అధిక కొలెస్ట్రాల్ ప్రారంభ సంకేతాలు ఎలా ఉంటాయి..?  

సాక్షి లైఫ్ : ప్రస్తుత తరంలో వేగంగా మారుతున్న జీవనశైలి ప్రజలను అనేక సమస్యలకు గురిచేస్తోంది. మధుమేహం, బీపీ వంటి సమస్యలు ఈ రోజుల్లో సర్వసాధారణమైపోయాయి. దీని కారణంగా ప్రజలు ఎక్కువగా పలు రకాల అనారోగ్య సమస్యల బారిన పడుతున్నారు. ఈ సమస్యలలో అధిక కొలెస్ట్రాల్ ఒకటి. ఇలాంటి కేసులు ఇటీవల వేగంగా పెరుగుతున్నాయి.

ఇది కూడా చదవండి.. భారతీయ ఆహార మార్గదర్శకాలను విడుదల చేసిన ఎన్ఐఎన్

డబ్ల్యూ హెచ్ఓ..  

శరీరంలో పెరిగిన కొలెస్ట్రాల్ అనేక తీవ్రమైన ఆరోగ్య సమస్యలను కలిగిస్తుంది. అధిక కొలెస్ట్రాల్ స్థాయిలు గుండె జబ్బుల ప్రమాదాన్ని పెంచుతున్నాయని ప్రపంచ ఆరోగ్య సంస్థ (డబ్ల్యూ హెచ్ ఓ)గణాంకాలు చెబుతున్నాయి. అటువంటి పరిస్థితిలో పెరిగిన కొలెస్ట్రాల్ నుఎలా గుర్తించాలి..? ఆయా సంకేతాలు ఎలా ఉంటాయనేది ఇప్పుడు తెలుసుకుందాం.. 

కొన్ని లక్షణాలను గుర్తించడం ద్వారా తీవ్రమైన పరిస్థితిని నిరోధించవచ్చు.  మంచి కొలెస్ట్రాల్‌ను అధిక సాంద్రత కలిగిన లిపోప్రొటీన్ (HDL) అంటారు. ఇది రక్తప్రవాహం నుండి కొలెస్ట్రాల్‌ను తొలగిస్తుంది. తక్కువ సాంద్రత కలిగిన లిపోప్రొటీన్ (LDL) అనేది "చెడు" కొలెస్ట్రాల్.

అధిక కొలెస్ట్రాల్ సంకేతాలు..

అధిక రక్త పోటు..  

 కొలెస్ట్రాల్ ఫలకం, కాల్షియం ధమనులను గట్టిగా చేస్తాయి. దీని కారణంగా రక్తాన్ని పంప్ చేయడానికి గుండెపై మరింత ఒత్తిడి పడుతుంది. తద్వారా  రక్తపోటును పెరుగుతుంది.

టెన్షన్..  

ఈ రోజుల్లో ప్రజలు అనేక కారణాల వల్ల ఒత్తిడికి గురవుతున్నారు. కొలెస్ట్రాల్ స్థాయి పెరగడానికి కూడా స్ట్రెస్ అనేది కారణమవుతుంది. వాస్తవానికి, అధిక స్థాయి కొలెస్ట్రాల్ కార్టిసాల్ అనే ఒత్తిడి హార్మోన్ ఉత్పత్తిని పెంచుతుంది. దీని వల్లే ఒత్తిడి తీవ్రంగా పెరుగుతుంది.

అలసట.. 

శరీరంలో కొలెస్ట్రాల్ స్థాయిలు పెరిగితే అది శారీరక అలసటకు  దారితీస్తుంది.  

ఛాతీలో నొప్పి.. 

(ఎల్డీఎల్) కొలెస్ట్రాల్ అధిక స్థాయికి ప్రారంభ సంకేతం ఛాతీ నొప్పి. గుండెకు రక్తాన్ని తీసుకువచ్చే ధమనులను నిరోధించినప్పుడు గుండె కండరాలకు తగినంత రక్తం లభించదు, ఇది ఛాతీ నొప్పికి కారణమవుతుంది.

ఇది కూడా చదవండి.. చిన్న సూదితో రోగాలు నయమవుతాయా..? 

ఇది కూడా చదవండి.. కిడ్నీలకు హాని కలిగించే ఫుడ్..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..