మహిళలకు రిగ్యులర్ గా ఎలాంటి హెల్త్ చెకప్స్ అవసరం..?

సాక్షి లైఫ్ : క్రమం తప్పకుండా వ్యాయామం చేయడం, హెల్తీ ఫుడ్ తినడం, తగిన విశ్రాంతి తీసుకోవడం, రిఫ్రెష్ అవ్వడానికి కొంత సమయం కేటాయిస్తే ఆరోగ్యం చాలా బాగుంది. అయితే ప్రతి మహిళ చేయించు కోవాల్సిన ఆరోగ్య పరీక్షలు కొన్ని ఉన్నాయి.  ముందుగా ఈ ఆరోగ్య పరీక్షలు చేసుకోవడం ద్వారా వ్యాధిని ముదరకుండానే మొదట్లోనే నయం చేయవచ్చు. అందుకోసం ఏమేం పరీక్షలు చేయించుకోవాలంటే..? 

 ఇది కూడా చదవండి.. ఫ్యాటీ లివర్ అంటే ఏమిటి..?  
 
ప్రతి స్త్రీ క్రమం తప్పకుండా చేయించుకోవాల్సిన  కొన్ని రక్త పరీక్షలు..  

కంప్లీట్ బ్లడ్ కౌంట్ (సిబిసి).. 

 పరీక్ష ఎర్ర రక్త కణాలు, తెల్ల రక్త కణాలు, ప్లేట్‌లెట్‌లతో సహా రక్తంలోని వివిధ కణాలను కొలవడం ద్వారా మొత్తం ఆరోగ్యం గురించి సమాచారాన్ని తెలుస్తుంది. పరీక్షలో ఇచ్చిన స్థాయిలు రక్తహీనత, ఇన్ఫెక్షన్ లేదా రక్తం లోపం వంటి ఆరోగ్య సమస్యలను వెల్లడిస్తాయి.

లిపిడ్ ప్రొఫైల్..  

 గుండె సమస్యలు, స్ట్రోక్ ప్రమాదాన్ని అంచనా వేయడానికి మీ లిపిడ్ ప్రొఫైల్‌ను పర్యవేక్షించడం చాలా ముఖ్యం. ఈ పరీక్ష LDL (చెడు కొలెస్ట్రాల్), HDL (మంచి కొలెస్ట్రాల్) ట్రైగ్లిజరైడ్స్‌తో సహా కొలెస్ట్రాల్ స్థాయిలను కొలుస్తుంది. మహిళలు కొలెస్ట్రాల్ స్థాయిలను నిర్వహించడం చాలా ముఖ్యం. ఎందుకంటే మహిళల్లో మరణానికి గుండె జబ్బులు ప్రధాన కారణమవుతున్నాయి.

థైరాయిడ్ ఫంక్షన్ టెస్ట్.. 

థైరాయిడ్ ఫంక్షన్ టెస్ట్ మీ థైరాయిడ్ గ్రంథి పనితీరును కొలుస్తుంది. ఇది జీవక్రియ, శక్తి స్థాయిలను నియంత్రించడంలో ముఖ్యమైన పాత్ర పోషిస్తుంది. థైరాయిడ్ హార్మోన్ స్థాయిలలో అసమతుల్యత అలసట, బరువు మార్పు, మానసిక కల్లోలం వంటి లక్షణాలను కలిగిస్తుంది.

 
విటమిన్ "డి" స్థాయిలు.. 

 ఎముకల ఆరోగ్యం, రోగనిరోధకతోపాటు, మొత్తం శరీరానికి విటమిన్ "డి" చాలా అవసరం. మహిళల్లో విటమిన్ డి లోపం ఉంటే.. అలసట, బలహీనత, ఎముకల ఆరోగ్య సమస్యలు తలెత్తుతాయి.  

రక్తంలో చక్కెర స్థాయిలు.. 

 ప్రపంచవ్యాప్తంగా మిలియన్ల మంది ప్రజలను ప్రభావితం చేసే మధుమేహ వ్యాధిని గుర్తించడానికి, నిర్వహించడానికి రక్తంలో చక్కెర స్థాయిని పరీక్షించడం చాలా అవసరం. 

ఇది కూడా చదవండి.. International Mothers Day : అమ్మ ఆరోగ్యం కోసం ఏమేం చేయాలి..? 

ఐరన్.. 

 హిమోగ్లోబిన్ ఉత్పత్తికి ఐరన్ అవసరం. ఐరన్ లోపం వల్ల గర్భధారణ సమయంలో, అలసట, బలహీనత, మైకము వంటి లక్షణాలు కనిపిస్తాయి. ఐరన్ స్థాయిలను పరీక్షించడం వలన లోపాలను ముందుగానే గుర్తించి సమస్యలను నివారించవచ్చు. తద్వారా ఆరోగ్య కరమైన జీవితాన్ని గడపవచ్చు. 

ఇది కూడా చదవండి.. కార్బైడ్ తో పండిన పుచ్చకాయను తెలుసుకోవచ్చు ఇలా..  

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..