పిల్లులు స్కిజోఫ్రీనియా ప్రమాదాన్నిపెంచుతాయా..? 

సాక్షి లైఫ్ : పిల్లులు మనకు ప్రియమైన స్నేహితులు, ఇంట్లో సంతోషాన్ని నింపే పెంపుడు జంతువులు. ఇటీవల ఓ అధ్యయనం పిల్లులు స్కిజోఫ్రీనియా వంటి మానసిక రుగ్మతల ప్రమాదాన్ని పెంచవచ్చని సూచించినప్పటికీ, ఈ సమస్యను అర్థం చేసుకోవడానికి, నివారించడానికి శాస్త్రవేత్తలు చేస్తున్న కృషి చేస్తున్నారు. ఈ అధ్యయనం భయం కలిగించడానికి కాదు. మరింత అవగాహనతో ఆరోగ్యకరమైన జీవనశైలిని అలవరచుకోవడానికి దోహదం చేస్తోంది.

ఇది కూడా చదవండి..ఫర్ క్వాలిటీ స్లీప్ : ఎలాంటి మార్పుల ద్వారా నాణ్యమైన నిద్ర పొందవచ్చు..?

ఇది కూడా చదవండి..స్లీప్ మాక్సింగ్ ట్రెండ్ ఆరోగ్యానికి ప్రమాదకరమా..?

ఇది కూడా చదవండి..ప్రోటీన్ లోపంవల్ల తలెత్తే 6 అనారోగ్య సమస్యలు..?

ఆస్ట్రేలియాలోని క్వీన్స్‌లాండ్ విశ్వవిద్యాలయం పరిశోధకులు 44 సంవత్సరాలలో 11 దేశాల నుంచి సేకరించిన 17 అధ్యయనాలను విశ్లేషించారు. పిల్లులతో దగ్గరగా ఉండడం  వల్ల స్కిజోఫ్రీనియా ప్రమాదం కొంత పెరిగే అవకాశం ఉందని శాస్త్రవేత్తలు కనుగొన్నారు. ముఖ్యంగా టాక్సోప్లాస్మా గొండి అనే పరాన్నజీవి ద్వారా ఇది పెరుగుతుందని చెప్పారు. అయితే, ఈ అధ్యయనం స్పష్టమైన కారణ పరిణామ సంబంధాన్ని నిరూపించలేదు, అంటే పిల్లులు ఉండటమే నేరుగా ఈ రుగ్మతకు కారణం కాదని నిపుణులు చెబుతున్నారు.

శుభవార్త ఏమిటి..? ఈ అధ్యయనం మనకు ముఖ్యమైన ఆరోగ్య చిట్కాలను అందిస్తోంది! టాక్సోప్లాస్మా గొండి సమస్యను సులభంగా నివారించవచ్చు. నిపుణులు సూచించే కొన్ని సాధారణ చర్యలు:

 పరిశుభ్రత.. పిల్లి లిట్టర్ బాక్స్‌ను శుభ్రం చేసిన తర్వాత చేతులను బాగా కడగడం.

  పిల్లుల ఆహారం.. పిల్లులకు సరిగా ఉడకని మాంసం ఇవ్వకుండా, శుద్ధి చేసిన ఆహారం అందించడం.

 ఇంట్లో ఉంచడం.. 

పిల్లులను ఇంటి లోపలే ఉంచడం వల్ల అవి బయటి నుంచి పరాన్నజీవులను తెచ్చే అవకాశం తగ్గుతుంది. అంతేకాదు, భారతదేశంలోని అనేక ఆరోగ్య సంస్థలు, వైద్య నిపుణులు ఈ పరాన్నజీవి గురించి అవగాహన కల్పిస్తున్నారు. గర్భిణీ స్త్రీలు, చిన్న పిల్లల కోసం టాక్సోప్లాస్మోసిస్ నివారణపై ప్రత్యేక కార్యక్రమాలు చేపడుతున్నారు. ఇప్పటికే హైదరాబాద్‌లోని కొన్ని ఆస్పత్రులు ఉచిత స్క్రీనింగ్, సలహాలు ఇతర అవగాహనా  కార్యక్రమాలను నిర్వహిస్తున్నాయి.

ఇది కూడా చదవండి..లవ్ హార్మోన్ అంటే ఏమిటి..?

ఇది కూడా చదవండి..పచ్చకామెర్లు ప్రాణాలకు ప్రమాదమా..?

ఇది కూడా చదవండి..కిడ్నీడ్యామేజ్ అయ్యే ముందు కనిపించే 5 లక్షణాలు.. 

ఇది కూడా చదవండి..కాలేయంలోని వ్యర్థాలను ఎలా తొలగించాలి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..