Not Just Eggs and Paneer : గుడ్డు, పనీర్ మాత్రమే కాదు.. ఈ పప్పులలోనూ బోలెడు ప్రొటీన్..!
సాక్షి లైఫ్ : శరీరానికి అవసరమైన అనగానే మనకు ముందుగా గుర్తొచ్చేవి కోడిగుడ్లు, పాలు, పనీర్ లేదా మాంసాహారం. కానీ, రోజూ మనం తినే పప్పు ధాన్యాల్లోనూ శరీరానికి అవసరమైన ప్రొటీన్ పుష్కలంగా దొరుకుతుందని మీకు తెలుసా..? ముఖ్యంగా శాఖాహారులు తమ డైట్లో ప్రొటీన్ శాతాన్ని పెంచుకోవడానికి ఈ పప్పులు, గింజలను ఆహారంలో చేర్చుకుంటే ఎంతో మేలు. అవేంటో చూద్దాం..
ఇది కూడా చదవండి.. లవ్ హార్మోన్ అంటే ఏమిటి..?
ఇది కూడా చదవండి.. గుండె నొప్పిని ఎలా గుర్తించవచ్చు..?
ఇది కూడా చదవండి..ఓరల్ క్యాన్సర్ కు కారణాలు..?
ఇది కూడా చదవండి.. మీరు ఆరోగ్యంగా బరువు తగ్గాలంటే..?
1. పెసర పప్పు (Moong Dal)..
పప్పు ధాన్యాల్లో పెసర పప్పు చాలా తేలికైనది, త్వరగా జీర్ణమవుతుంది. దీన్ని వండటం కూడా చాలా సులభం. ఆహారంలో కేవలం పప్పులాగే కాకుండా కిచిడీ, పెసరట్టు, సలాడ్స్ లేదా మొలకల రూపంలో కూడా తీసుకోవచ్చు. పెసల్లో ప్రొటీన్తో పాటు జీర్ణవ్యవస్థకు మేలు చేసే పీచు పదార్థం (ఫైబర్) కూడా సమృద్ధిగా ఉంటుంది.
2. ఎర్ర కందిపప్పు (Masoor Dal)..
నిత్యం తినే ఆహారంలో ఎర్ర కందిపప్పును సులభంగా చేర్చుకోవచ్చు. దీన్ని పప్పుగా, సూప్గా లేదా ఇతర వంటకాల్లో కలిపి వాడొచ్చు. ప్రొటీన్, ఫైబర్ అధికంగా ఉండే ఈ పప్పు.. రోజువారీ పోషకాల అవసరాన్ని తీర్చడంలో అద్భుతంగా పనిచేస్తుంది.
3. శనగ పప్పు (Chana Dal)..
రుచికే కాకుండా ఆరోగ్యానికి కూడా శనగ పప్పు ఎంతో మేలు చేస్తుంది. దీంతో పప్పు, కూరలే కాకుండా చిరుతిళ్లు కూడా చేసు కోవచ్చు. శనగల్లో ప్రొటీన్, పీచు పదార్థాలు మెండుగా ఉండటం వల్ల ఇది శరీరానికి మంచి శక్తినిస్తుంది.
4. రాజ్మా (Rajma)..
రాజ్మా అనగానే చాలామందికి రాజ్మా-అన్నం కాంబినేషన్ గుర్తొస్తుంది. ఇందులో ప్రొటీన్తో పాటు అత్యధిక స్థాయిలో ఫైబర్ ఉంటుంది. రాజ్మాను కూరలాగే కాకుండా ఉడికించి సలాడ్స్లోనూ వాడుకోవచ్చు. మొక్కల ద్వారా లభించే ప్రొటీన్ (plant-based protein) కావాలనుకునేవారికి ఇది బెస్ట్ ఆప్షన్.
5. సోయాబీన్ (Soybean)..
మీ డైట్లో ప్రొటీన్ డోస్ అమాంతం పెరగాలంటే సోయాబీన్ సరైన ఎంపిక. వీటిని నానబెట్టి, ఉడికించి కూరలుగా చేసుకోవచ్చు. మాంసాహారానికి దీటుగా ప్రొటీన్ అందించే సోయాను తరచూ తీసుకుంటే కండరాల పుష్టి కలుగుతుంది.
పప్పులు తింటున్నారా..? అయితే ఈ విషయాలు గుర్తుంచుకోండి..
మార్చి మార్చి తినండి.. రోజూ ఒకే రకమైన పప్పు తినకుండా, రకరకాల పప్పులను మీ డైట్లో చేర్చుకోండి. దీనివల్ల అన్ని రకాల పోషకాలు అందుతాయి. సరైన కాంబినేషన్.. పప్పులను అన్నం లేదా రోటీతో కలిపి తీసుకున్నప్పుడు శరీరానికి సంపూర్ణమైన ప్రొటీన్ అందుతుంది. పప్పులు, ముఖ్యంగా రాజ్మా లాంటి గింజలను వండే ముందు కచ్చితంగా తగినంత సమయం నీటిలో నానబెట్టాలి. సగం ఉడికినవి తింటే జీర్ణ సమస్యలు, గ్యాస్ వస్తాయి. కాబట్టి మెత్తగా, సరిగ్గా ఉడికిన తర్వాతే తినాలి.
ఇది కూడా చదవండి..సహజంగా ఆక్సిటోసిన్ పెంచడానికి మార్గాలు..
ఇది కూడా చదవండి..చెడు కొలెస్ట్రాల్ ను నియంత్రించే పనస పండు..
ఇది కూడా చదవండి..రోజూ బెల్లం తింటే బరువు పెరుగుతారా..?
ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..?
గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..
