Rainy season : వర్షాకాలంలో ఎలాంటి ఆహారం తీసుకోవాలి..?

సాక్షి లైఫ్ : వర్షాకాలంలో అనేక కాలానుగుణ వ్యాధుల ప్రమాదం గణ నీయంగా పెరుగుతుంది. రోగనిరోధక శక్తి బలహీనంగా ఉన్నవారిపై ఈ వ్యాధులు ఎక్కువగా ప్రభావం చూపుతాయి. ఈ సమయంలో సీజనల్ ఫ్లూ కేసులు కూడా విపరీతంగా పెరుగుతాయి. రెయినీ సీజన్‌లో మిమ్మల్ని మీరు సురక్షితంగా ఉంచుకోవాలనుకుంటే, శరీర రోగనిరోధక శక్తిని పెంచడంలో సహాయపడే ఆహారాలను మీ డైట్‌లో చేర్చుకోవాలని వైద్యనిపుణులు వెల్లడిస్తున్నారు. వర్షాకాలంలో రోగనిరోధక శక్తిని పెంచే కొన్ని ముఖ్యమైన ఆహారాల గురించి ఇప్పుడు తెలుసు కుందాం..

 ఇది కూడా చదవండి..లివర్ సంబంధిత సమస్యలను ఎలా గుర్తించాలి..?

  ఇది కూడా చదవండి..పిల్లల స్క్రీన్ టైమ్ గురించి భారతీయ తల్లుల ఆందోళన

 ఇది కూడా చదవండి..వాక్సిన్ గురించి వాస్తవాలు- అవాస్తవాలు..

వర్షాకాలంలో మీ రోగనిరోధక శక్తిని బలోపేతం చేసుకోవడానికి ఐదు ఆహారాలను మీ డైట్‌లో చేర్చుకోవాలి..  

తులసి: తులసి ఒక అద్భుతమైన ఆయుర్వేద మూలిక. వర్షాకాలంలో దోమల ద్వారా సంక్రమించే వ్యాధుల ప్రమాదం పెరుగుతుంది కాబట్టి, బలమైన రోగనిరోధక శక్తిని కావాలి. దీని కోసం తులసి చాలా బాగా ఉపకరిస్తుంది. తులసి కషాయం తాగాలి లేదా దాని ఆకులను నేరుగా నమలాలి. ఇది వ్యాధులను దూరంగా ఉంచడమే కాకుండా శరీర రోగనిరోధక శక్తిని కూడా బలపరుస్తుంది.

అల్లం: అల్లం మన ఆరోగ్యానికి చాలా ప్రయోజనకరంగా ఉంటుంది. ఇందులో ఉండే యాంటీఆక్సిడెంట్లు జలుబు, దగ్గు నుంచి ఉపశమనం అందించడంలో సహాయపడతాయి. అల్లం టీ లేదా కషాయం తాగవచ్చు. మీకు కావాలంటే, మీరు దానిని కూరగాయలలో మసాలాగా కూడా ఉపయోగించవచ్చు. చాలా మంది అల్లంను నేరుగా తినడానికి కూడా ఇష్టపడతారు. మొత్తంగా, ఇది రోగనిరోధక శక్తిని బలోపేతం చేయడానికి అద్భుతంగా పనిచేస్తుంది.

వేడి పానీయాలు: ఈ సీజన్‌లో మిమ్మల్ని మీరు ఆరోగ్యంగా ఉంచుకోవడానికి, మీరు సూప్, హెర్బల్ టీ, కషాయాలను తీసుకోవడం మంచిది. ఇవి రోగనిరోధక శక్తిని బలోపేతం చేస్తాయి. దీనితో పాటు, గొంతు నొప్పి నుంచి ఉపశమనం అందించడంలో కూడా ఉపయోగపడతాయి.

నల్ల మిరియాలు: నల్ల మిరియాలు వేడి ప్రభావాన్ని కలిగి ఉంటాయి. ఇందులో ఉండే 'పైపెరిన్' అనే మూలకం ఆరోగ్యానికి చాలా ప్రయోజనకరంగా ఉంటుంది. ఇవి తీసుకుంటే, శరీర రోగనిరోధక శక్తి పెరుగుతుంది. 

తాజా పండ్లు, కూరగాయలు: వర్షాకాలంలో లభించే కాలానుగుణ తాజా పండ్లు, కూరగాయలను ఆహారంలో తప్పనిసరిగా చేర్చుకోవాలి. ఇవి విటమిన్లు, ఖనిజాలు, యాంటీఆక్సిడెంట్లతో నిండి ఉండి రోగనిరోధక శక్తిని పెంచడంలో సహాయపడతాయి. ఈ ఆహారాలను మీ డైట్ లో చేర్చుకోవడం ద్వారా వర్షాకాలంలో వచ్చే వ్యాధుల నుంచి మిమ్మల్ని మీరు రక్షించుకోవచ్చు.  

 ఇది కూడా చదవండి..మీరు ఆరోగ్యంగా బరువు తగ్గాలంటే..? 

 ఇది కూడా చదవండి..రోజూ బెల్లం తింటే బరువు పెరుగుతారా..? 

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.