Troubled by Flies During Monsoon : వర్షాకాలంలో ఈగల బెడద ఉందా..? ఈ సింపుల్ ఇంటి చిట్కాలతో చెక్ పెట్టండి..!

సాక్షి లైఫ్ : వర్షాకాలం రాగానే ఇంట్లో ఈగల బెడద ఎక్కువగా ఉంటుంది. వాతావరణంలో తేమ పెరగడం, చుట్టుపక్కల నీరు నిలిచిపోవడం వల్ల ఇవి ఎక్కువగా వృద్ధి చెందుతాయి. వంటగది, చెత్తబుట్ట, సింక్ వంటి ప్రదేశాల్లో ఇవి ఎక్కువగా వాలుతుంటాయి. వీటి వల్ల కలరా, టైఫాయిడ్ వంటి అనేక రకాల అంటువ్యాధులు వ్యాపించే ప్రమాదం ఉంది. ముఖ్యంగా ఇంట్లో చిన్నపిల్లలు ఉంటే మరింత జాగ్రత్తగా ఉండాలి. ఈగలను వదిలించుకోవడానికి ప్రతిసారీ రసాయనాలతో కూడిన స్ప్రేలు (Chemical Sprays) వాడాల్సిన అవసరం లేదు. మన ఇంట్లో దొరికే సహజ సిద్ధమైన వస్తువులతోనే వీటిని సులభంగా తరిమికొట్టవచ్చు. అదెలాగో ఇప్పుడు తెలుసు కుందాం.. 

ఇది కూడా చదవండి..Chest Pain : ఛాతీలో నొప్పా..? అది గుండెపోటా..? లేక పానిక్ అటాకా..? తేడా ఎలా గుర్తించాలి..?

ఇది కూడా చదవండి..Don’t Ignore Fever : సాధారణ జ్వరమే కదా అని నిర్లక్ష్యం చేస్తే ప్రాణాలకే ముప్పు..! ఈ 5 లక్షణాలపై అవగాహన అవసరం.. 

ఈగలను పారద్రోలే అద్భుతమైన మార్గాలు..

చెత్తబుట్టల శుభ్రత: ఇంట్లోకి ఈగలు రావడానికి ప్రధాన కారణం తెరిచి ఉంచిన చెత్తబుట్టలే. ముఖ్యంగా పండ్ల తొక్కలు, కూరగాయల వ్యర్థాలు ఈగలను తీవ్రంగా ఆకర్షిస్తాయి. కాబట్టి తడి చెత్తను ఇంట్లో ఎక్కువసేపు ఉంచకూడదు. డస్ట్‌బిన్‌కు ఎప్పుడూ మూత పెట్టి ఉంచాలి. దాన్ని క్రమం తప్పకుండా సబ్బుతో కడగడం అలవాటు చేసుకోవాలి.

నిమ్మకాయ, లవంగాలు..

 ఈగలను పారద్రోలడానికి ఇదొక చక్కటి మార్గం. ఒక నిమ్మకాయను సగానికి కోసి, అందులో కొన్ని లవంగాలను గుచ్చాలి. దీన్ని వంటగదిలో లేదా కిటికీల దగ్గర ఉంచితే, ఆ ఘాటైన వాసనకు ఈగలు దరిచేరవు.

వెనిగర్ ట్రాప్..

 వంటగదిలో తిరిగే చిన్న ఈగలు ఎక్కువగా ఉంటే ఈ చిట్కా బాగా పనిచేస్తుంది. ఒక గిన్నెలో కొద్దిగా యాపిల్ సైడర్ వెనిగర్ పోసి, దానిపై ప్లాస్టిక్ కవర్ కప్పి చిన్న రంధ్రాలు చేయాలి. ఆ వెనిగర్ వాసనకు ఈగలు ఆకర్షితమై అందులో పడిపోతాయి. దీన్ని పిల్లలకు, పెంపుడు జంతువులకు దూరంగా ఉంచాలి.

కిటికీలు, తలుపులకు మస్కిటో నెట్..

 బయట నుంచి ఈగలు ఇంట్లోకి రాకుండా ఉండాలంటే కిటికీలు, తలుపులకు సన్నటి జాలీలు ఏర్పాటు చేసుకోవడం దీర్ఘకాలికంగా ప్రయోజనం చేకూరుస్తుంది. వంటగది, బాల్కనీ తలుపులను ఎల్లప్పుడూ తెరిచి ఉంచకూడదు. జాలీలకు ఏవైనా చిరుగులు ఉంటే వెంటనే బాగుచేయించుకోవాలి.

వంటగది పరిశుభ్రత..

 కిచెన్ ప్లాట్‌ఫారమ్, గ్యాస్ స్టవ్, సింక్ చుట్టుపక్కల ఆహార పదార్థాలు కింద పడకుండా చూసుకోవాలి. వంట పూర్తయిన వెంటనే పరిసరాలను శుభ్రం చేసుకోవాలి. ఏవైనా తీపి పదార్థాలు ఒలికితే వెంటనే తుడిచేయాలి. సింక్‌లో ఎంగిలి పాత్రలు ఎక్కువసేపు ఉంచకూడదు. ఈ చిన్నపాటి జాగ్రత్తలు పాటిస్తే వర్షాకాలంలో ఈగల బెడద నుంచి, వాటి వల్ల వచ్చే అనారోగ్య సమస్యల నుంచి మన కుటుంబాన్ని సురక్షితంగా కాపాడుకోవచ్చు.

ఇది కూడా చదవండి..రోజూ బెల్లం తింటే బరువు పెరుగుతారా..? 

ఇది కూడా చదవండి..కాలేయ ఆరోగ్యాన్ని నిర్లక్ష్యం చేస్తున్నారా..? మౌనంగా పెరుగుతున్న ఈ వ్యాధి గురించి తెలుసా..?

ఇది కూడా చదవండి.. టీబీని సకాలంలో గుర్తించకపోతే ఏమౌతుంది..? 

 ఇది కూడా చదవండి.. ఎర్ర రక్త కణాలు, తెల్ల రక్త కణాల మధ్య వ్యత్యాసం..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.