హెయిర్ ఫాల్ ను, చర్మ సమస్యలను నిరోధించే 5 సూపర్ ఫుడ్స్.. 

సాక్షి లైఫ్ : మీ జుట్టు నిర్జీవంగా, నిస్తేజంగా మారిపోయిందా? చర్మం కూడా తేజస్సును కోల్పోయిందా? అయితే, మీ ఆహారంలో పోషకాల లోపం దీనికి కారణం కావచ్చు. కాబట్టి అలాంటి సందర్భాలలో, కొన్ని సూపర్ ఫుడ్స్ ఆయా లోపాన్ని భర్తీ చేస్తాయి. వాటిని మీరు మీ రోజువారీ ఆహారంలో చేర్చుకోవడం ద్వారా మీ చర్మాన్ని, జుట్టును ఆరోగ్యంగా ఉంచుకోవచ్చని వైద్యనిపుణులు చెబుతున్నారు. అవేంటో తెలుసుకుందాం..  

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..?

ఇది కూడా చదవండి..పనీర్ తినడం వల్ల ఎన్ని ఆరోగ్య ప్రయోజనాలున్నాయో తెలుసా..? 

ఇది కూడా చదవండి..మార్నింగ్ వాక్ చేసేటపుడు ఈ ఆరు విషయాలు గుర్తుంచుకోండి..ఎందుకంటే..?

ఉదయం లేవగానే అద్దంలో మీ జుట్టు నిస్తేజంగా, చర్మం కాంతిహీనంగా కనిపిస్తుందా? చాలా మంది ఖరీదైన ఉత్పత్తులను ప్రయత్నించి విసిగిపోతుంటారు, కానీ ఇప్పటికీ చర్మం, జుట్టును ఆరోగ్యంగా, మెరిసేలా మార్చడం సాధ్యం కాదు.

 శరీరానికి లోపలి నుంచి పోషణ లభించకపోవడం వల్ల తరచుగా అందం మసకబారుతుంది. చర్మం, జుట్టును తిరిగి ఆరోగ్యంగా, మెరిసేలా చేయడానికి మీ ఆహారంలో చేర్చుకోదగిన కొన్ని ఆహారాలు.

 అవకాడో..  

అవకాడో కేవలం రుచికరమైనదే కాదు, విటమిన్-ఇ, ఆరోగ్యకరమైన కొవ్వులు, యాంటీఆక్సిడెంట్లను కలిగి ఉంటుంది. ఈ పోషకాలన్నీ మీ చర్మానికి తేమను అందించి, మృదువుగా చేస్తాయి. జుట్టును దృఢంగా, మెరిసేలా చేయడానికి సహాయపడతాయి. మీరు దీనిని సలాడ్‌లో, స్మూతీలో లేదా టోస్ట్‌పై కూడా వేసుకుని తినవచ్చు.

 వాల్‌నట్స్..  

వాల్‌నట్స్ ఒమేగా-3 ఫ్యాటీ యాసిడ్స్‌కు అద్భుతమైన మూలం, ఇవి చర్మపు వాపును తగ్గించడానికి, హైడ్రేటెడ్‌గా ఉంచడానికి సహాయ పడతాయి. ఇవి జుట్టు కుదుళ్లకు పోషణను అందించి, అవి రాల కుండా కాపాడతాయి. రోజూ గుప్పెడు వాల్‌నట్స్ తినడం వల్ల అనేక ఆరోగ్య ప్రయోజనాలు పొందవచ్చు.

 చిలగడదుంప..  

చిలగడదుంపలో బీటా-కెరోటిన్ పుష్కలంగా ఉంటుంది, దీనిని శరీరం విటమిన్ ఏ గా మారుస్తుంది. విటమిన్ ఏ చర్మానికి చాలా అవసరం.  ఎందుకంటే ఇది కొత్త కణాల నిర్మాణానికి సహాయపడుతుంది. చర్మాన్ని యూవీ కిరణాల వల్ల కలిగే నష్టం నుంచి కాపాడుతుంది. అలాగే, ఇది జుట్టును ఆరోగ్యంగా ఉంచడంలో కూడా సహాయపడుతుంది.

 పాలకూర.. 

పాలకూర ఐరన్, విటమిన్ ఏ, విటమిన్ సి, ఫోలిక్ యాసిడ్‌లతో సమృద్ధిగా ఉండే ఒక సూపర్ ఫుడ్. ఐరన్ లోపం వల్ల జుట్టు రాలిపోతుంది. చర్మం కూడా నిర్జీవంగా కనిపిస్తుంది. పాలకూరను మీ ఆహారంలో చేర్చుకోవడం వల్ల మీ జుట్టుకు పోషణ లభిస్తుంది. మీ చర్మం కూడా తాజాగా, మెరుస్తూ కనిపిస్తుంది. మీరు దీనిని కూరగా లేదా స్మూతీలో కూడా ఉపయోగించవచ్చు.

క్వినోవా.. 

క్వినోవా ధాన్యాన్ని ఒక ప్రోటీన్ రిచ్ ఫుడ్ గా పరిగణిస్తారు, ఎందుకంటే ఇందులో 9 ముఖ్యమైన అమైనో ఆమ్లాలు ఉంటాయి. ముఖ్యంగా, ఇది ఫైబర్, ఇతర పోషకాలతో కూడి ఉంటుంది, ఇవి జుట్టు,చర్మం రెండింటికీ ప్రయోజనకరంగా ఉంటుంది.

ఇది కూడా చదవండి..డిప్రెషన్ ఉన్న వారిలో ఎలాంటి మార్పులు కనిపిస్తాయి..?

ఇది కూడా చదవండి..అవకాడోతో కలిపి తినకూడని ఆహారపదార్థాలు ఏమిటి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..