దేశంలో అవయవ దానం రేటు ప్రపంచంలోనే అతి తక్కువ.. ఎందుకంటే..?  

సాక్షి లైఫ్ : ఒక అవయవ దాత తన గుండె, ఊపిరితిత్తులు, కాలేయం, మూత్ర పిండాలు, క్లోమం, కణజాలాలను దానం చేయడం ద్వారా ఎనిమిది మంది ప్రాణాలను కాపాడగలడు. భారతదేశం గత దశాబ్దంలో ఆరోగ్య సంరక్షణ రంగంలో అద్భుతమైన పురోగతిని సాధించింది. ఆరోగ్య వ్యవస్థలను బలోపేతం చేసింది. తల్లి, శిశు మరణాలను తగ్గించింది. అంటువ్యాధులను ఎదుర్కొంది.

నాణ్యమైన ఆరోగ్య సంరక్షణకు సార్వత్రిక ప్రాప్యతను ముందుకు తెచ్చింది, కానీ అవయవ మార్పిడి విషయంలో వెనుక పడింది. దీని కారణంగా వేలాది మంది ప్రజల ప్రాణాలు కోల్పోవాల్సి వస్తోంది.

ఇది కూడా చదవండి.. సహజంగా ఆక్సిటోసిన్ పెంచడానికి మార్గాలు.. 

ఇది కూడా చదవండి..కొత్తగా దంతాలు వచ్చిన పిల్లలకూ బ్రష్ చేయాలా..?

ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..? 

అవయవ దానం అవసరాన్ని పరిష్కరించడానికి తక్షణ చర్యలు తీసుకోవాలని అవయవ దాన దినోత్సవం మనకు గుర్తు చేస్తుంది. అవయవ మార్పిడిపై అవగాహన లేకపోవడం వల్ల నేడు ఎంతోమంది ప్రాణాలు కోల్పోవల్సి వస్తోంది. ఇంత కంటే విషాదం మరొకటి ఉండదు. ప్రతి సంవత్సరం, దేశంలో దాదాపు ఐదు లక్షల మంది అవయవ దానం జరగకపోవడం వల్ల మరణిస్తున్నారని గణాంకాలు వెల్లడిస్తున్నాయి. 

అవయవ దానం చేయడం ద్వారా చాలా మంది ప్రాణాలను మనం కాపాడవచ్చు. మనకు వైద్య నైపుణ్యం ఉంది. జాతీయ స్థాయిలో అవయవాల సరఫరా, డిమాండ్ మధ్య అంతరాన్ని తగ్గించడానికి మనకు సమిష్టి సంకల్పం అవసరం. భారతదేశంలో రోగి అవసరాలు, అవయవాల లభ్యత, మార్పిడి మధ్య అంతరాన్ని తక్షణమే తొలగించాల్సిన  అవసరం ఎంతైనా ఉంది.

మూత్రపిండ వ్యాధులతో బాధపడేవారు దాదాపు 2రెండు లక్షల మంది, తీవ్రమైన కాలేయ వైఫల్యం ఉన్న బాధితులు యాభైవేల మంది, తీవ్రమైన గుండె జబ్బులు ఉన్నవారు 50వేల మంది తమ ప్రాణాలను కాపాడుకోవడానికి మార్పిడి అవసరం. దీనికి విరుద్ధంగా, ప్రతి సంవత్సరం కేవలం 1,600 మూత్రపిండాలు, 700 కాలేయం, 300 గుండె మార్పిడిలు మాత్రమే జరుగుతున్నాయి.

అవయవం కోసం ఎదురుచూసేవారిలో ప్రతిరోజూ కనీసం 15 మంది రోగులు మరణిస్తున్నారని గణాంకాలు చెబుతున్నాయి. అవయవదానంపై అవగాహన కల్పించడం ద్వారా మరింతమంది ప్రాణాలను కాపాడడానికి వీలుకలుగుతుంది.   

ఇది కూడా చదవండి..అధిక రక్తపోటుకు బ్రెయిన్ స్ట్రోక్ కు లింక్ ఏంటి..?

ఇది కూడా చదవండి.. డయాబెటీస్ కు ప్రధాన కారణాలు ఏంటి..? 

ఇది కూడా చదవండి..Menopause : మెనో పాజ్ వల్ల కూడా డిప్రెషన్ కు గురవుతారా..?

ఇది కూడా చదవండి..For health : కుంకుమ పువ్వు"టీ"తో ఎలాంటి ఆరోగ్య ప్రయోజనాలు ఉన్నాయి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.