీరు ఆరోగ్యంగా బరువు తగ్గాలంటే..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.