Unnecessary Mental Stress : థైరాయిడ్ పరీక్షలు అనుమానం ఉంటేనే చేయించుకోవాలా..?

సాక్షి లైఫ్ : ఒళ్ళు నొప్పులుగా ఉన్నాయనో, కాస్త బరువు పెరిగామనో వెంటనే థైరాయిడ్ పరీక్షలు చేయించుకోవడం ఈ మధ్య కాలంలో పరిపాటిగా మారింది. అయితే, కేవలం లక్షణాలను చూసి కాకుండా, డాక్టర్ల క్లినికల్ పరీక్షల తర్వాతే థైరాయిడ్ పరీక్షలు చేయించుకోవాలని వైద్య నిపుణులు సూచిస్తున్నారు. సోషల్ మీడియా సలహాలతో చేసే 'క్యాజువల్ టెస్టులు' లేనిపోని మానసిక ఒత్తిడికి దారితీస్తున్నాయని హెచ్చరిస్తున్నారు.

ఇది కూడా చదవండి..Weight loss : బరువు తగ్గడం కోసం 'ఫేక్ ఫాస్టింగ్' ఉపయోగపడుతుందా..?

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

ఇది కూడా చదవండి.. నెయ్యి వేడి నీటిలో కలిపి తాగితే ఆరోగ్యానికి ఎంత మంచిదో తెలుసా..? 

లక్షణాల మధ్య సందిగ్ధత..

థైరాయిడ్ గ్రంథి విడుదల చేసే హార్మోన్లు (T3, T4) మెటబాలిజంను నియంత్రిస్తాయి. ఇందులో తేడాలు వస్తే 'హైపో థైరాయిడిజం' అంటే తక్కువగా పనిచేయడం లేదా 'హైపర్ థైరాయిడిజం' అంటే అతిగా పనిచేయడం వంటి సమస్యలు వస్తాయి. హైపో థైరాయిడిజం విషయంలో నీరసం, బరువు పెరగడం, మలబద్ధకం, చర్మం పొడిబారడం వంటి లక్షణాలు కనిపిస్తాయి. హైపర్ థైరాయిడిజం విషయంలో ఆకలి పెరిగినా బరువు తగ్గడం, గుండె వేగం పెరగడం, అధికంగా చెమటలు పట్టడం వంటివి ఉంటాయి. అయితే, ఆధునిక జీవనశైలిలో వచ్చే ఒత్తిడి, నిద్రలేమి, ఆహారపు అలవాట్ల వల్ల కూడా ఇవే లక్షణాలు కనిపిస్తాయని వైద్యులు చెబుతున్నారు. ముఖ్యంగా మహిళల్లో మెనోపాజ్ సమయంలో వచ్చే మార్పులు కూడా థైరాయిడ్ లక్షణాలను పోలి ఉంటాయి.

వైద్యుల సూచనలు..

అవగాహన ముఖ్యం..హెల్త్ ప్యాకేజీల్లో భాగంగా వచ్చే స్వల్ప తేడాలను చూసి భయపడకూడదు. స్వల్ప మార్పులు ఉన్నంత మాత్రాన అది వ్యాధి అని చెప్పలేము. నిపుణుల పర్యవేక్షణ.. పరీక్షా నివేదికలను డాక్టర్లు మాత్రమే విశ్లేషించాలి. తప్పుడు విశ్లేషణల వల్ల అనవసరపు మందులు వాడాల్సిన పరిస్థితి వస్తుంది.

జన్యుపరమైన అంశాలు.. కుటుంబంలో ఎవరికైనా థైరాయిడ్ సమస్యలు ఉంటే ముందుగానే అప్రమత్తంగా ఉండాలి. నిజంగా థైరాయిడ్ సమస్య ఉన్నట్లు తేలితే సరైన వైద్య చికిత్సను నిర్లక్ష్యం చేయకూడదు. గొంతు వద్ద వాపు (Goitre) కనిపించినా లేదా పైన పేర్కొన్న లక్షణాలు తీవ్రంగా ఉన్నా వెంటనే ఎండోక్రినాలజిస్టును సంప్రదించి, వారి సలహా మేరకు మాత్రమే నిర్ధారణ పరీక్షలు చేయించుకోవాలి.

ఇది కూడా చదవండి..Anti-Aging Strategies : జీవ గడియారాన్ని వెనక్కి తిప్పే శాస్త్రీయ మార్గాలు..?

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..?  

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..?

ఇది కూడా చదవండి.. ఎసిడిటీని అంతమొందించే ఇంటి చిట్కాలు.. 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.