డయాబెటీస్ కు ప్రధాన కారణాలు ఏంటి..?
సాక్షి లైఫ్ : భారతదేశంలో మధుమేహం ఒక తీవ్రమైన ఆరోగ్య సమస్య. ఇది ప్రస్తుతం జనాభాలో 11.4 శాతం అంటే, దాదాపు 101 మిలియన్ల మందిని ప్రభావితం చేస్తోంది. అలాగే జనాభాలో 15.3శాతం లేదా దాదాపు 136 మిలియన్ల మంది ప్రజలు ప్రీ-డయాబెటిక్‌తో బాధపడుతున్నారు. ఈ వ్యాధి ప్రమాదాల నుంచి సురక్షితంగా ఉండటానికి, దానిని సరిగ్గా నిర్వహించడం చాలా ముఖ్యం. ఇందులో ఆహారం, వ్యాయామం కీలక పాత్ర పోషిస్తాయి. ఆరోగ్యంగా ఉండేందుకు దినచర్యలో యోగా, నడక, సైక్లింగ్, స్విమ్మింగ్ వంటివి ఖచ్చితంగా చేయాలని సూచిస్తున్నారు వైద్యనిపుణులు.
ఇది కూడా చదవండి.. ఎర్ర రక్త కణాలు, తెల్ల రక్త కణాల మధ్య వ్యత్యాసం..?
ప్యాంక్రియాస్‌లో ఇన్సులిన్ లోపం ఉన్నప్పుడు, అంటే తక్కువ మొత్తంలో ఇన్సులిన్ పంపిణీ అవుతుంది, అప్పుడు రక్తంలో గ్లూకోజ్ పరిమాణం పెరగడం ప్రారంభమవుతుంది. ఈ పరిస్థితిని మధుమేహం అంటారు. మధుమేహానికి ప్రధాన కారణాలలో జీవనశైలి, ఒత్తిడి , అధిక మద్యపానం ఉన్నాయి. అంతేకాదు డయాబెటీస్ కు ఇతర కారణాలు కూడా ఉన్నాయి.. అవేంటంటే..?
మధుమేహానికి కొన్నిరకాల పదార్థాలు కారణమని చెబుతున్నారు వైద్యనిపుణులు. ఈ అలవాట్లను వదిలేస్తేనే షుగర్ వ్యాధి తలెత్తదని వారు వెల్లడిస్తున్నారు. మధుమేహాన్ని "చక్కెర వ్యాధి" అని కూడా అంటారు. ఇది చాలా ప్రమాదకరమైన వ్యాధి. ఈ వ్యాధి గురించి ప్రతిఒక్కరూ అవగాహన కలిగి ఉండాలి. మధుమేహం కూడా జన్యుపరంగా వచ్చే వ్యాధే. అంతేకాదు జీవనశైలి కారణంగా కూడా ఈ వ్యాధి వచ్చే అవకాశం ఉంటుంది.
డయాబెటిక్ రోగి రక్తంలో చక్కెర స్థాయి సాధారణం కంటే ఎక్కువగా ఉండటం లేదా సాధారణం కంటే తక్కువగా ఉండకూడదు. కాబట్టి ఈ ఉగాది ఉన్నవారు షుగర్ లెవల్ ని ఎప్పటికప్పుడు టెస్టు చేయించుకోవాలి. చక్కెర స్థాయి ఆకస్మికంగా పెరగడం లేదా ఆకస్మికంగా తగ్గడం, రెండు పరిస్థితులు రోగికి ప్రమాదకరమే. మధుమేహానికి కారణమయ్యే 7 'S'లు గురించి ఇప్పుడు తెలుసుకుందాం.
డయాబెటీస్..
నిద్ర (స్లీప్)..
మంచి నిద్ర ఆరోగ్యానికి చాలా ముఖ్యం. ఇది ఒత్తిడిని తొలగిస్తుంది. ఒత్తిడిని తొలగించడం ద్వారా అనేక సమస్యలు తగ్గుతాయి. రాత్రిపూట 7 నుంచి 8 గంటలు నిద్ర తప్పనిసరిగా అవసరం.
నిశ్చల జీవనశైలి(సెడెంటరీ లైఫ్ స్టైల్)..
శారీరక శ్రమ లేకపోతే, అనేక వ్యాధులను ఆహ్వానిస్తున్నారని అర్థం చేసుకోండి. నిజానికి మనం ఏది తిన్నా, ఏ విధమైన కార్యకలాపాలు చేయకున్నా అది శరీరంలో కొవ్వుగా పేరుకుపోవడం ప్రారంభమవుతుంది. దీని వల్ల ఊబకాయ సమస్య తలెత్తుతుంది. ఈ సమస్య అనేక హార్మోన్ల మార్పులకు కారణమవుతుంది, ఇది శరీరం పనితీరును ప్రభావితం చేస్తుంది.
ఒత్తిడి (స్ట్రెస్)..
ఎలాంటి ఒత్తిడి అయినా ఆరోగ్యానికి హానికరమే. ఎందుకంటే ఒత్తిడి రక్తపోటును పెంచుతుంది. బీపీ పెరగడం వల్ల షుగర్ లెవెల్ కూడా పెరుగుతుంది.
ఉప్పు(సాల్ట్)..
ఆహారంలో ఎక్కువగా ఉప్పు తీసుకోవడం వల్ల అది బిపిని పెంచుతుంది. బ్లడ్ ప్రెజర్ పెరిగితే షుగర్ లెవల్స్ ని ప్రభావితం చేస్తుంది.
చక్కెర(షుగర్)..
ఆహారంలో చక్కెర లేదా తీపి పదార్థాలను ఎక్కువగా తీసుకోవడం వల్ల చక్కెర స్థాయిలు పెరుగుతాయి. ఈ విషయం అందరికీ తెలిసిందే. మీరు తీపి పదార్థాలను ఇష్టపడితే, చక్కెర స్థాయి పెరగకుండా చూసుకోవడానికి శారీరక వ్యాయామం తప్పనిసరిగా చేయాలి.
ధూమపానం (సిగరెట్)..
ధూమపానం ఊపిరితిత్తులతో పాటు గుండెపై కూడా ప్రభావం చూపుతుంది. ధూమపానం ఇన్సులిన్ పనితీరును ప్రభావితం చేస్తుంది.
మద్యపానం (స్పిరిట్స్)..
మద్యం సేవించడం ఆరోగ్యానికి హానికరం. మద్యపానం వల్ల ఊబకాయంతో పాటు బీపీ, షుగర్ కూడా పెరిగే అవకాశం ఉంది.
ఇది కూడా చదవండి.. లెమన్‌గ్రాస్ హెర్బల్ టీ తయారు చేసే విధానం..
ఇది కూడా చదవండి.. ఎక్కిళ్లు రావడానికి కారణాలు..? నివారణా చిట్కాలు..
గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.
Tags :Related Articles
ఫిజికల్ హెల్త్
కిడ్స్ హెల్త్
Newsletter
Please subscribe for more updates...!
గమనిక: సాక్షి లైఫ్ వెబ్ సైట్ ద్వారా అందించే ఆర్టికల్స్ ను డాక్టర్ల సలహాలను కేవలం సమాచారంగా మాత్రమే భావించండి. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం తప్పనిసరిగా వైద్య నిపుణులను సంప్రదించండి.
Get In Touch
Door No 6-3-249/1, Sakshi Towers, Beside Care Hospital, Near City Center, Road No 1, Banjara Hills-500034
040 2325 6000
life@sakshi.com
Categories
© News. All Rights Reserved. by sakshi.com