Liver Cirrhosis : లివర్ సిర్రోసిస్ ను నిర్లక్ష్యం చేస్తే ప్రాణాలకే ప్రమాదం..!

సాక్షి లైఫ్ : నేటి ఆధునిక జీవనశైలిలో, మారిన ఆహారపు అలవాట్లు, అనారోగ్యకరమైన జీవనశైలి కారణంగా కాలేయ సంబంధిత వ్యాధుల ప్రమాదం పెరుగుతోంది. లివర్ సిర్రోసిస్ అనేది ఒక తీవ్రమైన వ్యాధి, దీనివల్ల కాలేయంలో మచ్చలు ఏర్పడతాయి. దీని కారణంగా కాలేయం సరిగ్గా పని చేయదు. ఈ వ్యాధి మొదలైనప్పుడు కొన్ని లక్షణాలు కనిపిస్తాయి, వాటిని నిర్లక్ష్యం చేయకూడదు.

ఇది కూడా చదవండి..కొత్తగా దంతాలు వచ్చిన పిల్లలకూ బ్రష్ చేయాలా..? 

ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..? 

  ఇది కూడా చదవండి.. డయాబెటీస్ కు ప్రధాన కారణాలు ఏంటి..?

లివర్ సిర్రోసిస్ అంటే..?

లివర్ సిర్రోసిస్ అనేది కాలేయంలో గాయాలు లేదా మచ్చలు ఏర్పడే ఒక తీవ్రమైన వ్యాధి. ఈ మచ్చల కారణంగా కాలేయం సరిగ్గా పని చేయలేదు, క్రమంగా లివర్ ఫెయిల్యూర్ అయ్యే అవకాశం ఉంది. ఈ వ్యాధి చాలా సంవత్సరాలుగా కాలేయానికి నిరంతరంగా జరిగే నష్టం వల్ల వస్తుంది.  

లివర్ సిర్రోసిస్ కు ముఖ్య కారణాలు ఏంటంటే..? 

ఎక్కువ కాలం పాటు ఆల్కహాల్ సేవించడం.

హెపటైటిస్ బి, సి వంటి వైరస్‌లు.

ఊబకాయం.

సిర్రోసిస్ దశలు.. 

కాంపాన్సేటెడ్ సిర్రోసిస్: ప్రారంభ దశలో కాలేయం తనను తాను రిపేర్ చేసుకోవడానికి ప్రయత్నిస్తుంది. ఈ దశలో సాధారణంగా ఎటువంటి లక్షణాలు కనిపించవు.

డీకాంపాన్సేటెడ్ సిర్రోసిస్: కాలేయం బలహీనపడి పని చేయడం తగ్గినప్పుడు, లక్షణాలు స్పష్టంగా కనిపిస్తాయి.

లివర్ సిర్రోసిస్ లక్షణాలు ఏమిటి..?

ప్రారంభ దశలో ఈ వ్యాధికి లక్షణాలు ఉండవు. కానీ, వ్యాధి ముదిరే కొద్దీ కొన్ని లక్షణాలు కనిపించవచ్చు. అవేంటి అంటే..? 

ఆకలి తగ్గడం.

వికారం.

నిరంతర అలసట, బలహీనత.

పొట్ట పై భాగంలో నొప్పి.

చేతులు ఎర్రగా మారడం.

చర్మంపై ఎర్రటి మచ్చలు.

చర్మం, కళ్లు పసుపు రంగులోకి మారడం (కామెర్లు).

మూత్రం ముదురు రంగులో, మలం లేత రంగులో ఉండటం.

దురద (ఏ రకమైన దద్దుర్లు లేకుండా).

కళ్లపై లేదా చర్మంపై పసుపు రంగులో కొవ్వు పేరుకుపోవడం.

ఆకస్మికంగా బరువు తగ్గడం.

కండరాలు బలహీనపడటం.

పొట్టలో నీరు చేరడం ద్వారా పొట్ట ఉబ్బరంగా ఉండడం.

సులభంగా గాయాలు, రక్తం కారడం.

మహిళల్లో రుతుక్రమంలో తేడాలు.

సిర్రోసిస్ ప్రమాదానికి గల కారణాలు

ఆల్కహాల్ సేవించడం: ఎక్కువ కాలం పాటు ఆల్కహాల్ తాగేవారికి ఈ ప్రమాదం ఎక్కువ.

హెపటైటిస్ బి లేదా సి: ఈ వైరస్‌లు కాలేయానికి దీర్ఘకాలిక నష్టాన్ని కలిగిస్తాయి.

ఫ్యాటీ లివర్: కాలేయంలో కొవ్వు పేరుకుపోవడం కూడా సిర్రోసిస్‌కు దారితీస్తుంది.

వారసత్వ కారణాలు: కుటుంబంలో ఎవరికైనా సిర్రోసిస్ ఉంటే, ఇతరులకు వచ్చే అవకాశం ఉంది.

ఆటోఇమ్యూన్ వ్యాధులు: కొన్నిసార్లు మన శరీర రోగనిరోధక వ్యవస్థ కాలేయంపై దాడి చేస్తుంది.

లివర్ సిర్రోసిస్ వల్ల వచ్చే ఇతర సమస్యలు:

శరీరంలో టాక్సిన్స్ పేరుకుపోవడం.

రోగనిరోధక శక్తి బలహీనపడడం.

శరీరంలో నీరు చేరి వాపు రావడం.

మెదడు గందరగోళానికి గురి కావడం.

కిడ్నీ ఫెయిల్యూర్.

లివర్ క్యాన్సర్.

ఇలాంటి  ఏవైనా లక్షణాలను గమనిస్తే, వెంటనే వైద్యుడిని సంప్రదించి పరీక్షలు చేయించుకోవడం చాలా మంచిది. ఒకవేళ ఏమైనా వ్యాధి లక్షణాలు కనిపించినా చికిత్స అందించి బాధితులను ఆయా సమస్య నుంచి రక్షించవచ్చు.  

ఇది కూడా చదవండి..వైద్యుల భరోసానే బాధితులకు ఔషధం.. 

ఇది కూడా చదవండి.. క్రానిక్ సైనసిటిస్ కు అక్యూట్ సైనసిటిస్ తేడా ఏంటి..? 

ఇది కూడా చదవండి..40 ఏళ్ల తర్వాత ప్రెగ్నెన్సీకి ప్లాన్ చేసుకోవచ్చా..? 

ఇది కూడా చదవండి.. లివర్ సంబంధిత సమస్యలను ఎలా గుర్తించాలి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.