బ్లడ్ ప్రెజర్ కు 'త్రిబుల్ థ్రెట్'.. ఈ మూడే ప్రధాన కారణాలు..?  

సాక్షి లైఫ్ : గుండె సంబంధిత వ్యాధుల నివారణకు రక్తపోటు (హైపర్‌టెన్షన్) నియంత్రణ అత్యంత కీలకం. దీనికి అవగాహన, జీవనశైలిలో మార్పులు, చికిత్సకు కట్టుబడి ఉండటం వంటి సమగ్ర విధానం అవసరం. తాజాగా ICMR-INDIAB అధ్యయనం ప్రకారం, భారత జనాభాలో 30.7% మందికి రక్తపోటు ఉన్నట్లు నివేదించింది. అంటే, ప్రతి నలుగురు భారతీయ పెద్దలలో సుమారు ఒకరు హైపర్‌టెన్షన్‌తో బాధపడుతున్నారు. రాబోయే సంవత్సరాల్లో ఈ సంఖ్య మరింత పెరిగే అవకాశం ఉందని అంచనా వేస్తున్నారు.

ఇది కూడా చదవండి.. గుండెపోటు : 'గోల్డెన్ అవర్' అంటే ఏమిటి..? 

ఇది కూడా చదవండి.. ఇరిటబుల్ బవెల్ సిండ్రోమ్ అంటే ఏమిటి..?  

ఇది కూడా చదవండి.. టాటూ వేయించుకున్న వాళ్లు రక్తదానంచేయకూడదా..?

రక్తపోటు నేడు "జీవనశైలి" సంబంధిత వ్యాధిగా మారింది. సిస్టోలిక్ రక్తపోటు 130 mmHg లేదా అంతకంటే ఎక్కువ, డయాస్టోలిక్ రక్తపోటు 80 mmHg లేదా అంతకంటే ఎక్కువ ఉంటే దానిని అధిక రక్తపోటు అంటారు.

డిజిటల్ యుగంలో రక్తపోటుకు "త్రిబుల్ థ్రెట్" కారణమని వైద్యనిపుణులు వెల్లడిస్తున్నారు. భారతదేశంలో దాగి ఉన్న హైపర్‌టెన్షన్ సంక్షోభానికి ప్రధానంగా ప్రస్తుత జీవనశైలి కారణమని వారు అంటున్నారు. ముఖ్యంగా యువకులలో రక్తపోటు పెరుగుదలకు ఉప్పు, ఒత్తిడి, స్క్రీన్ టైమ్ కారణమవుతున్నాయని ఈ "త్రిబుల్ థ్రెట్" కారణంగానే మరింతగా బీపీ కేసులు పెరుగుతున్నాయని పరిశోధకులు చెబుతున్నారు.   

ఆ మూడు ఇవే...

-ఉప్పు (SALT).. 

అధిక ఉప్పు వినియోగం రక్తపోటు పెరగడానికి కారణమవుతుంది. సోడియం శరీరంలో నీటిని నిలుపుతుంది, ఇది రక్త పరిమాణాన్ని పెంచుతుంది. తద్వారా రక్తపోటు పెరుగుతుంది. ప్రాసెస్ చేసిన ఆహారాలలో సోడియం అధికంగా ఉంటుంది, కొన్నిసార్లు సిఫార్సు చేసిన పరిమితులను (రోజుకు 5 గ్రాముల కంటే తక్కువ ఉప్పు) మించిపోతుంది. ఉప్పు తీసుకోవడం తగ్గించడం ద్వారా హైపర్‌టెన్షన్ ఉన్న రోగులలో సిస్టోలిక్ రక్తపోటును 4-8 mmHg తగ్గించవచ్చని అధ్యయనాలు చెబుతున్నాయి.

 ఒత్తిడి (STRESS).. 

 దీర్ఘకాలిక ఒత్తిడి కాలక్రమేణా రక్తపోటును పెంచుతుంది. ఇది సింపథెటిక్ నాడీ వ్యవస్థను యాక్టివేట్ చేస్తుంది. కార్టిసాల్, అడ్రినలిన్ వంటి హార్మోన్లను విడుదల చేస్తుంది. ఇవి గుండె కొట్టుకునే రేటును, రక్తపోటును పెంచుతాయి. స్వల్పకాలిక రక్తపోటు నియంత్రణలో లేకపోతే, దీర్ఘకాలిక హైపర్‌టెన్షన్‌కు దారితీయవచ్చు. మైండ్‌ఫుల్‌నెస్, డీప్ బ్రీతింగ్ వ్యాయామాలు, థెరపీలు ఒత్తిడిని తగ్గించి రక్తపోటును అదుపులో ఉంచుతాయి.

3. స్క్రీన్ టైమ్ (SCREEN TIME).. 

అధిక స్క్రీన్ టైమ్ కేవలం శారీరక శ్రమ లేని జీవనశైలిని ప్రోత్సహించడమే కాకుండా, నిద్ర నాణ్యతను కూడా తగ్గిస్తుంది. దీనివల్ల రక్తపోటు పెరుగుతుంది. ఈ ప్రభావం ఇప్పుడు పిల్లలు, కౌమారదశలో ఉన్నవారిలో కూడా ఆందోళనకరంగా తరచుగా కనిపిస్తుంది.

ఇది కూడా చదవండి.. ప్రీమెన్‌ స్ట్రువల్ సిండ్రోమ్ వచ్చేముందు లక్షణాలు ఎలా ఉంటాయి..?

 ఇది కూడా చదవండి.. శరీరంలో ప్లేట్‌లెట్స్‌ కౌంట్‌ ఎంత ఉండాలి..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.