Secrets of Longevity : ఎన్ని అడుగులు నడిస్తే ఆరోగ్యం అంటే..? 

సాక్షి లైఫ్ : ఆరోగ్యంగా ఉండాలంటే తప్పనిసరిగా రోజుకు 10 వేల అడుగులు నడవాలి అంటారు. ఒకవేళ అంతకంటే ఎక్కువగా నడిస్తే ఎలాంటి బెనిఫిట్స్ ఉంటాయి..? దీర్ఘాయువుతోపాటు (Longevity) మెరుగైన ఆరోగ్యం కోసం కచ్చితంగా ఎన్ని అడుగులు నడవాలిఅసలు..?  4వేల అడుగుల నుంచి 12వేల అడుగుల వరకు చేరుకుంటే మీ శరీరంలో, మనస్సులో ఎలాంటి అద్భుతమైన మార్పులు వస్తాయో ఫిట్‌నెస్ నిపుణులు విశ్లేషించారు.

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే....? 

ఇది కూడా చదవండి..రోజూ బెల్లం తింటే బరువు పెరుగుతారా..? 

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఫిట్‌నెస్ నిపుణుడు డాన్ గో (Dan Go) రోజువారీ నడకను మైలురాళ్లగా విభజించి, వాటి వల్ల కలిగే ఆరోగ్య ప్రయోజనాలను వివరించారు. ఈ మైలురాళ్లు దాటడం ద్వారా తీవ్రమైన వ్యాధుల ప్రమాదం తగ్గి, ఆయుష్షు పెరుగుతుందని ఆయన స్పష్టం చేశారు. 
 

4వేల అడుగులు..

 ఇంతకంటే తక్కువ నడిచేవారిని నిశ్చల జీవనశైలి ఉన్నవారిగా పరిగణిస్తారు. కనీసం ఈ స్థాయికి చేరుకోవడం ద్వారా దీర్ఘకాలిక వ్యాధుల నుండి రక్షణ లభిస్తుంది.

7వేల అడుగులు.. 

 ఈ లక్ష్యాన్ని చేరుకుంటే, గుండె ఆరోగ్యం మెరుగుపడటంతో పాటు రోగనిరోధక శక్తి (Immune System) పెరుగుతుంది. ముఖ్యంగా, తక్కువ అడుగులు నడిచే వారితో పోలిస్తే మరణాల ప్రమాదం 51 శాతం తగ్గుతుందని పరిశోధనలు చెబుతున్నాయి.

10వేల అడుగులు..

 ఈ సంఖ్యకు చేరుకోవడం ద్వారా మెదడు చురుగ్గా మారుతుంది. గుండె జబ్బులు, క్యాన్సర్, మరియు డిమెన్షియా వంటి తీవ్రమైన వ్యాధుల ముప్పు గణనీయంగా తగ్గుతుంది.

12వేల అడుగులు.. 

 ఈ లక్ష్యాన్ని క్రమం తప్పకుండా చేరుకునే వారికి దీర్ఘాయువు ప్రయోజనాలు గరిష్టంగా లభిస్తాయి. సరైన జీవనశైలిని పాటించే వారికి, రోజుకు 44వేల అడుగులు నడిచే వారితో పోలిస్తే 20 సంవత్సరాల అదనపు ఆయుష్షు లభించే అవకాశం ఉందని డాన్ గో అభిప్రాయపడ్డారు. 

వాకింగ్‌ను ఒకేసారి కష్టపడి చేయకుండా, చిన్న చిన్న అలవాట్లను మార్చుకోవడం ద్వారా అడుగుల సంఖ్యను పెంచవచ్చని నిపుణులు సూచిస్తున్నారు. లిఫ్ట్‌కు బదులుగా మెట్లు ఉపయోగించడం, భోజనం తర్వాత కాసేపు నడవడం, ఆఫీస్ బ్రేక్‌లలో చిన్నపాటి వాక్ చేయడం వంటివి ఈ లక్ష్యాన్ని చేరుకోవడానికి సహాయపడతాయి.

ఇది కూడా చదవండి..Diabetes : డయాబెటిస్ ను అదుపులో ఉంచుకోవడానికి ఎలాంటి ఆహార నియమాలు పాటించాలి..?

ఇది కూడా చదవండి..ఒత్తిడిని ఫుడ్ చేంజెస్ చేయడం ద్వారా తగ్గించవచ్చా..? 

ఇది కూడా చదవండి..నోటి దుర్వాసనను తగ్గించే చిట్కాలు 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.