ఆక్సిటోసిన్‌ పాల వల్ల కలిగే దుష్ప్రభావాలు.. 

సాక్షి లైఫ్ : పాలు తాగడంతోనే ప్రతి రోజూ మొదలవుతుంది చాలామందికి. కానీ పాలను పెద్ద ఎత్తున ఆక్సిటోసిన్ ఇంజెక్షన్లతో కల్తీ చేస్తున్నారని మీకు తెలుసా? అవును, ఇటీవల ఢిల్లీ హైకోర్టు ఢిల్లీ-ఎన్‌సిఆర్‌లోని డెయిరీలలో ఆక్సిటోసిన్ దుర్వినియోగానికి సంబంధించి కఠినమైన సూచనలు ఇచ్చింది. అయినా ఆక్సిటోసిన్ ఇంజెక్షన్ల అమ్మకాలు ఏమాత్రం ఆగడంలేదు. దీంతో ఈ ఇంజెక్షన్ ను వివిచ్చలవిడిగా వాడుతూ అటు జనాలు ఆరోగ్యం, ఇటు పశువుల ఆరోగ్యాన్ని సైతం దెబ్బతీస్తున్నారు. అలాంటి పాలు తాగడం వల్ల ఆరోగ్యానికి ఎలాంటి హాని కలుగుతుందో ఇప్పుడు తెలుసుకుందాం..

ఇది కూడా చదవండి.. అధిక కొలెస్ట్రాల్ ప్రారంభ సంకేతాలు ఎలా ఉంటాయి..?  

ఆక్సిటోసిన్ ఎంత ప్రమాదకరమైనది..?

హార్మోన్ల అసమతుల్యత.. 

ఆక్సిటోసిన్ కలిపిన పాలు శరీరంలోని హార్మోన్ల సమతుల్యతను పాడు చేస్తాయి. అటువంటి పరిస్థితిలో మీరు హార్మోన్ల హెచ్చుతగ్గుల కారణంగా అనేక అనారోగ్య సమస్యలు తలెత్తుతాయి.  

కడుపు సంబంధిత సమస్యలు.. 

ఆక్సిటోసిన్ ఉన్న పాలు తాగడం వల్ల అతిసారం, తిమ్మిర్లు, మలంలో రక్తస్రావం, వాంతులు లేదా కడుపు నొప్పి మొదలైన అనేక జీర్ణశయాంతర సమస్యలు ఏర్పడతాయి.

అలెర్జీ సమస్య..

పాలలో ఆక్సిటోసిన్ కల్తీ కారణంగా అలెర్జీ సమస్యలు వస్తాయి. అటువంటి పరిస్థితిలో దురద, శరీరంలోని ఏదైనా భాగంలో వాపు లేదా శ్వాస తీసుకోవడంలో ఇబ్బంది, ఛాతీ బరువుగా అనిపించవచ్చు.

వంధ్యత్వం.. 

ఆక్సిటోసిన్ కూడా పురుషులు, స్త్రీలలో వంధ్యత్వానికి కారణమవుతుంది. దీని అధిక పరిమాణం తల్లితోపాటు, పుట్టబోయే బిడ్డలో రుగ్మతలకు కారణమవుతుందని పలు పరిశోధనలు వెల్లడిస్తున్నాయి. 

ఆక్సిటోసిన్‌ ఇంజక్షన్‌ వాడిన గేదెల పాలు తాగితే అనేక సమస్యలు వస్తాయని వైద్యనిపుణులు అంటున్నారు. ప్రమాదకర హార్మోన్లు కలిసిన ఈ పాలు తాగితే క్యాన్సర్‌ వంటి మహమ్మారి జబ్బులు వస్తాయి. కళ్ల జబ్బులతో పాటు ఆడ పిల్లలు చిన్న వయస్సులోనే రజస్వల కావడం, వక్షోజాలు పెరగడంతో పాటు అనారోగ్యాలకు గురయ్యే ప్రమాదముందని వైద్యులు హెచ్చరిస్తున్నారు. 

ఇది కూడా చదవండి.. బరువు తగ్గించే నల్ల ఉప్పు.. 

ఇది కూడా చదవండి.. మహిళలకు రిగ్యులర్ గా ఎలాంటి హెల్త్ చెకప్స్ అవసరం..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.