Soaked Chickpeas : నానబెట్టిన శనగలు తింటే కలిగే అమేజింగ్ హెల్త్ బెనిఫిట్స్ ఇవే..!

సాక్షి లైఫ్ : శరీర దృఢత్వానికి, సంపూర్ణ ఆరోగ్యానికి అవసరమైన పోషకాలు లభించాలంటే ఖరీదైన ఆహారాలే తినాల్సిన పనిలేదు. మన వంటింట్లో సులభంగా దొరికే పోషకాల గని శనగలు. రాత్రిపూట నీటిలో నానబెట్టి, ఉదయం పూట ఖాళీ కడుపుతో లేదా అల్పాహారంలో తీసుకుంటే శరీరానికి అద్భుతమైన ప్రయోజనాలు చేకూరుతాయని పోషకాహార నిపుణులు చెబుతున్నారు. ప్రొటీన్లు, పీచు పదార్థం (fiber), సంక్లిష్ట కార్బోహైడ్రేట్లు సమృద్ధిగా ఉండే నానబెట్టిన శనగలను నిత్యం తీసుకోవడం వల్ల శరీరానికి కలిగే కీలక ఆరోగ్య ప్రయోజనాలేమిటో చూద్దాం.. 

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి..చిన్నారులలో అరుదైన జన్యుపరమైన వ్యాధుల నిర్ధారణకు సరికొత్త రక్త పరీక్ష.. 

ఇది కూడా చదవండి..రోజూ బెల్లం తింటే బరువు పెరుగుతారా..? 

రోజంతా సరిపడా శక్తి..

రాత్రి నానబెట్టిన శనగల్లో ఉండే సంక్లిష్ట కార్బోహైడ్రేట్లు నెమ్మదిగా జీర్ణమవుతూ శరీరానికి రోజంతా నిలకడైన శక్తిని అందిస్తాయి. శారీరక శ్రమ ఎక్కువగా చేసేవారికి, వ్యాయామం చేసేవారికి ఇది సహజసిద్ధమైన ఎనర్జీ బూస్టర్‌లా పనిచేస్తుంది.

కండరాల పటుత్వం.. బరువు నియంత్రణ.. 

కండరాల నిర్మాణం, కణాల పునరుద్ధరణకు ప్రొటీన్ అత్యంత కీలకం. నానబెట్టిన శనగలు నాణ్యమైన శాకాహార ప్రొటీన్‌కు మంచి వనరు.
ఇందులోని ప్రొటీన్, పీచు కలయిక వల్ల కడుపు ఎక్కువ సమయం నిండిన భావన కలుగుతుంది. అనవసరపు చిరుతిళ్లు తినాలనే కోరిక తగ్గి, బరువు అదుపులో ఉంచుకోవడానికి దోహదపడుతుంది.

జీర్ణవ్యవస్థ పనితీరు మెరుగు.. 

శనగల్లో పీచు పదార్థం అధికం. ఇది జీర్ణక్రియను వేగవంతం చేసి పేగుల కదలికలను సులభతరం చేస్తుంది. దీర్ఘకాలిక మలబద్ధకం సమస్యతో బాధపడేవారికి ఇది దివ్యౌషధంలా పనిచేస్తుంది.అయితే, మొదటిసారి తినేవారు తక్కువ పరిమాణంతో మొదలుపెట్టడం మంచిది. ఒకేసారి అధిక మోతాదులో తీసుకుంటే కొందరిలో గ్యాస్ లేదా కడుపుబ్బరం వంటి సమస్యలు వచ్చే అవకాశం ఉంది.

మధుమేహం, గుండె ఆరోగ్యానికి రక్షణ..

తక్కువ గ్లైసిమిక్ ఇండెక్స్ (Low GI)..శనగల గ్లైసిమిక్ ఇండెక్స్ చాలా తక్కువగా ఉండటం వల్ల ఇవి రక్తంలో గ్లూకోజ్ స్థాయిలను ఒక్కసారిగా పెరగనివ్వవు. పీచు పదార్థం ఇన్సులిన్ పనితీరును మెరుగుపరిచి మధుమేహాన్ని నియంత్రణలో ఉంచుతుంది. గుండెకు మేలు..శనగల్లోని కరిగే పీచు పదార్థం శరీరంలోని చెడు కొలెస్ట్రాల్ (LDL) శాతాన్ని తగ్గించడంలో తోడ్పడుతుంది. ఫలితంగా రక్తనాళాల్లో పూడికలు ఏర్పడే ప్రమాదం తగ్గి, గుండె ఆరోగ్యం మెరుగవుతుంది.

ఇది కూడా చదవండి.. మీరు ఆరోగ్యంగా బరువు తగ్గాలంటే..? 

ఇది కూడా చదవండి.. టీబీని సకాలంలో గుర్తించకపోతే ఏమౌతుంది..? 

 ఇది కూడా చదవండి.. ఎర్ర రక్త కణాలు, తెల్ల రక్త కణాల మధ్య వ్యత్యాసం..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.