చిన్నారుల్లో జలుబు సమస్యా..? ఇవిగో చిట్కాలు..!  

సాక్షి లైఫ్ : ప్రతిసారీ సీజన్ మారగానే ఒక్కసారిగా జలుబు వస్తూ ఉంటుంది. పెద్దవాళ్లయితే ఏదో విధంగా తట్టుకుంటారు కానీ పిల్లలు నీరసించి పోతారు. ఒకరి నుంచి ఒకరికి వెంటనే వ్యాపించే ఈ జలుబు, దగ్గు, గొంతు ఇన్ఫెక్షన్ నివారణకు చిట్కాలు.

-జలుబు, జ్వరం లక్షణాలు కనిపించగానే ఎక్కువ హానికరం కాని సిరప్ లు వాడవచ్చు. 

-జలుబు పూర్తిగా తగ్గేవరకు రోజుకు మూడుసార్లు వేడి నీళ్లలో ఉప్పు వేసుకొని పుక్కిటపట్టించాలి.

-రోజుల్లో కనీసం మూడు సార్లయినా పసుపు లేదా, అదులో ఉంటే జండూబామ్‌లో వేసుకుని ఆవిరి పడితే జలుబు త్వరగా తగ్గడంతో పాటు ఉపశమనం కలుగుతుంది.

-ఈ సీజన్‌లో నీళ్ల నుంచి అనేక జబ్బులు వ్యాపిస్తాయి. కాబట్టి పిల్లలు, పెద్దల దాకా అందరూ కాచి, చల్లార్చి వడపోసిన నీళ్లు మాత్రమే తాగితే మంచిది.

-జలుబు లక్షణాలను త్వరగా తగ్గించే వాటిలో ముఖ్యమైనది నిమ్మకాయ.. 

-గోరువెచ్చటి నీళ్లలో నిమ్మరసం, కాస్త తేనె కలుపుకొని రోజుకు రెండుసార్లు తీసుకోవడం వల్ల శరీరంలో రోగనిరోధక శక్తి పెరుగుతుంది. 

-మిరియాలు, వెల్లుల్లి, అల్లం ముక్కు దిబ్బడను తగ్గించడంతో పాటు, జలుబు చేసిన సమయంలో రిలీఫ్‌గా ఉండేందుకు తోడ్పడతాయి.

- పిల్లలు జలుబుతో బాధపడుతున్నప్పుడు వారికి ఆరారాగా మంచినీరు తాగిస్తుండటం వల్ల కోల్పోయిన నీటి శాతం భర్తీ అయి శరీరానికి వ్యాధితో సమర్థంగా పోరాడగల శక్తి వస్తుంది.

- జలుబు తీవ్రంగా ఉన్నప్పుడు ఆవనూనెకు వెల్లుల్లి కలిపి చిన్నారి ఛాతీపైనా, మెడ, వీపు భాగాల్లోనూ మసాజ్‌ చేయాలి.

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.