అన్నవాహిక క్యాన్సర్ లక్షణాలు ఎలా ఉంటాయి..?

సాక్షి లైఫ్ : అన్నవాహిక క్యాన్సర్ చాలా సవాలుతో కూడుకున్నది, ఎందుకంటే దీని ప్రారంభ లక్షణాలు పెద్దగా కనిపించవు. అందుకే చాలా మంది వాటిని తేలికగా తీసుకుంటారు. చివరికి, క్యాన్సర్ ముదిరిన తర్వాతే లక్షణాలు స్పష్టంగా బయటపడతాయి. ఈ వ్యాధి లక్షణాలను ఎసిడిటీ, ఛాతీలో మంట లేదా అజీర్ణం అని భావించి పెద్దగా పట్టించు కోకపోవచ్చు. ఆయా లక్షణాలను గురించి అందరూ తప్పనిసరిగా తెలుసుకోవడం చాలా అవసరం.

ఇది కూడా చదవండి.. స్మోకింగ్ అలవాటు లేనివారు లంగ్ క్యాన్సర్‌ బారిన పడకుండా ఉండాలంటే ఎలాంటి జాగ్రత్తలు అవసరం..? 

ఇది కూడా చదవండి.. మ‌తిమ‌రుపునకు చికిత్స సాధ్య‌మేనా..?

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

మింగడంలో ఇబ్బంది : అన్నవాహిక క్యాన్సర్ లో ఇది ఒక లక్షణం. మొదట్లో, రోటీ, అన్నం వంటి గట్టి పదార్థాలను మింగడంలో ఇబ్బంది ఉంటుంది. క్యాన్సర్ పెరిగేకొద్దీ, సెమీ సాలిడ్, చివరికి ద్రవ పదార్థాలను మింగడంలో కూడా కష్టతమవుతుంది. ఆహారం గొంతులో లేదా ఛాతీలో అడ్డుపడినట్లు అనిపిస్తుంది.

ఛాతీలో నొప్పి, మంట లేదా ఒత్తిడి: ఆహారం తీసుకునేటప్పుడు ఛాతీ మధ్య భాగంలో నొప్పి, మంట లేదా ఒత్తిడి కలగడం వంటి లక్షణాలు కనిపిస్తాయి. 

అకస్మాత్తుగా బరువు తగ్గడం: ఎటువంటి ప్రయత్నం చేయకుండానే వేగంగా బరువు తగ్గడం కూడా అన్నవాహిక క్యాన్సర్ తీవ్రమైన హెచ్చరిక. మింగడంలో ఇబ్బంది కారణంగా, వ్యక్తి సరిగ్గా ఆహారం తీసుకోలేకపోతాడు, ఫలితంగా శరీరానికి అవసరమైన పోషకాలు అందక బరువు తగ్గుతుంది.

ప్రారంభ దశలో కనిపించే లక్షణాలు..  

క్యాన్సర్ చుట్టుపక్కల కణజాలాలు, అవయవాలకు వ్యాపించినప్పుడు, లక్షణాలు మరింత తీవ్రమవుతాయి. కడుపులో నొప్పి లేదా మంట: ఆహారం తీసుకున్న తర్వాత, కడుపు పైభాగంలో నొప్పి లేదా అసౌకర్యం కలగడం.

నిరంతర దగ్గు లేదా గొంతు బొంగురుపోవడం: కణితి అన్నవాహిక పైభాగంలో ఉండి, శ్వాసనాళంపై ఒత్తిడి కలిగిస్తే, నిరంతర దగ్గు లేదా గొంతు బొంగురుపోవడం వంటివి సంభవించవచ్చు.

వాంతులు లేదా రక్తస్రావం: కొన్నిసార్లు, మింగడంలో తీవ్రమైన ఇబ్బంది కారణంగా వాంతులు కావచ్చు. వాంతులు లేదా కఫంతో పాటు రక్తం రావడం అనేది ఒక తీవ్రమైన సంకేతం.

అలసట,బలహీనత: రక్తహీనత కారణంగా శరీరంలో నిరంతర అలసట, కళ్ళు తిరగడం, బలహీనత అనుభూతి కలుగుతుంది.

తరచుగా వచ్చే ఎసిడిటీ సమస్యలను విస్మరించవద్దు. ఈ లక్షణాలలో ఏవైనా కనిపిస్తే, వెంటనే వైద్యుడిని సంప్రదించడం చాలా ముఖ్యం. సకాలంలో గుర్తించడం, చికిత్స పొందడం ద్వారా అన్నవాహిక క్యాన్సర్ ను నిర్మూలించవచ్చు.

ఇది కూడా చదవండి.. ఆర్గానిక్ ఫ్రూట్స్ ను గుర్తించాలంటే ఏమిచేయాలి.. ? 

ఇది కూడా చదవండి.. మీరు ఆరోగ్యంగా బరువు తగ్గాలంటే..? 

ఇది కూడా చదవండి.. సికిల్ సెల్ వ్యాధి అంటే ఏమిటి..?

ఇది కూడా చదవండి.. శానిటరీ ప్యాడ్స్ వాడడం వల్ల క్యాన్సర్ వస్తుందా..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.