Amazing Healthy Food : పిల్లలు, పెద్దల కోసం అమేజింగ్ హెల్తీ ఫుడ్స్..

సాక్షి లైఫ్ : ప్రతిరోజూ ఉదయం అల్పాహారంగా ఏం చేయాలనేది ప్రతి ఇంటా ఎదురయ్యే అతిపెద్ద ప్రశ్న. రోజూ తినే ఇడ్లీ, దోశలతో విసుగొచ్చి ఏదయినా కొత్తగా, ఆరోగ్యకరంగా ట్రై చేయాలనుకుంటు న్నారా..? అయితే 'క్వినోవా' (Quinoa) మీకు అద్భుతమైన ఎంపిక. పిల్లలను రోజంతా ఉల్లాసంగా ఉంచేందుకు, పెద్దలకు కావాల్సిన శక్తిని అందించేందుకు ఇది ఎంతో సహాయపడుతుంది. ప్రొటీన్లు, ఫైబర్‌తో నిండి ఉండే క్వినోవాతో నోరూరించే 7 రకాల వెరైటీలు సులభంగా ఎలా చేసుకోవచ్చో చూద్దాం..

చదవండి..చెడు కొలెస్ట్రాల్ ను నియంత్రించే పనస పండు.. 

ఇది కూడా చదవండి.. ప్రీమెన్‌ స్ట్రువల్ సిండ్రోమ్ వచ్చేముందు లక్షణాలు ఎలా ఉంటాయి..?

ఇది కూడా చదవండి..వేగంగా బరువు తగ్గించే ఓట్జెంపిక్ డ్రింక్ ట్రెండ్.. డైటీషియన్లు ఏమంటున్నారంటే..? 

1. క్వినోవా వెజిటబుల్ కిచిడీ..

ఇది చాలా తేలికైన, ఎంతో బలవర్ధకమైన ఆహారం. క్వినోవాకు మీకు ఇష్టమైన కూరగాయలు, కొద్దిగా పప్పు దినుసులు జోడించి రుచికరమైన కిచిడీని తయారు చేసుకోవచ్చు. ఇది సులభంగా జీర్ణమవుతుంది. భోజనం తర్వాత కడుపు ఉబ్బరం వంటి సమస్యలు దరిచేరవు.

2. క్వినోవా లెమన్ రైస్..

సాధారణ బియ్యంతో చేసే పులిహోరకు బదులుగా, ఆరోగ్యకరమైన క్వినోవాతో లెమన్ రైస్ చేసి చూడండి. ఉడికించిన క్వినోవాకు నిమ్మరసం, కరివేపాకు, వేరుశెనగ గుళ్లు, తగినన్ని పోపు దినుసులు కలిపితే రుచి అమోఘంగా ఉంటుంది. పిల్లలు దీన్ని లంచ్ బాక్స్‌లో కూడా ఇష్టంగా తింటారు.

3. క్వినోవా ఉప్మా..

బొంబాయి రవ్వతో చేసే ఉప్మాకు ప్రత్యామ్నాయంగా క్వినోవాను వాడొచ్చు. ఉల్లిపాయలు, క్యారెట్లు, పచ్చి బఠానీలు, క్యాప్సికమ్ వంటి తాజా కూరగాయల ముక్కలను జోడించి ఈ ఉప్మాను తయారు చేస్తే పోషకాలకు పోషకాలు, రుచికి రుచి మీ సొంతం.

4. క్వినోవా పనీర్ పులావ్..

అల్పాహారానికే కాదు, మధ్యాహ్నం లేదా రాత్రి భోజనానికి కూడా ఇది చక్కటి ఎంపిక. క్వినోవాకు తాజా పనీర్ ముక్కలు, రంగురంగుల కూరగాయలు, కాస్తంత గరం మసాలా జోడించి ఘుమఘుమలాడే పులావ్ తయారు చేయవచ్చు. ఇది ప్రొటీన్ల నిలయంగా మారి శరీరానికి తక్షణ శక్తిని ఇస్తుంది.

5. క్వినోవా టిక్కీ..

ఉడికించిన క్వినోవాకు ఉడికించి మ్యాష్ చేసిన బంగాళదుంపలు, సన్నగా తరిగిన ఆకుకూరలు, తగినన్ని మసాలాలు కలిపి గుండ్రని టిక్కీలుగా (cutlets) చేసుకోవాలి. వీటిని పెనంపై కొద్దిగా నూనెతో దోరగా కాల్చుకుంటే కరకరలాడుతూ భలే రుచిగా ఉంటాయి. వీటిని పెరుగు లేదా పుదీనా చట్నీతో వడ్డిస్తే క్షణాల్లో ఖాళీ అయిపోతాయి.

6. క్వినోవా స్టఫ్డ్ క్యాప్సికమ్..

కొత్త రుచులను ఆస్వాదించాలనుకునే వారికి ఇది బెస్ట్ చాయిస్. క్యాప్సికమ్ లోపలి గింజలు తీసేసి, అందులో ఉడికించిన క్వినోవా, ఇతర కూరగాయల మిశ్రమాన్ని కూరి ఓవెన్‌లో బేక్ చేయాలి. చూసేందుకు ఎంతో ఆకర్షణీయంగా ఉండే ఈ వంటకం, నోటికి కూడా అంతే రుచిగా ఉంటుంది.

7. క్వినోవా యోగర్ట్ బౌల్..

ఉదయం హడావిడిలో వంటకు సమయం లేనప్పుడు ఇది చాలా సులభం. ఉడికించిన క్వినోవాను తాజా పెరుగులో కలిపి.. పైన వేయించిన జీలకర్ర పొడి, దానిమ్మ గింజలు,బాదం, జీడిపప్పు, వాల్ నట్స్ చల్లుకుంటే హెల్తీ యోగర్ట్ బౌల్ రెడీ.! ఇది ఉదయం బ్రేక్‌ఫాస్ట్‌గా లేదా సాయంత్రం స్నాక్‌గా చాలా బాగుంటుంది.

క్వినోవాను ఎందుకు తినాలి..?

సాంప్రదాయక ఆహారాలతో పోలిస్తే క్వినోవాలో ప్రొటీన్, ఫైబర్ (fiber), ఐరన్ తో పాటు శరీరానికి అవసరమైన అనేక ముఖ్యమైన ఖనిజాలు పుష్కలంగా ఉంటాయి.

ఇది శరీరానికి పుష్కలమైన శక్తిని అందిస్తుంది.

ఫైబర్ శాతం ఎక్కువగా ఉండటం వల్ల కొద్దిగా తిన్నా కడుపు నిండిన భావన కలుగుతుంది. ఎక్కువసేపు ఆకలి వేయకుండా అదుపులో ఉంచుతుంది, తద్వారా బరువు తగ్గాలనుకునే వారికి ఇది ఎంతగానో ఉపయోగపడుతుంది.

ఇది కూడా చదవండి.. ప్రీమెన్‌ స్ట్రువల్ సిండ్రోమ్ వచ్చేముందు లక్షణాలు ఎలా ఉంటాయి..?

 ఇది కూడా చదవండి.. శరీరంలో ప్లేట్‌లెట్స్‌ కౌంట్‌ ఎంత ఉండాలి..? 

ఇది కూడా చదవండి..పనీర్ తినడం వల్ల ఎన్ని ఆరోగ్య ప్రయోజనాలున్నాయో తెలుసా..? 

ఇది కూడా చదవండి..అవకాడోతో కలిపి తినకూడని ఆహారపదార్థాలు ఏమిటి..?

 గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..