Cervical Spondylosis : సర్వైకల్ స్పాండిలోసిస్ నిర్ధారణలో ఏఐ.. 

సాక్షి లైఫ్ : వయసుపై బడిన తర్వాత వచ్చే వెన్నునొప్పి సమస్యలకు, ముఖ్యంగా 'సర్వైకల్ స్పాండిలోసిస్' అంటే మెడ ఎముకల అరుగుదల  నిర్ధారణకు ఇకపై ఆర్టిఫిషియల్ ఇంటెలిజెన్స్ (AI) ఉపయోగపడనుంది. సాధారణంగా వైద్యులకు సవాలుగా మారే ఈ వ్యాధి గుర్తింపులో ఏఐ మోడల్ అద్భుతమైన ఫలితాలను సాధించినట్లు తాజా అధ్యయనాలు వెల్లడిస్తున్నాయి.

ఇది కూడా చదవండి..లవ్ హార్మోన్ అంటే ఏమిటి..?

ఇది కూడా చదవండి..Latest study : పిల్లిని పెంచుకుంటే స్కిజోఫ్రెనియా ముప్పు రెట్టింపు..! 

ఇది కూడా చదవండి..High grade fever : హై గ్రేడ్ ఫీవర్ అంటే..? ఎందుకు వస్తుంది..?

మెడ నొప్పితో మొదలై.. తీవ్ర సమస్యల వరకు.. 

వయసు పెరిగే కొద్దీ వెన్నెముకలో వచ్చే మార్పుల వల్ల ఈ సర్వైకల్ స్పాండిలోసిస్ వస్తుంది. ఇది కేవలం మెడ నొప్పికే పరిమితం కాకుండా, ఇతర తీవ్రమైన లక్షణాలకు దారితీస్తుంది. చేతులు, మెడ భాగంలో విపరీతమైన నొప్పి, తిమ్మిర్లు వస్తాయి. తీవ్రమైన సందర్భాల్లో నడకలో తడబాటు (Gait disturbance). మూత్ర విసర్జనపై నియంత్రణ కోల్పోవడం (Incontinence).

రోగ నిర్ధారణలో ఉన్న చిక్కులేంటి..?

క్యాన్సర్ వంటి వ్యాధులతో పోలిస్తే, వెన్నుపూసలో వచ్చే సూక్ష్మమైన మార్పులను ఎక్స్-రే లేదా ఎంఆర్ఐ (MRI) స్కాన్లలో గుర్తించడం నిపుణులైన డాక్టర్లకు కూడా ఒక్కోసారి కష్టమవుతుంది. వెన్నుపూసల మధ్య దూరం తగ్గడం, వెన్నెముక సహజమైన వంపు కోల్పోవడం వంటి అంశాలను తప్పుగా అంచనా వేస్తే.. చికిత్స విఫలమయ్యే అవకాశం ఉంది.

ఏఐ (AI) తో వేగవంతమైన పరిష్కారం..

ఇటీవల నిర్వహించిన ఒక అధ్యయనంలో, కృత్రిమ మేధస్సు ఆధారంగా రూపొందించిన 'డీప్ లెర్నింగ్ మోడల్' సీనియర్ రేడియాలజిస్టులతో సమానంగా వ్యాధిని గుర్తించినట్లు తేలింది.
సగటున 54 ఏళ్ల వయసున్న రోగుల నుంచి సేకరించిన ఎక్స్-రే, ఎంఆర్ఐ డేటాతో ఈ మోడల్‌ను శిక్షణ ఇచ్చారు. నిపుణులైన వైద్యుల కంటే ఈ ఏఐ మోడల్ చాలా వేగంగా (Efficiency) ఫలితాలను అందించింది. దీనివల్ల వైద్యులపై పనిభారం తగ్గడమే కాకుండా, తక్కువ సమయంలోనే ఖచ్చితమైన చికిత్సను ప్రారంభించవచ్చు.

సవాళ్లు, పరిమితులు.. 

ఈ సరికొత్త సాంకేతికత అందుబాటులోకి వస్తున్నప్పటికీ, కొన్ని లోటుపాట్లు ఉన్నాయని పరిశోధకులు హెచ్చరిస్తున్నారు. ఈ అధ్యయనంలో 60 శాతానికి పైగా పురుషుల డేటాను వాడారు. దీనివల్ల మహిళల విషయంలో ఈ మోడల్ ఎంతవరకు ఖచ్చితంగా పనిచేస్తుందనే దానిపై స్పష్టత రావాల్సి ఉంది. ఈ డేటా ఇంకా బహిరంగంగా అందుబాటులో లేదు. ఇతర స్వతంత్ర సంస్థలు దీనిని పరీక్షించాల్సి ఉంది. మారుతున్న జీవనశైలి కారణంగా నేటి కాలంలో యువతలో కూడా మెడ నొప్పి సమస్యలు పెరుగుతున్నాయి. ఇలాంటి తరుణంలో ఏఐ సాయంతో త్వరగా రోగ నిర్ధారణ జరిగితే, మెరుగైన ఫలితాలు పొందే అవకాశం ఉంటుంది.

ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..?

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

ఇది కూడా చదవండి..ఎలాంటి కొలెస్ట్రాల్ ఆరోగ్యానికి హానికరం..?

ఇది కూడా చదవండి..వేగంగా బరువు తగ్గించే ఓట్జెంపిక్ డ్రింక్ ట్రెండ్.. డైటీషియన్లు ఏమంటున్నారంటే..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.