స్కిజోఫ్రెనియాకు ప్రధాన కారణాలు..?

సాక్షి లైఫ్ : మెదడులో డోపమైన్ అనే న్యూరోట్రాన్స్మిటర్ ఉంటుంది. ఇది మెదడు, శరీరాన్ని సమన్వయం చేయడానికి పనిచేస్తుంది, కానీ కొన్ని కారణాల వల్ల డోపమైన్ పరిమాణం పెరుగుతుంది. ఈ పరిస్థితినే "స్కిజోఫ్రెనియా" అంటారు. స్కిజోఫ్రెనియా అనేది తీవ్రమైన మానసిక రుగ్మత. ఇది కొందరిలో ఒక్కసారి వస్తే జీవితాంతం పోరాడుతూనే ఉండాల్సి ఉంటుంది. దీనితో బాధపడుతున్న వ్యక్తి తన ఊహలే వాస్తవమని నమ్ముతాడు. తరచుగా గందరగోళ స్థితిలో ఉంటాడు.

ఇది కూడా చదవండి.. అధిక కొలెస్ట్రాల్ ప్రారంభ సంకేతాలు ఎలా ఉంటాయి..?  

ప్రపంచ ఆరోగ్య సంస్థ ప్రకారం ప్రపంచ జనాభాలో సుమారు 1 శాతం మంది స్కిజోఫ్రెనియాతో బాధపడుతున్నారు. అయితే భారతదేశంలో ఈ వ్యాధి బారీన పడిన రోగుల సంఖ్య దాదాపు 40 లక్షలు.

మానసిక సమస్యలు..

సరైన జీవనశైలి, సరైన పోషకాహారం తీసుకోకపోవడం వల్ల కూడా స్కిజోఫ్రెనియాకు దారితీయవచ్చు. "తక్కువ ఆహారం, వ్యాయామం లేకపోవడం, మాదకద్రవ్య దుర్వినియోగం, నిద్రలేమి వంటి అనారోగ్య సమస్యలతో బాధపడుతున్న వ్యక్తులలో స్కిజోఫ్రెనియాతో పాటు ఇతర మానసిక ఆరోగ్య సమస్యలు పెరిగే ప్రమాదం ఎక్కువగా ఉంటుందని వైద్యనిపుణులు చెబుతున్నారు. 

 పోషకాహార లోపాలు, ముఖ్యంగా అవసరమైన కొవ్వు ఆమ్లాలు, విటమిన్లు ,ఖనిజాలలో లోపాలు మెదడు పనితీరును దెబ్బతీస్తాయి. స్కిజోఫ్రెనియాకు జన్యు పరంగా ఎవరికైనా ఉంటే కుటుంబంలో మరెవరికైనా వచ్చే అవకాశం ఉంటుందని పరోశోధకులు వెల్లడిస్తున్నారు. 

దీర్ఘకాలిక ఒత్తిడి , జీవనశైలి న్యూరోఇన్‌ఫ్లమేషన్ , న్యూరోట్రాన్స్మిటర్ల  క్రమబద్దీకరణకు కారణమవుతాయి. ఇవి ఈ వ్యాధి సంభవించడంలో ముఖ్యమైన పాత్ర పోషిస్తాయి. కాబట్టి ప్రపంచ స్కిజోఫ్రెనియా దినోత్సవం సందర్భంగా మనం సమతుల్య ఆహారం, క్రమం తప్పకుండా శారీరక శ్రమ, తగినంత నిద్ర, ఒత్తిడిని తగ్గించడం ద్వారా ప్రమాదాన్ని తగ్గించడానికి అవకాశం ఉంటుందని మానసిక నిపుణులు చెబుతున్నారు. 

ఇది కూడా చదవండి.. బ్యాక్టీరియా కారణంగా ఎలాంటి వ్యాధులు వస్తాయి..? 

ఇలాంటి కచ్చితమైన ఆరోగ్య సమాచారాన్ని అనుభవజ్ఞులైన వైద్య నిపుణులు అందించే మరిన్ని విషయాలను గురించి మీరు తెలుసుకోవాలంటే సాక్షి లైఫ్ ను ఫాలో అవ్వండి..  

ఇది కూడా చదవండి.. షుగర్ ఉన్నవారు ఎలాంటి బ్యాలెన్స్డ్ డైట్ తీసుకోవాలి..?  

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.